بخصوص تركيب فردتين فقط

[hanny]

الفردتين اللى بايظين عندى الإتنين اللى على اليمين الخلفية والامامية

ياترى أركب الفردين الجداد إزاى ؟؟؟

شفت موضوعات ان الفردتين الجداد مفروض يكونو فى الخلف وبالتالى هجيب اللى فى الخلف على الشمال قدام على اليمين !!
ولا أركب الاتنين الجداد قدام زى ما بتوع الكاوتش قالولى وإجيب اللى قدام على الشمال فى الخلف على اليمين ؟؟؟

[Abo_Mazen]

ما هو الجديد يا بيركب قدام ..أو بيركب ورا ..حسب نوع العربية جر أمامي ولا دفع خلفي ..

[rotanamasoud]

اختلفت الاقاويل
ناس تركبهم ورا عشان الثبات
ناس تركبهم قدام عشان الجديد افضل كخطوره انفجار اطار اقل
لاكن قطعا مينفعش تركب واحده ورا وواحده قدام
انا مع الرئى يركبو قدام

[fepsceasar]

كراى ودون اى اسباب علمية ..ركب الجديد قدام

[hugan]

شخصيا مقتنع ان الجديد امامي

[مواطن مصرى]

لو العربيه كبالن (جر امامى) زى الدايو و الهيونداى مثلاً يبقى تركبهم قدام
لو العربيه كورونا (دفع خلفى) زى اللادا و الشاهين و الجيب يبقى تركبهم ورا

[HeMa_LanCeR]

انا عن نفسي بركبهم ورا لمده شهر تقريبا وبعدين اجيبهم قدام :))))