مقاس اكبر

[nav man]

افيدوني الله يكرمكم انا مقاس العجل عندي 195/60/16 المقاس دا مش موجود ونادر التوكيل قالي حط 205/55/16 طيب انا عاوز اعلي العربية شوية ومش عاوز اغير الجنط يعني اخليها زي السبورتاج 225/75/16 هل دا ياثر علي العربية انا معايا بيجو 2008 موديل 2015. والله احنا في اسكندرية كل تعالية سم ليها فايدة الواحد عاوز يركب تريلا ويخلص.طيب واكتر حاجة ممكن اعليها كام وميأثرش علي العشغة والثبات والسرعة.افيدوني.ولو منفعاش ممكن طيب 205 /60&70.شكرا مقدما.

[Hosam_Optrawy]

افيدوني الله يكرمكم انا مقاس العجل عندي 195/60/16 المقاس دا مش موجود ونادر التوكيل قالي حط 205/55/16 طيب انا عاوز اعلي العربية شوية ومش عاوز اغير الجنط يعني اخليها زي السبورتاج 225/75/16 هل دا ياثر علي العربية انا معايا بيجو 2008 موديل 2015. والله احنا في اسكندرية كل تعالية سم ليها فايدة الواحد عاوز يركب تريلا ويخلص.طيب واكتر حاجة ممكن اعليها كام وميأثرش علي العشغة والثبات والسرعة.افيدوني.ولو منفعاش ممكن طيب 205 /60&70.شكرا مقدما.

مقاس 205/55 هايوطى العربيه 4 مللى وانت أصلا عايز تعللى

ممكن تركب مقاس 205/60 هايعللى العربيه 6 مللى دا أكتر واحد مناسب

لكن لو زودت في العرض عن 205 او البروفايل عن 60 هايعمل مشاكل في الثبات وممكن يحك في الرفرف من جوه وهيأثر كمان عالسحب عشان العرض هايبقى كتير

[nav man]

بص يباشا البيجو ال 2008 حتي لو ركبت جنط 18 مش هيقرب من الرفرف بس انا كلمت التوكيل وقالي ياما تجيب نفس العجل اللي هو 195/60/16 او 205/55/16 وسالتهم يعني انا هعرض واوطي العربية قالي لا هتفضل نفس الطول ومش هتوطي.انا عاوز اعلي شوية صغيرة هيا اعلي من السيدان بس انا عاوز سنة كمان.المية بهدلتنا وانا خايف من كهربة العربية والمية ولامحال انك تعدي في شوارع المية طالعة فيها فوق الرصيف.ربنا يسترها افديواني اكتر.وكتر الف خيرك يحسام بية.

[nav man]

طيب ينفع يحسام بية احط مقاس 205/65 او 205 /70 والا هياثر علي العربية.

[Hosam_Optrawy]

شوف ياباشا لو انت ضامن انها مش هاتحك في الرفرف ، والهدف الأساسى عندك هو التعليه وطبعا دا هاييجى على حساب الثبات

يبقى عندك مقاسين اللى هاتحس بيهم بفرق ملحوظ

المقاس الأول 215/60

مميزاته : هايعللى العربيه 1.2 سم ، زيادة العرض من 195 ل 215 هايعوض شويه الثبات اللى هايقل من الارتفاع اللى زاد ، العفشه هاتكون أنعم

العيوب : ممكن يحك من جوه الرفرف وانت بتلف لان مفيش بيجو 2008 بره بتنزل ب 215 اخرها 205 ، ثبات أقل ، سحب أقل و إستهلاك بنزين أكتر بسبب ان مساحة الكاوتش الملامسه للأرض زادت

المقاس التانى 205/65

المميزات : هايعللى العربيه أكتر 1.6 سم ، هاتبقى التزمت بأقصى عرض مسموح وهو ال 205 ، العفشه هاتكون أنعم

العيوب : الثبات هايتأثر بنسبه أكبر

رأيى خليك في المقاس التانى لو انت ضامن ان المساحه كافيه بين الكاوتش والرفرف من فوق

[nav man]

يباشا الله ينور عليك.بس احسن ميزة في العربية الثبات انا هجيب ال 205/60 مع ان التوكيل قالي 205/55قالي علشان هيا 195/60.الف شكر يباشا وتعبتك معايا.

[nav man]

معلش اقصد 205/65 لا المساحة كبير وان شاء الله بعيدة عن الرفرف.

[Hosam_Optrawy]

العفو وعلى مهلك بقى في الجرى :)