عاوز اجيب كاوتش جديد ...ارجو المساعده

[mero100]

الكاوتش اللي جبته من سنتين كان بريدجستون b250 ....و كان سيء جدا

ياريت حد يرشحلي حاجه محترمه يكون جربها .

و شكرا جزيلا .

[lancer06]

لو عاوز حاجة فى نفس رينج البريدجستون يبقى ماكسيس
ولو عاوز الأعلى قوى ميشلان لكن غالى حبتين
وابعد عن الكاوتش التركى

[smsm2004w]

اذيك يا عمرو انا كمان بدور على كوتش جديد يكون كويس فى كومهو بيقولى صناعة بولندى لقيتة عند واحد فى احمد سعيد وسعرة معقول بس محتاج اسأل علية كويس بس عندى حوار فى العربية عايز اخلص منه الأول رعشة وصوت عالى شوية ومراجعة مساتر الفرامل ابقى اتصل بيا

[tameem2010]

يوكوهاما انضف كاوتش سواء a -drive
او c-drive

عن تجربة كاوتش ممتاز

وطبعا الميشلان رائع

[SHERIF N]

انا لسه مشترى بريدجستون تيرانزا يابانى ممتاز جدا
تحكم وتوجيه ممتاز فى الملفات على اى سرعه وفرامل اقوى ومسافه توقف اقل ( العربيه ما بتسحافش على الاسفلت ) وكمان هادى جدا مفيش صوت خالص ومريح فى المطبات والحفر
بس فى حاجه ممكن تكون عيب ان العربيه بتكون ابطاء حتى على المور من كتر ما هى مكلبشه فى الارض ودة بياكل بنزين شويه
نصحتى لو هاتجيب هات اليابانى وبس واتاكد من رمز السرعه والحرارة ومعامل التاكل

[miam0502788391]

الكاوتش اللي جبته من سنتين كان بريدجستون b250 ....و كان سيء جدا

ياريت حد يرشحلي حاجه محترمه يكون جربها .

و شكرا جزيلا .

ال b250 معامل التآكل بتاعه 200 وده معامل تآكل متدنى جدا يعنى اللاسا التركى مثلا 350 والديستون التايلاندى 300 انما ده بتاكل بسرعة انا جبته واتاكل عندى بعد 35 الف
غير كده هو كاوتش هادى وكويس فى المطبات
لو حابب حاجة معقولة وجودة هات الديستون التايللندى او اى حاجة تايلاندى يكون معمل التآكل مش اقل من 300
ابعد تماما عن الاندونيسى معظمه بعد فترة بيصفر فى الملفات و الفرملة