انا اتنصب عليا

[المجرى]

السلام عليكم ورحمة الله
اخوانى انا من يومين رحت غيرت فرد الكاوتش للعربية
جبت 4 فرد جوديير DuraGrip
بس للاسف لقيت الاربع فرد تاريخ انتاجهم
من الاسبوع 36 الى 42
يعنى من شهر 10 الى 11
بس السنة 2014
اعمل اية الراجل بيقول مبيرجعش ومش عارف متعكنن على الاخر

[amrhosam]

لو الكوتش مريحك متحطش في دماغك و خلي عليك الكام شهر دول مفرقتش كتير ... الحمد لله

[Hosam_Optrawy]

الفرق مش بعيد اوى ماتضايقش نفسك

لو كان اول 2014 او في 2013 دا اللى يبقى قديم

[lamada]

متحطش فى بالك

[hugan]

عادي ولا تشغل بالك

[د.محمود صلاح]

عادي مش قدام اوي

[elkahf1]

لو سمحت مقاس الكوتش كام وسعره كام

[abokoko]

قول الحمد للهوالاهم قول ربنا يبارك فيهم ويحفظ من التلف قبل ميعادهم

انا استريت بطاريه باغلي من سعرها لاني كنت مضطر لما فصيت البطاريه عند بتاع البطاريات وكنت مضايق لاني اضرطيت اشتري منه بدل ما الف و اجيب افضل نوع و سعر
لكن - بحد ربنا لانها معايا حاليا بقالها كام سنه ولو فصلت مني حاليا هقول عملت باكتر من الفوس اللي اتدفعت فيها
وربنا عوضني خير
وهذا ما اتمناه لحضرتك

[أبو معاذ5]

عادي مفيهاش مشكلة

[Mecha]

الاطار عمره خمس سنين من تاريخ الانتاج

[gamal_sharaf]

لو معاك فاتورة
روح اشتكى فى جهاز حماية المستهلك ، عندهم سرعة فى الاستجابة
ولازم تقول انك اشتريت طقم الكاوتش جديد ، والبائع ركب لك طقم تاريخ إنتاجه قديم من سنة ونص
وطبعاً المنتج ده له فترة صلاحية خلال 5 سنوات فقط
وهو كده ضيع عليك سنة ونصف ، وادالك ثلاث سنوات ونصف فقط وباعه لك بكامل سعره

هما حيقوموا بالواجب

انما لو معاكش فاتورة ، يبقى متروحش فى حتة بشكل قانونى
انما لو ليك معرفة يعرفهم وممكن يتوسط حاول تساوى الموضوع معاه ودى
او تقبل بكده ، ويعوض عليك ربنا