امتى اغير الكاوتش ؟

[smartjo]

مساء الخير
انا الكاوتش عندى مقاس
185/65/15
بريدچ ستون
عربيه صنى 2011
الكاوتش حالته كويسه ماشى 30 الف كيلو بس
لكن عمره من عمر العربية يعنى خمس سنوات تقريبا
هل لازم اغيره علشان عدى على المدة دى حتى لو حالته حلوة ؟

ارجو النصيحه

ولكم جزيل الشكر.

[miam0502788391]

تغيير الكاوتش فى 3 حالات
1- بعد 5 سنوات
2- بعد 50 الف كيلو
3- اذا كان سمك النقشة اقل من 1.5 مم

[S O P H O S]

لو بتسافر او دايما طريق سرعات عالية
مترددش فالتغير حتي لو ماشي قليل
فعوامل زي الحرارة وصلاحية الاطار ليها اعتبار غير ال km

[borio1704]

التغيير دايما بيبقى في أحد حالتين

1- مرور 5 سنوات على تاريخ إنتاج الكاوتش المكتوب عليه.

وعن تجربة شخصية.. حصل معايا موقفين منفصلين كان ممكن أروح فيهم بسبب الكاوتش القديم... وربنا ستر... مع إن الفردتين اللي كانوا راكبين كان شكلهم زي الجديد.

وبشكل عام.. أي أجزاء كاوتش عدى عليها أكتر من 5 سنين المفروض تتغير... ﻹن ده العمر الطبيعي لكل أنواع الكاوتش ..

أمال العربيات بتبدأ تفتح بقها في الصيانة ليه بعد 5 سنين؟؟ ماهو من كده.


2- ظهور مؤشرات التآكل على سطح الإطار...

ومؤشرات التآكل بتبقى موجودة في فردة الكاوتش في التجاويف بتاعت النقشة.. زي كده



يعني لما الفردة توصل للوضع اللي في الصورة يببقى لازم تتغير



غير كده.. يبقى حضرتك بترمي فلوسك عالأرض.


...