إعـــــــلان

Collapse

.

,
See more
See less

احذر بتوع الكاوتشات اللي علي الدائري

Collapse
X
 
  • Filter
  • الوقت
  • Show
Clear All
new posts

  • احذر بتوع الكاوتشات اللي علي الدائري

    السلام عليكم ورحمة الله

    انا ليا تجربه مع بتوع الكاوتشات اللي علي الدائري سيئه جدا وقولت انقلهالكوا عشان ماتقعوش في نفس الغلطه، انا ساكن عند الدائري كارفور كنت نازل الصبح رايح الشغل ولقيت العجله نايمه وطبعا اكيد كان فيها خرم وانا طريقي علي الدائري وانا لسه كنت جايب العربيه وعنديش خبره خالص، روحت لواحد من اللي علي الدائري بعد الكوبري في اتجاه نازلة الزهراء قالي الكاوتش مخروم وقعد يدي الكاوتش في خوابيروانا معنديش خبره وفي الاخر قالي الحساب600 جنيه !! افتكرته بيهزر بقوله نعم !! قالي ايوه ده 13 خرم !! قولتله يا عم ده الكاوتش جديد باقل من كده المهم فضلت انزل معاه لحد 200 جنيه ابن الحرام الله لا يسامحه وربنا اعلم بالظروف الماديه اصلا !! ومش بس كده تاني يوم لقيت العربيه بتحدف وبتترج جامد واكتشفت انه ضمرلي الكاوتش !! كل يوم وانا معدي بدعي عليه !! عموما خلي بالكوا لو اضطريتوا اوي انفخوا الكاوتش ولما تنزلوا من علي الدائري ابقي روحوا لحد تعرفوه او لو ماتعرفهوش مش هايكون للدرجه !!

    ربنا يكفيكوا شر ولاد الحرام :)

  • #2
    حسبي الله و نعم الوكيل

    Comment


    • #3
      هما دول شرار الناس اشباه البشر والدوله سايباهم مش عارف ليه الناس دى لا عندهم ورشه ولا اى حاجه وبيسرقه تيار الكهرباء من عمدان الاناره والدوله شايفاهم ومطنشه ومش فاهم اين القانون اين العدل اين عدالة السماء من الغشاشين والنصابين مش عارف اقول غير حسبى الله ونعمه الوكيل ؟

      Comment


      • #4
        المشاركة الأصلية كتبت بواسطة ahmedjuddy مشاهدة المشاركة
        حسبي الله و نعم الوكيل
        100 مره .. خليه يتهني بيها في الدنيا وربنا هايردهاله في الاخره ان شاء الله

        Comment


        • #5
          المشاركة الأصلية كتبت بواسطة mohamed desoky مشاهدة المشاركة
          هما دول شرار الناس اشباه البشر والدوله سايباهم مش عارف ليه الناس دى لا عندهم ورشه ولا اى حاجه وبيسرقه تيار الكهرباء من عمدان الاناره والدوله شايفاهم ومطنشه ومش فاهم اين القانون اين العدل اين عدالة السماء من الغشاشين والنصابين مش عارف اقول غير حسبى الله ونعمه الوكيل ؟
          ما هي سايباهم لانها شبهم بس علي تقيل، دول بينصبوا في ميات ودول بينصبوا في مليارات ... حسبي الله ونعم الوكيل في كل ظالم وقابل علي نفسه الحرام .. انا قولت والله اقول عشان محدش يحصل معاه اللي حصل فيا

          Comment


          • #6
            من امن العقاب اساء الاءدب !!!!!!

            المشاركة الأصلية كتبت بواسطة EmadAziz مشاهدة المشاركة
            السلام عليكم ورحمة الله

            انا ليا تجربه مع بتوع الكاوتشات اللي علي الدائري سيئه جدا وقولت انقلهالكوا عشان ماتقعوش في نفس الغلطه، انا ساكن عند الدائري كارفور كنت نازل الصبح رايح الشغل ولقيت العجله نايمه وطبعا اكيد كان فيها خرم وانا طريقي علي الدائري وانا لسه كنت جايب العربيه وعنديش خبره خالص، روحت لواحد من اللي علي الدائري بعد الكوبري في اتجاه نازلة الزهراء قالي الكاوتش مخروم وقعد يدي الكاوتش في خوابيروانا معنديش خبره وفي الاخر قالي الحساب600 جنيه !! افتكرته بيهزر بقوله نعم !! قالي ايوه ده 13 خرم !! قولتله يا عم ده الكاوتش جديد باقل من كده المهم فضلت انزل معاه لحد 200 جنيه ابن الحرام الله لا يسامحه وربنا اعلم بالظروف الماديه اصلا !! ومش بس كده تاني يوم لقيت العربيه بتحدف وبتترج جامد واكتشفت انه ضمرلي الكاوتش !! كل يوم وانا معدي بدعي عليه !! عموما خلي بالكوا لو اضطريتوا اوي انفخوا الكاوتش ولما تنزلوا من علي الدائري ابقي روحوا لحد تعرفوه او لو ماتعرفهوش مش هايكون للدرجه !!

            ربنا يكفيكوا شر ولاد الحرام :)
            غياب الرقابة يعمل اكتر من كده ولسه ياما هنشوف !! من امن العقاب اساء الاءدب !!

            Comment


            • #7
              المشاركة الأصلية كتبت بواسطة Colin Chapman مشاهدة المشاركة
              غياب الرقابة يعمل اكتر من كده ولسه ياما هنشوف !! من امن العقاب اساء الاءدب !!

              بالظبط

              Comment


              • #8
                المشاركة الأصلية كتبت بواسطة emadaziz مشاهدة المشاركة
                ما هي سايباهم لانها شبهم بس علي تقيل، دول بينصبوا في ميات ودول بينصبوا في مليارات ... حسبي الله ونعم الوكيل في كل ظالم وقابل علي نفسه الحرام .. انا قولت والله اقول عشان محدش يحصل معاه اللي حصل فيا
                هيا دى الدوله الحديثه واسمها اتغير جمهورية مصر الحراميه ؟جمهورية الغشاشين المصريه ؟والحمد لله احنا من اوائل الدول فى كل الاامراض المزمنه اللى ليس ليها علاج سوى الموت وكان فى امل فى كفتة عبعاطى ؟؟؟؟؟؟؟؟؟؟؟؟؟ تشفى كل الامراض والعالم ضحك علينا من الجهل ؟احنا والحمدلله من سئ الى اسوء وده مش كلام ده واقع اسئل اى مواطن بسيط هيقولك الخلاصه احنا فى دولة البلطجه ؟

                Comment

                Working...
                X