ارجو الافادة اغير امتي الكاوتش ... و لانهي براند

[tamer.soliman8]

ارجو الافادة اغير امتي الكاوتش ... و لانهي براند ... عربيتي سيراتو 2011 استخدام بيتي بسافر بيها كل فين و فين عاملة 36 الف كيلو
الاستبن لم يستخدم و حالة العجل في الصور ... فياريت تفيدوني افادكم الله WhatsApp Image 2018-01-11 at 09.46.40(1).jpgWhatsApp Image 2018-01-11 at 09.46.40(2).jpgWhatsApp Image 2018-01-11 at 09.46.40(3).jpgWhatsApp Image 2018-01-11 at 09.46.40(4).jpgWhatsApp Image 2018-01-11 at 09.46.40.jpg

[salam100100]

الكاوتش بيتغير فى اى حاله من الحالات الاتيه:
1. حاله الكاوتش من ناحيه التشققات او عمق النقشه (فى دليل بعرض الكاوتشه مؤشر لتغيير الكاوتش او اعتقد العمق بيكون اقل من 4 مم- ممسوحه ودا بيكون عيب فالزوايا فيلزم تصليح العفشه قبل تغيير الكاوتش
2. سنين التشغيل فالمتوسط 4 سنوات من تاريخ انتاج الفرده
3. طبيعه السواقه- جرى وفرك وخمسات اكيد هيستهلك اسرع
4. طبيعه الطرق - لو مكسره كتير ومدقات هتكون بتتغير اسرع
5. واخيرا المسافه المقطوعه- ملهاش قاعده- ممكن يحتاج يتغير على 40 الف وممكن على 80 الف كم

طبعا الكلام دا فى عالم كامل

لكن فى عالمنا وفى ظل ارتفاع الاسعار الفرده مثلا ب800 جنيه يعنى الخمسه ب4000 جنيه- الحسابات بتتغير

انا لو مكانك هكمل بيهم سنه كمان - اعمل بيهم 10-15 الف كم كمان

الكاوتش بطبيعته كل مبيقدم بينشف- زى السيلك اللى جواه فهتلاقى الاحساس بالمطبات بيذيد
هتسمع صوت الكاوتش على الاسفلت بيصوت فالملفات البطيئه
كاوتش ناشف يعنى زحلقه وعدم تماسك

اول متحس بدا تعرف انه ان الاوان يتغيروا

[احمد33227]

من وجهة نظري المتواضعه باقي الكاوتش كويس من شكله لكن عمر الكاوتش تقريبا خمس سنين عشان بيكون نشف مش زي الكاوتش جديد لم تضعط عليه بتلاقيه طري وعلى حسب تاريخه مكتوب ع الكاوتش تاريخ صنعه وبرضه ف حركه اسمها تدوير الكاوتش انا سيراتو برضه دفع امامي اعتقد انك نفسي بتبدل القدام ع اليمين باللي ورا ع الشمال والعكس مع الكاوتش اليسار مع اللي ورا ع اليمين عشان بيكون التآكل والاحتكاك قدام اكتر بحيث يبقى الافضل قدام بس انت تاكدت من عمر الكاوتش وطراوته عشان لو عمره خلص او نشف يبقى غلط تستخدمه ناشف ع السيارة غير خطورته مع اني كاوتشاتي ممسوحة اكتر منك قمت جبت الممسوح ورا وجبت اتنين جدا قدام واحد استبن واحد اشتريته
وانتظر برضه اراء باقي الاعضاء خبراء اكتر

[tamer.soliman8]

بشكر حضرتك علي المساعدة و الاهتمام ... هي مش ممسوحة لسه ... بجري احيانا بس مش بخمس ... احساس المطبات ده موجود

انا غيرت اللي ورا قدام و العكس اللي الي قدام اتمسحوا شوية ... بس عارف كل ما اروح لبتاع كاوتش الاقي كلام غير الكلام ... فمش عارف الصراحة و طبعا مش عايز لاقدر الله الكاوزتش يفرقع وانا علي طريق ... ربنا يستر علي الجميع ... طيب لو غيرت اغير لايه

الكاوتش بيتغير فى اى حاله من الحالات الاتيه:
1. حاله الكاوتش من ناحيه التشققات او عمق النقشه (فى دليل بعرض الكاوتشه مؤشر لتغيير الكاوتش او اعتقد العمق بيكون اقل من 4 مم- ممسوحه ودا بيكون عيب فالزوايا فيلزم تصليح العفشه قبل تغيير الكاوتش
2. سنين التشغيل فالمتوسط 4 سنوات من تاريخ انتاج الفرده
3. طبيعه السواقه- جرى وفرك وخمسات اكيد هيستهلك اسرع
4. طبيعه الطرق - لو مكسره كتير ومدقات هتكون بتتغير اسرع
5. واخيرا المسافه المقطوعه- ملهاش قاعده- ممكن يحتاج يتغير على 40 الف وممكن على 80 الف كم

طبعا الكلام دا فى عالم كامل

لكن فى عالمنا وفى ظل ارتفاع الاسعار الفرده مثلا ب800 جنيه يعنى الخمسه ب4000 جنيه- الحسابات بتتغير

انا لو مكانك هكمل بيهم سنه كمان - اعمل بيهم 10-15 الف كم كمان

الكاوتش بطبيعته كل مبيقدم بينشف- زى السيلك اللى جواه فهتلاقى الاحساس بالمطبات بيذيد
هتسمع صوت الكاوتش على الاسفلت بيصوت فالملفات البطيئه
كاوتش ناشف يعنى زحلقه وعدم تماسك

اول متحس بدا تعرف انه ان الاوان يتغيروا

[tamer.soliman8]

فكرة ناشف دي مش عارف ازاي بس هو من ساعة ما جبت العربية و هو فيها ... طيب لو غيرت اغير لايه و مواصفاته و الموزعين المضمونين مين كاسامي

من وجهة نظري المتواضعه باقي الكاوتش كويس من شكله لكن عمر الكاوتش تقريبا خمس سنين عشان بيكون نشف مش زي الكاوتش جديد لم تضعط عليه بتلاقيه طري وعلى حسب تاريخه مكتوب ع الكاوتش تاريخ صنعه وبرضه ف حركه اسمها تدوير الكاوتش انا سيراتو برضه دفع امامي اعتقد انك نفسي بتبدل القدام ع اليمين باللي ورا ع الشمال والعكس مع الكاوتش اليسار مع اللي ورا ع اليمين عشان بيكون التآكل والاحتكاك قدام اكتر بحيث يبقى الافضل قدام بس انت تاكدت من عمر الكاوتش وطراوته عشان لو عمره خلص او نشف يبقى غلط تستخدمه ناشف ع السيارة غير خطورته مع اني كاوتشاتي ممسوحة اكتر منك قمت جبت الممسوح ورا وجبت اتنين جدا قدام واحد استبن واحد اشتريته
وانتظر برضه اراء باقي الاعضاء خبراء اكتر