أفضل كاوتش عزلا للصوت !!

[mailo]

والله أنا رأيي إن ال بريدجستون سعره عالي قوي
مع إن نفس الكواليتي ممكن تجيبها من جود يير أو كنتينينتال وبسعر أحسن كتير قوي قوي

تعرف انا محتار نفس الحيرة بتعتك بس انا مش محتار فى نوع سايلانت
عايز اعرف انهى نوع جودتة نظيفة بعد الميشلان والبردجستون ومقاسى نفس مقاساتك تقريبا 195 / 60 / 15 او 205 /55/15
لان حاليا صعب اجيب اربع كفرات 2000 او اكتر بالنسبة للنوعين الاوليين تفتكروا اية كويس بعديهم ومريح عن تجربة

الميشلان والبردجستون ومعاهم جود يير وكنتينينتال دول بيعتبروا برميوم بره
بعضهم بيجي الكومهو وبعضهم el-GT
اللي أنا بأتكلم عليه تصنيف الماركات
وطبعا الموديلات بتختلف

خليك في جوديير لو المقاس أكتر من 15أو ال conti
بس بص على الموديلات اللي موجودة الاول

حتي الأن تساوي كومهو و جوديير ( مع إني باحترم جود يير إلا إني عندي تجربة سيئة مع صوته في الفرامل )

الجود يير عندي صوته كويس مفيهوش مشاكل معايا حتى صوته على الطريق فالجري مش عالي أحسن من الماكسس وال بريللي والكومهو اللي أنا جربتهم قبل كده

[Misho!]

ممكن حد يقولى ايه رايو فى الربر التايلاندى ؟!!!

[midooo_119]

انا اشتريت امبارح فرده كومهو 185/65 14 النقشه kh17
الفيتنامى ب 350 جنية و الكورى ب 400 من مدينه نصر

[akmm]

ايو الأسعار ايييه ؟

[eng.ghost]

متابع

[yahia_zakareya]

انا بالنسبة ليا مركب كومهو كورى هايل فى نقشتة ومفيش صوت واخويا مركب نانكينج بردة ملوش صوت ونقشتة كويسه

انا لسة جايب طقم نانكينج الفردة ب330 مقاس15 /60/195 انتاج1409 نقشة سرعات اللى هيا فيها زى شكل ضفيرة من جوة زى اللى بتنزل مع الاوكتافيا a5
كان الاول راكب عندى كومهو كورى كان جاى مع العربية وهيا وارد كوريا يعنى جاى من بلادة بس كان انتاج 2004
الملاحظات اللى حسيتها
الصوت اهدأ بشوية مش كتير بس افضل
صوت الكاوتش مع الفرامل مفيش الصرخة اللى كانت فى الكومهو فى الاخر كان بيصرخ منى لما اجى افرمل على مطب من سرعة فوق ال60او80
التماسك افضل من الكومهو الكومهو كان ممكن يزحف على الرملة او التراب وعلى اقل سرعة فى شارع جانبى
انا يادوب مشيت بية 3ايام يعنى لسة مطبعش مع الجنط اوى على ما اعتقد بس شيفة افضل
حد بقى لية تجربة مع النوع دة نانجينج

طيب ياجماعة محدش اتكلم عن نانجينج خالص
لسة مركبة عندى وشايف انة كويس واهدى من الكومهو

ممكن حد يقولى ايه رايو فى الربر التايلاندى ؟!!!

في العربية FIAT 127 حصل الآتي:

في يونيو 2005 ركبت فردتين NANKANG made in Thailand و كانت قراءة العداد 27000 كم (بعد الـ 100،000 كم الأولى طبعاً)

في 2010 رميت فردة و كانت قراءة العداد 70000 كم (يبقى كده مشيت عليها 43000 كم)

حتى لحظة كتابة هذه المشاركة لسة الفردة التانية موجودة (معمولها لحام جانبي بخابور أمريكي من 4 سنين تقريباً) و ماشية من غير ما تلم مسامير أو خروم و قراءة العداد دلوقتي 79000 كم ( يعني عاملة معايا لحد دلوقتي 52000 كم في 7 سنين و نص و لسه واقفة على حيلها)

طبعاً واضح ليكو إن العربية بتعمل كيلومتر قليل في السنة لأنها مع والدتي و مشاويرها كلها جنب البيت و السرعة القصوى 70 كم/س

بس اللي عايز أقوله إنه لما الفردتين كانو جداد كنت حاططهم قدام طبعاً و كان أدائهم ممتاز جدا في الفرامل و الطراوة و الصوت و في مايو 2009 رجعتهم ورا و حيبت فردتين تانيين جداد ماركة Olympic made in New Zealand و دول طلعوا مقلب و أنا بعترف بغلطتي إني اشتريتهم و صدقت كلام البياع وقتها

دي تجربتي مع المطاط التايلاندي و اللي تخليني أحكم عليه بأنه مطاط ممتاز و معمر رغم رداءة شوارعنا في مصرنا الغالية

ملحوظة هامة:
التواريخ أنا مش حافظها ، ده أنا مسجل كل حاجة بعملها في العربية في ورقة عندي

و شكرا لصاحب الموضوع رغم إنه من 2009 لكن موضوع مفيد

[blazer]

انا اشتريت امبارح فرده كومهو 185/65 14 النقشه kh17
الفيتنامى ب 350 جنية و الكورى ب 400 من مدينه نصر

فين فى مدينة نصر كمهو كورى؟؟؟؟؟؟

[ahmedsamy90]

و الله أنا كنت في السعودية بأجيب بريدجستون و يوكوهاما
بس هنا غاليين قوي
و جربت الدنلوب .. صوته مزعج .. و لما تفرمل بسيط .. كأنك حتعمل حادثة !!

+11111111

يوكوهاما اسمع كتييير اوي انو silent بس غالي

[migo9898]

كومهو كورى

[addams_2]

حد جرب السومتومو الياباني Sumitomo

[Kareem.ElAraby]

YOKAHAMA
C Drive
S Drive

يجمع السعر الحنين نسبيا و الاداء

195/60/15 عامله 570 C Drive

[sherry215]

انت عارف الفيرنا بيجي معاها كاوتش نسر وده لا تعليق عليه ومزيكة حسب الله اللي عاملها
بعديها جنط فجبت جود يير وبعديها جبت كومهو
عن نفسي الكومهو كان احسن

[yasser_mmr]

yokahama
c drive
s drive

يجمع السعر الحنين نسبيا و الاداء

195/60/15 عامله 570 c drive

ممكن عنوان المكان أو التليفون لو سمحت

[azwoz65]

ممكن عنوان المكان أو التليفون لو سمحت

متابع

[azwoz65]

متابع باهتمام