ما افضل نوع فى البطاريات الجافة و أسعارها

[Hossam_Hassan]

امبارح فى توكيل بريدجستون اللى فى بنزينة كالتكس عباس العقاد سألت على بطارية Varta المانى 70 جافة و قالى ب 930 جنيه، المهم سألت النهاردة محل فى المقطم قالى 450 جنيه و تسيب القديمة و لما دردشت مع زمايلى فى الشغل شوية قالوا 450 - 500، يا ترى حد متابع اسعار البطاريات؟ و هى غليت كده ليه؟ و ياترى هتغلى أكتر؟

[Santino]

هي وصلت 930 !! أنا كنت سألت عليها من حوالي شهر و كانت ب 500 , أصل البطارية عندي بدأت تشاور عقلها و عايز أغيرها قبل الشتا , أنا ح أسأل علي الأسعار تاني و أكتبها هنا .

[ahmedsrs]

هي وصلت 930 !! أنا كنت سألت عليها من حوالي شهر و كانت ب 500 , أصل البطارية عندي بدأت تشاور عقلها و عايز أغيرها قبل الشتا , أنا ح أسأل علي الأسعار تاني و أكتبها هنا .

:!: :!: :!: :!: :!: :!: :!: :!:

[mada121977]

اسعار البطاريات غليت لسبب بسيط جدا و هوا زياده اسعار الرصاص الخام المستخدم فى صناعتها اضافه الى امتناع الدوله عن ادخال اى كميات مستورده من الخارج من الرصاص الخام بحجه انه يلوث البيئه

[eng_mkhalaf]

طب أية هو الحل فى بديل ولا أية

[الصاوي]

طب أية هو الحل فى بديل ولا أية

ممكن جوز بطاريات قلم :D :D

[noon_eg]

لا شك ان اسعار البطاريات ولعت علشان كده لازم ننسى المستورد وخليك فى كلورايد العاديه 70 امبير ممكن تلاقيها فى حدود 325 الى 350 بعد ما يحسب القديمه ب 100 جنيه

اعرف واحد صاحبى اشترى ب 325 من شارع الترعه فى شبرا وواحد تانى اشترى ب 350 من رومانى اللى فى جسر السويس

ربنا يرحمنا من جشع الدوله قبل جشه التجار ( امين )

[szrateb]

اسعار البطاريات الجديدة

البطارية قربت على 3 سنين وحاسس انها ابتدت تودع وسمعت ان البطاريات غليت جداً
حد عنده فكرة عن اسعار البطاريات الجديدة
مع الشكر

[Islam_galal]

AC delco 70 بـ 420 ج
فارتا 45 بـ 400 ج

لاحظ ان البطارية القديمة بتتباع بمبلغ كويس
مقاس 44 من 40 الي 50 ج
مقاس 70 بـ 75ج

[szrateb]

اسلام انا سمعت انه ممكن تبيع البطارية القديمة ب 100 جنية ولكن لا تبيعها لمحل البطاريات فيه بعض تجار الخردة بيمشوا في الشارع ودول بياخدوها من 75 إلى 100 جنية

[pcegypt]

AC delco 70 بـ 420 ج
فارتا 45 بـ 400 ج

لاحظ ان البطارية القديمة بتتباع بمبلغ كويس
مقاس 44 من 40 الي 50 ج
مقاس 70 بـ 75ج

أخي الكريم أعتقد أن الأسعار أصبحت أكثر من ذلك وربنا يرحمنا ، عموما أنا كنت سألت من حوالي 10 أيام وكانت الأسعاركالآتي

AC Delco 70 كانت بسعر 600 جنيه والقديمة ب 100 جنيه
AC Delco 55 كانت ب 500 جنيه والقديمة ب 80 جنيه
VARTA 44 في حدود 450 جنيه والقديمة ب 60 جنيه

الاسعار بتتفاوت من محل للتاني سواء في سعر الجديدة او القديمة ولازم تسأل عند اكتر من واحد الاول علشان توصل لافضل تركيبة سعر (الجديدة - القديمة = السعر النهائي) تحياتي.

[szrateb]

سعر البطارية كلورايد 44

حد يعرف سعر البطارية الكلوريد 44
انا سألت عن اثنين من تجار البطاريات
واحد قال 250 جنية بعد الخصم وياخذ القديمة
الثاني قال 350 جنية وياخذ القديمة
الفرق في السعر كبير موش عارف ليه ؟؟؟
حد عندة فكرة السعر المعقول في حدود كام وهل يوجد بطاريات مغشوشة أو درجة ثانية مثلاُ

[Islam_galal]

تأكد من تاريخ الصنع
طبعا انت بتتكلم عن بطارية جافة
انا لسة شاري فارتا الماني(45) بـ 400 ج و اخد بطارية مستعملة (70) بـ 75 ج

[szrateb]

لأ بطارية عادية بمياة
عموما الآن فرق السعر بين الجافة والعادية موش كبير كما قال لي التاجر الثاني
واين اجد تاريخ الانتاج هذا على البطارية؟؟

[TAG_Turbo0]

يعنى أيه أفضل بطارية جافة وسعرها كام؟