هل هذا عيب بطارية؟؟!!

[HeMa_LanCeR]

عندي سؤال كمان..
بالرغم من ان العربية بتدور من غير مادوس دبرياج .. إلا اني متعود اني ادوس دبرياج وانا بدور العربية كنت سمعت مرة ان الموضوع دا مفيد بس مش فاكر مفيد لايه بالظبط.. ايه رأيكم في الموضوع دا؟

انا بعمل زيك كده والموضوع ده مفيد انك بتشيل حمل الاسطوانه وجزء من الفتيس عن الموتور وبالتالي هيتشال من المارش وبيكون الحمل اخف وده مفيد لأطاله عمر المارش

انا حصل معايا نفس الموضوع كنت بجيب طلب من محل وكنت ناسى النور ورجعت لقيت العربية مش بدور بس البطارية عندى جافة
مش عارف من البطارية ولا من اية بالظبط

كده البطاريه هتودع وخلي ابلك الجافه بتقطع مره واحده

صح جدا
ومش محتاجه تفسير منطقى
مدام البطاريه بتدور العربيه مره اه ومره لا يبقى ده مااااااااااارش او ارضى او كابل المارش او ارضى البطاريه
و90% بيبقى جلب مارش او موبينه

انا بطاريتي الجافه عملت كده
كانت ساعات تقطع المارش ومتخليهوش يدور
طبعا انا كنت شاكك في المارش لحد ما في مره واحده لقيت العربيه مش عاوزه تدور رغم ان الانوار شغاله
وفي الخر طلعت البطاريه
علشان البطاريه الجافه بتقطع مره واحده وقبلها بتهيس حبتين تلاته

[zastaffa]

بص يا معلم انت تعمل بالعربيه مشوار محترم وبعد كده تطلع بيها عند الكهربائي بتاعك وتبطلها طبعا حتيجي تدورها مش هتدور تقوم مخليه يحط بطاريه من عنده مش يعمل وصله وساعتها لو دارت العربيه بسهوله يبقي كده عيب بطاره انما لو مدارتش وده غالبا اللي هيحصل كده يبقي عيب مارش ساعتها تخليه يفك المارش يبص عليه كله بس يركز علي الجلب والاوتوماتيك مهم جدا يبص علي الاوتوماتيك لأنها حصلت معايا قبل كده وطلع عيب اوتوماتيك بس مغيرتهوش خليتوا يسنفرلي البسكوتين بتوعه ومن ساعتها شغال بقاله دلوقتي 10 أشهر زي الفل

[أبو_يوسف]

فعلا كشفت على البطارية عند اتنين وقالولي ان البطارية دي بتودع وممكن مرة تدور ومرة لأ.. من غير ماعرفهم المشكلة ايه.. وشفت بنفسي المؤشر وهو بينزل ..
وتم تغيير البطارية والحمدلله الدنيا اتظبطت بقالها 6 أيام..
القديمة كانت داخلة على 4 سنوات خدمة -عملت اللي عليها وزيادة- :)
لكم جميعا جزيل الشكر وكل عام وانتم بخير

[MoStAfA-StabS]

لقطع الشك باليقين اختبر البطارية عند محلين بطاريات او اكتر، لول اجمعوا انها سليمة تاخد بعضك وتروح لكهرابائى يراجع لك المارش ويشوف الجلب والشاربون والبوبينة والمخدات والأوتوماتيك وسلك اللقط بتوعه، لو كل ده محلش المشكلةيبقى اعمل كتاوت للمارش لأن ممكن الكونتاكت يكون ضعيف

+111111111111111

[mrsailor]

ممكن يكون عيب شحن دينامو يعنى ساعات يشحن و ساعات ما يشحنش ممكن بسبب الكتاوت الخاصة بالدينامو او بلية الدينامو و ممكن يكون فى عيب فى الضفيرة

[أبو_يوسف]

بفضل الله المشكلة اتحلت بعد تغيير البطارية

[MoStAfA-StabS]

بفضل الله المشكلة اتحلت بعد تغيير البطارية

الف مبروك يا باشا

[alhourriah]

الأغلب عيب مارش طالما تدور البطارية ووتشغل مسجل وحاجات تانية.