البطارية .....؟

[shaky]

مساء الخير على كل اللى المنتدى الغالى
انا النهاردة غيرت البطارية بتاعتى بواحدة جديدة اسمها ac delco 55 الجافة لكن اللى مستغرب منة انى لغاية اول امبارح كانت بطاريتى فوق الممتازة والله وعمرها مزعلتنى ابدا بقالها معاى الوقتى سنتين وسبع شهور لكن انا بقالى حوالى 3 شهور مكشفتش عليها فقولت احن عليها واروح للكهربائى يشوفها كشف عليها قالى تمام والمية ممتازة قولت الحمد لله قالى بقالها قد اية معاك قولتة بقالها كذا قالى ولسة عايشة والله روحت ركنت العربية وسيبتها امبارح مشغلتهاش والنهاردة بدورها الصبح لقيتها بتعتل فى الدوراة ولقيت انى نسيت اربط على غطيان البطارية كويس ولقيتها الصبح بتفيص هوا جامد قولت الحمد لله
بس السؤال هنا بقى
فية احتياطات للبطاريات الجافة عشان تعيش مع الواحد لان انتوا عارفين ملهاش صيانة

شكرا

[Sherif Khalifa]

الجافة ملهاش صيانة

[magomago]

مساء الفل عليك
الكهربائى بتاعك كويس جدا ..اوعى تروحله تانى ..دا سره باتع

مبروك البطاريه الجديده ...كل اللى محتاجاله انك تمشى بالعربيه بانتظام عشان تشحن
وتابع العين الشفافه اللى بتكشف حالة البطاريه
اللون الاخضر ....تمام
اللون الاسود ....عايزه شحن ...والافضل مشوار طويل

[A.samy]

جبتها بكام البطارية وانتاج كام ولك الشكر

[shanodaa]

حلو قوي 31 شهر علي البطاريه
ومبروك البطاريه الجديده

[ahmed_khalil]

الراجل عينه حلوه اوىىىى
ماترحلوش تانى

[maka]

مبرووووك

بس اوعى تروح تانى للكهربائى ده لا يضربك انت شخصيا عين لان عينه صاااااااااروخ

و البطاية الجافة مبتحتاجش صيانة

[shaky]

جبتها بكام البطارية وانتاج كام ولك الشكر

جبتها 325 جنية
انتاج 9 /2009

[shaky]

هو سؤال بس الغطيان لو مش مربوطة كويس دا يائر على البطارية فى حاجة لان انا مكنتش مربطها كويس ولما جيت اشغل لقيتها بتفيس

[hesham22822]

ربط البطارية مالوش دعوة دى عين الكهربائى يا ريس و هوة انت لازم تقول لة على عمرها معاك قول لة لها شهر

[samirayad]

هو سؤال بس الغطيان لو مش مربوطة كويس دا يائر على البطارية فى حاجة لان انا مكنتش مربطها كويس ولما جيت اشغل لقيتها بتفيس

مش حتخسر حاجه لما تشيك على شحن الدينامو عندك

علشان تبقى مطمن على البطاريه الجديده برضه

وواضح أنك لسه عاوز تتطمن
ليه البطاريه القديمه عملت كده

علما بأنها عملت وقت كويس معاك

دا لو كنت أنا فهمت مقصودك

[د.محمود صلاح]

كل اللى محتاجاله انك تمشى بالعربيه بانتظام عشان تشحن
وتابع العين الشفافه اللى بتكشف حالة البطاريه
اللون الاخضر ....تمام
اللون الاسود ....عايزه شحن ...والافضل مشوار طويل

صحيح , كل اللى تحتاجه البطارية الجافة

[mohsen]

هو فى احتمال ان الكهربائى محسدش البطارية لكن هو معرفش يكشف عليها يعنى مقدرش يعرف ان فيها ربع ضارب ولا لأ وفى كهربائية كتير اوى مبيعرفوش يعملو الموضوع ده او بيكبروا دماغهم

والاحتمال الاكبر ان البطارية دى كان فيها ربع ضارب والبطارية السايلة ممكن تفضل شغالة معاك حلو اوى وفيها ربع ضارب كذا شهر وانت متعرفش لانك مبتكشفش عليها عند كهربائى كويس ودى الميزة الوحيدة اللى فى السايلة عن الجافة لكن بيبتدى الربع الضارب ده يبان اوى فى الشتا

[shaky]

ربط البطارية مالوش دعوة دى عين الكهربائى يا ريس و هوة انت لازم تقول لة على عمرها معاك قول لة لها شهر

والله يابشمهندس ماعرف اية اللى حصل فيها فجاة بدون مقدمات ولاعملت معايا حركة نقص قبل خالص

[shaky]

مش حتخسر حاجه لما تشيك على شحن الدينامو عندك

علشان تبقى مطمن على البطاريه الجديده برضه

وواضح أنك لسه عاوز تتطمن
ليه البطاريه القديمه عملت كده

علما بأنها عملت وقت كويس معاك

دا لو كنت أنا فهمت مقصودك

منتحرمش ياسمسم وان شاء الله هابقى اروح اعمل فحص شامل على كهربة العربية عشان اطمن