ركبت بطارية ماركب فى العربيه.

[ahmed_h_g]

السلام عليكم ورحمة الله وبركاته
طبعا" كل اللى داخل يشوف الموضوع بيستغرب صح ؟؟
الموضوع ان واحد صاحبى معاه عربيه فيات 131 البطاريه جابت ربع فطبعا" العربيه أبتدت تعمل عمايلها
المهم كان عنده بطارية مركب 12 فولت 70 أمبير حجمها كبير مركونه فى الجراج
قلتله ما تحاول تركبها البطاريه مش بالحجم . قاللى ازاى مينفعش طبعا" روحت مركبهاله بنفسى والعربيه أشتغلت تمام
طبعا" هتسألونى ازاى عربيه بيركب عليا بطاريه 50 أمبير ركبت عليها 70 أمبير .
مثال .
الكهرباء المستخدمه فى المنزل 220 فولت على 2000 أمبير
طبعا" الكل بيسأل ازاى الأجهزه بتستحمل ال2000 أمبير دول ؟؟؟
يا جماعه ال220 فولت هو الجهد الخارج لكن التيار المستهلك بيتحسب حسب الحمل المستخدم
يعنى مثلا" جهاز بيشتغل ب220 فولت و 20 أمبير هيشتغل وهيكتفى بالتيار اللى محتاجه وجهاز بيشتغل ب 220 فولت و120 أمبير برضه هيشتغل وعلى نفس الفيشه بس أهم حاجه يتوصلوا توالى .
من الأخر البطاريه ال50 أمبير هتشتغل وال 70 أمبير برضه هتشتغل لأن العربيه كل توصيلاتها على التوالى وكل جزء هيكتفى بالتيار اللى يناسبه
واللى عنده أى أستفسار يكتبه .
أحمد حلمى / مهندس الكترونيات وأتصالات بس لسه طالب .

[Dr.Mostafa Anwar]

هل ده معناه ان ممكن نحط بطاريه اعلى فى الامبير بدون مشاكل فى العربيه؟؟؟

[maka]

الكهرباء المستخدمه فى المنزل 220 فولت على 2000 أمبير

يا باشا الكلام ده مش مظبوط نهائى و غلط انك تقوله علشان ال 2000 امبير ده رقم كبيرة جدا على كهرباء شقة

وثانيا الجهاز هو اللى بيحدد امبيره مش احنا اللى بنجبره عليه

اما لموضوع بطارية المركب فالبطارية مش بالامبير بس لا بالامبير * الساعة

و كل ما الحجم زاد كل ما الالواح زادت كل ما هتحتاج وقت اطول للشحن

يعنى ان البطارية ممكن تكون محتاجة وقت اطول لاعادة الشحن و بالتالى حمل اكبر على الدينامو من البطارية بتاعت العربية

[maka]

هل ده معناه ان ممكن نحط بطاريه اعلى فى الامبير بدون مشاكل فى العربيه؟؟؟

بحيث تكون مناسبة لعربيتك زى اللانوس والنوبيرا الكتالوج بيقول البطاريات المناسبة من 44 امبير الى 70 امبير

و اكتر من كده هيحمل على الدينامو

[samirayad]

بحيث تكون مناسبة لعربيتك زى اللانوس والنوبيرا الكتالوج بيقول البطاريات المناسبة من 44 امبير الى 70 امبير

و اكتر من كده هيحمل على الدينامو

+1

[samirayad]

يا باشا الكلام ده مش مظبوط نهائى و غلط انك تقوله علشان ال 2000 امبير ده رقم كبيرة جدا على كهرباء شقة

+1

[د.محمود صلاح]

الف شكر على الردود المفيدة

[m_elkhishin]

لأن العربيه كل توصيلاتها على التوالى وكل جزء هيكتفى بالتيار اللى يناسبه
.

يا راجل حرام عليك ، انت عارف لو كل توصيلات العربية متوصلة على التوالي كان ايه حصل؟؟؟؟

أبسط حاجة لو لمبة فلاشر اتحرقت تفصل كهربة العربية كلها

[Sherif Khalifa]

يا راجل حرام عليك ، انت عارف لو كل توصيلات العربية متوصلة على التوالي كان ايه حصل؟؟؟؟

أبسط حاجة لو لمبة فلاشر اتحرقت تفصل كهربة العربية كلها

+1111

[m_elkhishin]

بحيث تكون مناسبة لعربيتك زى اللانوس والنوبيرا الكتالوج بيقول البطاريات المناسبة من 44 امبير الى 70 امبير

و اكتر من كده هيحمل على الدينامو

كلام حضرتك صح لو البطارية فضيت والدينامو حيشحنها من الصفر. يعني فعلا البطارية ال40 أمبير حتتشحن في نصف الفترة اللي تتشحن فيها ال 80 أمبير على نفس الدينامو.

ولكن:

بعد كده لو حاطط 40 زي لو حاطط 120 نفس الحمل على الدينامو ليييييه؟؟؟

لأن سحب الكهرباء من السيارة حيكون واحد في الحالتين ، ونفس كمية الكهرباء حتفقد من البطاريتين وبالتالى الزمن اللي حيشتغله الدينامو حيكون واحد في الحالتين قبل ما الكتاوت يفصل.

[N.a.j.d]

شكرااااااااا

[ahmed_h_g]

أسف التوصيلات تبقى توازى وليس توالى
غلطه مطبعيه
وأنا لسه عند رأيي وياريت الرد يبقى على أساس علمى علشان أقتنع مش علشان خاطر الدينامو .

[ahmed_h_g]

يا باشا الكلام ده مش مظبوط نهائى و غلط انك تقوله علشان ال 2000 امبير ده رقم كبيرة جدا على كهرباء شقة

حضرتك كتبت الكلام ده بناء على ايه ؟؟؟ ولا مجامله للشقه ؟؟؟

[MoStAfA-StabS]

يا باشا الكلام ده مش مظبوط نهائى و غلط انك تقوله علشان ال 2000 امبير ده رقم كبيرة جدا على كهرباء شقة

وثانيا الجهاز هو اللى بيحدد امبيره مش احنا اللى بنجبره عليه

اما لموضوع بطارية المركب فالبطارية مش بالامبير بس لا بالامبير * الساعة

و كل ما الحجم زاد كل ما الالواح زادت كل ما هتحتاج وقت اطول للشحن

يعنى ان البطارية ممكن تكون محتاجة وقت اطول لاعادة الشحن و بالتالى حمل اكبر على الدينامو من البطارية بتاعت العربية

+1111111111111111

[ahmed_h_g]

وثانيا الجهاز هو اللى بيحدد امبيره مش احنا اللى بنجبره عليه
مينفعش أساسا" نجبره عليه

اما لموضوع بطارية المركب فالبطارية مش بالامبير بس لا بالامبير * الساعة
ازاى ؟؟
عاوز قانون .

و كل ما الحجم زاد كل ما الالواح زادت كل ما هتحتاج وقت اطول للشحن
تمام أنا معاك فى كده

يعنى ان البطارية ممكن تكون محتاجة وقت اطول لاعادة الشحن و بالتالى حمل اكبر على الدينامو من البطارية بتاعت العربية
يعنى دينامو البطاريه ال50 يختلف عن ال70