مشكلة في البطارية

[hossamhindawi]

يوم الجمعة اللى فات قلت ازود مية مقطرة للبطارية لاني بقالي حوالي 4 شهور مزودتهاش مية ودورت العربية دارت وستها على كده بس مدورتهاش كتير المهم جيت تاني يوم قلت اغير زيت بالليل جيت ادور العربية مدريتش خالص وبتظهر البطارية وبيقلي شيك عليها واضح اني بعد ما زودت ميه حصل مشكلة ايه هيه ؟ جربت انقص المية المفطرة العربية دارت لكن اليوم اللي بعده رفضت تدور خالص ايه المشكلة ؟ واحد صاحبي قاللي كان لازم بعد ما زودت المية تشحنها فترة
دلوقت مش عارف اعمل ايه + ان العربية اوتوماتيك ولازم تكون البطارية كويسة - اغيرها ولا في حل للمشكلة _ رجاء المساعدة

[samirayad]

ياريت تروح لكهربائى يقيس تركيز البطاريه بالهيدروميتر
ويدورلك
وتعمل مشوار كويس وأنت مدور
وشوف الأخبار أيه بعد كده
علشان نقدر نحكم على البطاريه

وخليه بالمره يكشفلك على شحن الدينامو

[hossamhindawi]

آخد البطارية واروح بيها لان العربية مش دايرة خالص ولا اريح دماغي واجيب بطارية جافة جديدة وهل لما الكهربائي يظبط البطارية حتبقى كويسة ولا هتقف تاني بصراحة انا خايف لان العربية اوتوماتيك
ومعلش سؤال البطارية الجافة تعمل كام وايه احسن نوع واجيبها كام امبير


والف شكر ليك على الرد يا اخ سمير انت راجل زوووووووووووق

[samirayad]

الله يخليك أولا

والبطاريه اللى عندك بقالها قد أيه عندك

[hossamhindawi]

انا مشتري العربية من شهر اكتوبر اللي فات وتصدق بالله ماسألتش صاحبها على البطاريه ولا اي حاجة لانها جايه عن طريق سمسار ونقلت الملكيه وكل اما اتصل بصاحبها يكون الموبايل مغلق
وعلى فكرة العربية لانوس 1 موديل 99 وفبريكة بره وجوه
وانا لسه جديد في العربيات والعربية كانت ماشي معايا اكتر من ممتازة وكانت بتدور من أول مرة بس لما زودت المية المقطرة حصلت المشكلة

[samirayad]

بس لما زودت المية المقطرة حصلت المشكلة

يبقى أنت خففت تركيز السائل داخل البطاريه

وزودت بالبركه

فروح لكهربائى أفضل

يكشفلك على البطاريه

أنت حتحتاج معايره تانى للبطاريه
وحتبقى كويسه أن شاء الله

وتستفيد منها ....بدل ماترميها كده على طول

جربت انقص المية المفطرة العربية دارت لكن اليوم اللي بعده رفضت تدور خالص ايه المشكلة

وده الغلط اللى حصل معاك
لأنك لما نقصت الميه
شيلتلك شوية حامض معاك

[hossamhindawi]

معلش سؤال على السريع لغاية ما اشوف كهربائى
ايهما افضل البطارية الجافة ولا السايلة للعربية الاوتوماتيك ؟؟؟؟؟؟؟؟؟؟
وشكرا يا باشمهندس

[samirayad]

لأى عربيه
سواء مانيوال أو أوتوماتيك
يفضل البطاريات الجافه
زى ال ac - delco

أو الفارتا

أو الكلورايد

أختار بينهم حسب تواجد النوع بالترتيب

[hossamhindawi]

طيب فارتا ولا النسر فارتا وصناعة كل واحدة من دول ايه؟؟؟؟؟؟؟؟؟؟؟؟

[samirayad]

الحقيقه مش متأكد أوى

بس أعتقد الفارتا .............مصرى

والنسر فارتا ............ألمانى

وممكن يكون العكس ....والعمليه لفه معايا

عموما .....متقلقش من الجزئيه دى

ولو لقيت ألمانى .....أشترى

سواء النسر ..........أو بدون النسر

هههههههه

[hossamhindawi]

[hossamhindawi]

متعرفش سعرهم في حدود كام وهيأخد البطارية السايلة القديمة بكام؟؟؟؟؟؟؟؟؟؟

[samirayad]

متعرفش سعرهم في حدود كام وهيأخد البطارية السايلة القديمة بكام؟؟؟؟؟؟؟؟؟؟

يعنى
الموضوع حيكلفك فى حدود 350 ج

والبطاريه السايله مش ذات قيمه ( طالما تالفه )

بيخدوها ويعملوا حسابهم أنها تساوى عشره أو عشرون جنيه على الأكثر

وبيخصموا قيمتها من التمن الأجمالى للبطاريه الجديده

[pelo]

يبقى أنت خففت تركيز السائل داخل البطاريه
11111+11

[احمد المصرى]

انا حاسس انك نفسك تغير البطاريه وخلاص


انت ممكن تروح تصلحها وخلاص وان شاء الله مش هتتكلف اكتر من 20 ج هيظبتلك المايه وان شاء الله تشتغل ذى الفل