صيانة البطارية

[hany2]

السلام عليكم
أرجو الإفادة عن الصيانة الواجبة للبطارية علما بأنها جديدة والسيارة زيرو موديل 2008 ولها معي سنة ونصف ولم أكشف على البطارية وهي جيدة تماما. هل يجب أن أكشف عليها؟ أو أعمل لها أي صيانة؟
شكرا لكم

[tompina]

هي البطارية جافة وللا سائلة ؟
لو جافة .. صيانتها إنك ماتلعبش عندها !

لو سائلة ؟؟ فك المسامير البلاستيك اللي في البطارية من فوق بمفك عادة عريض أو ربع جنيه مخروم ..
وشوف مستوى السائل لو ناقص (أقل من 2 سم فوق مستوى قضبان البطارية الرصاص) زوده بماء مقطر من اللي بيتباع ـ ولو إنه كله نصب في نصب وبعينها مية حنفية ـ .
كمان صنفر الأقطاب المعدنية للبطارية بصنفرة حدادي ناعمة لحد ما لون القطب الأصلي يظهر ..
وصنفر كمان كابلات السيارة المتصلة بالبطارية ..
يا ريت ماتدورش العربية وتبطلها على فترات قصيرة .. علشان تدي الدينامو فرصة يشحنلك البطارية ..
و .. وبس !

[khalid9411]

هي البطارية جافة وللا سائلة ؟
لو جافة .. صيانتها إنك ماتلعبش عندها !

لو سائلة ؟؟ فك المسامير البلاستيك اللي في البطارية من فوق بمفك عادة عريض أو ربع جنيه مخروم ..
وشوف مستوى السائل لو ناقص (أقل من 2 سم فوق مستوى قضبان البطارية الرصاص) زوده بماء مقطر من اللي بيتباع ـ ولو إنه كله نصب في نصب وبعينها مية حنفية ـ .
كمان صنفر الأقطاب المعدنية للبطارية بصنفرة حدادي ناعمة لحد ما لون القطب الأصلي يظهر ..
وصنفر كمان كابلات السيارة المتصلة بالبطارية ..
يا ريت ماتدورش العربية وتبطلها على فترات قصيرة .. علشان تدي الدينامو فرصة يشحنلك البطارية ..
و .. وبس !

لازم يا حمو ربع جنية مخروم ممكن بريزة او شلن او خمسن قرش والجنية الحديد يفك
وممكن صوابعها مش محتاجة فلوس تتفك عادى باليد زى النسر فارتا والكلوريد

[hossamhindawi]

هل بعد ما زود مية مقطرة اخليها فترة على الشاحن عشان تشتغل كويس ولا هي هتشتغل عادي ؟؟؟؟؟؟؟؟؟؟؟؟؟؟؟؟؟؟؟

[khalid9411]

هل بعد ما زود مية مقطرة اخليها فترة على الشاحن عشان تشتغل كويس ولا هي هتشتغل عادي ؟؟؟؟؟؟؟؟؟؟؟؟؟؟؟؟؟؟؟

مدام البطارية سليمة وانت زوت ماء مقطر او ماء عادى حنفية
مش محتاجة شاحن ولا شئ لانها بتتشحن من دينامو العربية الالكترونى كل ما تتحتاج يديها كهرباء ولو اكتفت بيفصل اتوماتيكيا
املا ماء وخلاص ولا اى شئ بس لغاية المنسوب

[tompina]

لازم يا حمو ربع جنية مخروم ممكن بريزة او شلن او خمسن قرش والجنية الحديد يفك
وممكن صوابعها مش محتاجة فلوس تتفك عادى باليد زى النسر فارتا والكلوريد

ماقلتلكش الحقيقة المرة يا باشا ...
أنا بطاريتي طلعت فارتا .. والأدهى .. صوابعها مابتفتحش غير بالربع المخروم .. اختراع الفك باليد ده لسه ماوصلنيش !

[khalid9411]

ماقلتلكش الحقيقة المرة يا باشا ...
أنا بطاريتي طلعت فارتا .. والأدهى .. صوابعها مابتفتحش غير بالربع المخروم .. اختراع الفك باليد ده لسه ماوصلنيش !

هههههههههههههههههههههههههههههههههههههههههههههه
انت فاكهة المنتدى يا حموووووووووووووووووووووووووووو

[samirayad]

مدام البطارية سليمة وانت زوت ماء مقطر او ماء عادى حنفية

ماينفعش تحط مية حنفيه فى البطاريه السائله أم طبب

[khalid9411]

ماينفعش تحط مية حنفيه فى البطاريه السائله أم طبب

والله يا ابو احمد عندنا مصنع بطاريات فى المنيا من السابعينات يمكن حمو عارفه؟
دايما يقولى حط ماء حنفية عاديه اقوله يا عم غلط يقولى لما تبوظ هاتها وخد واحدة جديدة من عندى ببلاش الكلام ده من زمان ولغايه الان

[tompina]

ماينفعش تحط مية حنفيه فى البطاريه السائله أم طبب

طيب ينفع نحط مية الحنفية في البطارية الجافة ؟

[samirayad]

والله يا ابو احمد عندنا مصنع بطاريات فى المنيا من السابعينات يمكن حمو عارفه؟
دايما يقولى حط ماء حنفية عاديه اقوله يا عم غلط يقولى لما تبوظ هاتها وخد واحدة جديدة من عندى ببلاش الكلام ده من زمان ولغايه الان

أصلها بطاريات صعيدى يا خالد باشا

فبتتحمل برضه

أما البطاريات اللى عندنا

فافى شويه

طيب ينفع نحط مية الحنفية في البطارية الجافة ؟

لا ياباشا

حطها فى الحوض أو البانيو
اللى أنت قاعد فيه ده

[khalid9411]

[QUOTE=tompina;3872377285]
طيب ينفع نحط مية الحنفية في البطارية الجافة ؟
[/QUOTE
هههههههههههههههههههههههههههههههههههههههههههه

[hossamhindawi]

انا زودت مية مقطرة جنتها من التعاون على البطارية ودارت جيت بالليل ادورها مدريتش خالص ووقفت البطارية جيت اشحنها وسبتها فترة كبيرة ومع ذلك مدريتش ايه السبب؟؟؟؟؟؟؟؟؟
وقمت مغيرها بواحدة جديدة احسن بس لازم اعرف ايه اللي حصل للبطارية الي قبلها مع انها كانت دايرة 10/10 قبل ما ازود المية لاني قلت لازم ازود المية لاني مزودتهاش من 4 شهور وحصل اللي حصل

[tompina]

يا خالد باشا فين المصنع ده ؟
أصلي مقضيها بمية حنفية من سنة 93 ! من أيام المرسيدس النبيتي والفيوزات العضم .. كانت أيام !

انا زودت مية مقطرة جنتها من التعاون على البطارية ودارت جيت بالليل ادورها مدريتش خالص ووقفت البطارية جيت اشحنها وسبتها فترة كبيرة ومع ذلك مدريتش ايه السبب؟؟؟؟؟؟؟؟؟
وقمت مغيرها بواحدة جديدة احسن بس لازم اعرف ايه اللي حصل للبطارية الي قبلها مع انها كانت دايرة 10/10 قبل ما ازود المية لاني قلت لازم ازود المية لاني مزودتهاش من 4 شهور وحصل اللي حصل

كده يا باشا مستوى الحمض كان قل من البطارية خالص وإنت خففته أكتر بالمية .. الحل هو إنك تعمل زي الأستاذ خالد ما قال .. يعني تشطفها شطفة نضيفة وتظبطها بجركن حمض .. يا إما تبقى البطارية ....... ماتت !


كلمة أخيرة .. أنا يا إخواننا كنت بجيب مية بطارية مية الحنفية أنضف منها !
والغريبة مكتوب عليها غير صالحة للشرب !
مع إنها المفروض مية تصلح لمرضى الكلى !
أنا ظبطت مع واحد صاحبي يجيب لي جهاز تقطير من بتاع المعامل ده عشان أظبط أموري في مشروع الجلسرين إياه وموضوع البطاريات .

[daewoo8]

مصنع البطاريات بجوار مكرم يا حمو