البطارية الجافة جايبة مياة

[YOUSSEF_JO]

انا يا جماعة لقيت حولين قطب واحد (مش الاتنين) حولية سائل
اية دة بقي
ولية
الموضوع دة مش مره والسلام دة كل يوم الصبح بلقية

وحاجة كمان الغطاء بتاع زيت المتور بيبقي حولية زيت

[Ahmed Galal]

انا يا جماعة لقيت حولين قطب واحد (مش الاتنين) حولية سائل
اية دة بقي
ولية
الموضوع دة مش مره والسلام دة كل يوم الصبح بلقية

وحاجة كمان الغطاء بتاع زيت المتور بيبقي حولية زيت

لو الاقطاب عليها شحم ساعات بيسيل و يتهيا لك ان فيه سائل على القطب لو ما فيش شحم ممكن يكون القطب ده اتكسر بقا و لا اتشرخ من التقريط عليه و اللى اعرفه عن البطارية الجافة ان فيها سائل بردك ده اللى سمعته و الله اعلم لو البطارية بقالها كتير معاك غيرها احسن
الغطاء بقا بتاع زيت الموتور ساعات بينفس زيت كده بس انت اتاكد ان ما فيش زيت من غطا التاكيهات و ما تقلقش معظم العربيات كده و لو فيه حد تانى يفيدك يبقا احسن انا قلت اللى اعرفه

[YOUSSEF_JO]

الف شكر يا باشا
وفيت الكلام و الله
خلاص البطارية هغيرها
انما زيت المتور دة الي قلقني حبتين لانة بسنقص بصوره بشعة

[Ahmed Galal]

الف شكر يا باشا
وفيت الكلام و الله
خلاص البطارية هغيرها
انما زيت المتور دة الي قلقني حبتين لانة بسنقص بصوره بشعة

لا النقص ده كلام تانى انا اللى فهمته منك ان الغطا معرق زيت ده عادى لكن بينقص يبقا حاجة من اتنين يا الموتور فيه تسريب زيت و ده الحل السلمى هاتغسل الموتور و تشوف بقا الزيت بيتسرب منين و الاماكن المشهورة:
1-الكارتيرة الجوان بتاعها
2-جوان غطا التاكيهات
3-اويل سيلات اعمدة الكامة و الكرنك و طرمبة الزيت
4-فلتر زيت مش راكب كويس او الطمبة مش مربوطة كويس
لو ما فيش تسريب يبقا التدخل الجراحى و تكون علامات المرض واضحة فى العادم يعنى دخانه بيضا لما تكبس او على السلانسية و المكنة ما بتسحبش يبقا طقم شنابر و يا ريت تلحقه بردك انت ما وضحتش المكنة ديه عاملة كام كيلو و نصيحة ما تمشيش بالعربية ديه الا ما تتاكد فيه ايه بالظبط

[YOUSSEF_JO]

لا هو المكنة بتسحب حلو
ومفيش دخان ابيض خالص
المكنة عاملة متين الف وربعمية كيلو

[Ahmed Galal]

لا هو المكنة بتسحب حلو
ومفيش دخان ابيض خالص

خلاص يبقا الحمد لله ابتدى بق فى التفتيش عن مكان التسريب و شوف ممكن و انت اخر مرة غيرت الزيت ما ربطوش الطبة او الفلتر كويس بس انت ما قلتش بتحرق زيت كتير ازاى قد ايه؟

[YOUSSEF_JO]

يعني المسطرة في اسبوع انخفض مستوي الزيت 3 شرط
المكنة عاملة متين الف وربعمية كيلو (ومغيرتش زيت لا مرتين في سنة ونص ومغيرتش اي فلاتر زيت في السنة ونص بردة )
علي فكره انا بحط زيت التعاون الي ال3 لتر ب 34 جنية
مش عارف اقول لك اية والله الف شكر

[Ahmed Galal]

يعني المسطرة في اسبوع انخفض مستوي الزيت 3 شرط
المكنة عاملة متين الف وربعمية كيلو (ومغيرتش زيت لا مرتين في سنة ونص ومغيرتش اي فلاتر زيت في السنة ونص بردة )
علي فكره انا بحط زيت التعاون الي ال3 لتر ب 34 جنية
مش عارف اقول لك اية والله الف شكر

لا شكر على واجب بس كده انت معذب المكنة ديه انت زعلان منها و لا ايه لازم طبعا كل اللى بتقوله ده يحصل بقالك سنة و نص مغيرتش فلتر اكيد مسدود و ميت لازم تغيره و ما تقعدش الزيت ده فى العربية اكتر من تلات شهور او 2500 كيلو و لو عربيتك نوبيرا زى ما هوا فى البيانات ففلتر الزيت بتاعها مش غالى خالص يمكن ب 30 جنيه يعنى كل 3 شهور حسبة 70 جنيه مصاريف و تريح دماغك

[YOUSSEF_JO]

ههههههههههههههههههه
لا والله دا انا بحب العربية دي جدا
لانها اول عربية اجيبها
بس هو الموضوع جهل وكسل مش اكتر
يعني افهم من كدة ان نقص الزيت الجامد دة من الفلتر

[YOUSSEF_JO]

معلش ممكن سؤال هو حضرتك مصور العربية فين

[Ahmed Galal]

معلش ممكن سؤال هو حضرتك مصور العربية فين

يا سيدى لا جهل و لا حاجة بس انت غير الزيت و الفلتر دوريا و شوف النتيجة و العربية مصورها فى جراج العتبة كان السطح بس هوا اللى فاضى

[sam_zen_elden]

عزيزى رجاء مراجعة جوان غطاء التاكيهات وفى الغالب سيكون هو السبب ولكن لازم تغيير الزيت والفلتر

[zocor742]

يعني المسطرة في اسبوع انخفض مستوي الزيت 3 شرط
المكنة عاملة متين الف وربعمية كيلو (ومغيرتش زيت لا مرتين في سنة ونص ومغيرتش اي فلاتر زيت في السنة ونص بردة )
علي فكره انا بحط زيت التعاون الي ال3 لتر ب 34 جنية
مش عارف اقول لك اية والله الف شكر

بصراحة زعلتنى منك كدة انت بتفترى على المكنة حرام بجد كمان عاملة كلوات كتير يعنى لازم تراعيها اكتر.
ونصيحة الحاجة الوحيدة اللى متستخصرش فيها زيت المتور.
انت اول حاجة تعملها تنزل الزيت دة ومتحطش تعاون تانى وعود نفسك مثلا على موبيل xhpاو شيل الاصفر بيقعدوا 5000ك وتغير الفلتر مع كل غيار زيت يا مرة ومرة بالكتير اوى .
اهم حاجة موضوع الزيت دة
ياراجل دة انا بحط زيت 5000ك بنزلة على 4000 ك وبغير الفلتر كل غيار زيت ومعايا نفس العربية. كفاية تعزيت فيها لح كدة وياريت تسمع نصحتى
وبالمرة وانت بتغير الزيت اغسل المكنة كويس بالجاز من فوق وتحت وشوف لو عندك ترشيح ولا لأ
عشان نقص الزيت مع انى حاسس ان نقص الزيت دة بسبب الكيلوات الزيادة اللى عاملة بية وهو اساسا التعاون مش قد كدة .

[YOUSSEF_JO]

عزيزي zocor742 انا مقدرش ازعلك والله وكمان لانك الوحيد الي اعرفة معاه نوبيرا ون هنا في المنتدي
بخصوص الزيت انا بفكرفي الفيسكو اية رايك
والفلتر اكيد هغيره
.................................................. ...................
وشكرا للاخ sam_zen_elden انا رايح للميكانيكي وخلية يبص علية
.................................................. ...................
والاخ احمد جلال بجد الصوره جامده اوي عشان العماره الي باينة من ورا العربية
.................................................. ...................
................................................

[zocor742]

ياباشا انا اللى يهمنى مصلحتك ومصلحة جميع الاعضاء
هو انا مجرب موبيل xhp وماشى عالية من اول ماجبت العربية
وناس كتير شكرت فى شل الاصفر فا حطيتة اخر غيار وحسيت انة ريح المكنة وخلى صوتها اهدى خصوصا فى المشى ولسة بتابعة وهشوف هيكمل معايا قد اية .
هو الفيسكو كان نفسى استخدمة بس بصراحة لفيت عالية ملقتهوش فى الاسكندرية بس محمد ممدوح باشا بيشكر فية كتير وفية اعضاء بيستخدموة وبردو بيشكروا فية .
انت اهم حاجة بس متمشيش على الزيت كيلوات زيادة وحاول تستخدم حاجة من التلاتة دول لأن لحد دلوقتى هما اكتر حاجة موثوق فيهم والفلتر بالكتير تغيرة على 10000ك ولو على كل 5000 يبقى افضل يعنى كل غيار زيت. وبلاش الزيوت التخليقية اللى بتمشى 10000ك عشان بتفضل للمكن الجديد .
وربنا يباركلك فى العربية وبعد عنك شرها