بطارية اللانوس

[wael_dosoky]

صباح الخير يا جماعة
دلوقتي العربية لسه ماكملتيش 8000 كيلو وانا شاريها زيرو لاحظت ان البطارية إلي مركبينها فيها من غير خرطوم فايظ قلت يمكن مالهوش لازمة ولا حاجة
المهم وانا بابص علي العربية الصبح لقيت تقشير بدء يظهر في قاعدة البطارية الصاج الحاملة للبطارية وكذلك علي الركبة السوداء الي تحت قاعدة البطارية والتي تربط الموتور بجسم العربية
هل التقشير ده من ان البطارية مياتها كتير ولما بتسخن بتفور المياه وبتنزل من فاتحه الفايظ ولو ده السبب اعالج أزاي الموضوع ده
عربية زيرو وبتقشر ؟؟؟؟ حاجة تغيظ

[ابوهاشم]

تصدق انا اول مره اسمع ان البطاريه ليها خرطوم فايص
على العموم منتظر معاك ردود الاعضاء

[mahmoudysf]

هو التوكيل بينزل العربيه ببطاريه ميه مش جافة
لو كدة يبقى ولامؤاخة توكيل معفن اوى

[ابوهاشم]

عربيات كتير ياباشا بتنزل ببطاريه سايله
قليل اللى بينزل ببطاريه جافه من التوكيلات المحترمه

[MMamdouh]

دة طبيعى مع البطاريات اللى مش جافة... اما تتعايش مع الموضوع لو ترمى البطارية و تجيب واحدة جافة

MMamdouh

[swimmer25]

ممكن ترفع البطارية وتحط تحتها كاوتش عشان الفايظ ميوصلش للقاعدة
ممكن تجيب شنبر عجل قديم وتقطعه وتحطه تحت البطارية
متهيالي كده ممكن تقلل من موضوع التاكل

انا كان نفسي اعمل الموضوع ده عندي بس معنديش وقت
انت كده فكرتني وهتخليني انزل ابص الاخبار عندي بقت ازاي

[wlelw2003]

دة طبيعى مع البطاريات اللى مش جافة... اما تتعايش مع الموضوع لو ترمى البطارية و تجيب واحدة جافة

mmamdouh

كنت هاقول الكلام دةفعلا

[maka]

لتغيرها لا اما تتدهن قاعدة البطارية بشحم كويس علشان تعزلها

والخطوات كنت كاتبها بالتفصيل فى موضوع مشابه هتلاقيه بالبحث ان شاء الله

[محمد الشامي]

والله لو تقدر تجيب بطاريه جافه هتريح دماغك خالص , سواء في الصيانه بتاعتها او الاعراض الجانبيه لها

انت حتى ممكن تدخل بطاريتك الحاليه مع بطاريه جافه من عند اي حد مضمون , وده هيكون احسن ليك وفي نفس الوقت الراجل كمان هيعمل مصلحه في البطاريه اللي اخدها منك

لو ناوي , هات ACdelco الجافه ,, بطاريه وووووحش فعلا

[wael_dosoky]

شكراً ليكم يا شباب اوي علي الردود دي
وفعلاً توكيل معفن إلي منزل العربية ببطارية سائلة
وهافكر جدياً في موضوع اني اروح ادخلها في بطارية تانية جافة واريح دماغي
حد عنده فكره عن الأنواع الكويسة ايه واسعارها ايه؟
انا كنت جايب واحدة للأكسيل بتاعة الحكومة بتاعتي نوعها platin تركية الصنع
هل فيه اقتراحات تانية
طب والتقشير إلي حصل ده وخصوصاً في الركبة الحديد السوداء إلي تحت قاعدة البطارية إلي بتربط الموتور بجسم العربية ياتري ممكن اعمل معاه حاجة

[wael_dosoky]

والله لو تقدر تجيب بطاريه جافه هتريح دماغك خالص , سواء في الصيانه بتاعتها او الاعراض الجانبيه لها

انت حتى ممكن تدخل بطاريتك الحاليه مع بطاريه جافه من عند اي حد مضمون , وده هيكون احسن ليك وفي نفس الوقت الراجل كمان هيعمل مصلحه في البطاريه اللي اخدها منك

لو ناوي , هات acdelco الجافه ,, بطاريه وووووحش فعلا

سعرها كام النوعية إلي بتقول عليها دي ؟ ولو هأجيب تقترحوا عليا اجيب بطارية كام امبير

[tompina]

على فكرة أنا لسة جايب بطارية سائلة من مصنع ليدر وكان فيها كوع بلاستيك طالع منه خرطوم رفيع وطويل موصله للأرض والفتحة التانية مقفولة بطبة ومفيش مشاكل عندي من البطارية السائلة خالص .

[محمد الشامي]

سعرها كام النوعية إلي بتقول عليها دي ؟

انا كنت جبتها من حوالى سنه ونص ودخلت فيها البطاريه القديمه (كان فيها ربع) ودفعت 400 جنيه , النوع ده (acdelco) من افضل انواع البطاريات الجافه , وهي ماركه أمريكي لكن تصنيع سعودي , وبتكون في علبه كارتون زرقاء

مميزاتها انها مش بتحتاج صيانه , انت بس كل فتره تكشف على شحنها وتشوف اخبارها ايه
وكمان فيها مؤشر للطاقه موجود على وش البطاريه , وليه 3 مستويات

ضوء اخضر = شحن جيد
ضوء اســـود = اشحن البطاريه
ضوء ابيــض = استبدل البطاريه , يعني بااااااظت خلاص

ولو هأجيب تقترحوا عليا اجيب بطارية كام امبير

70 امبير , عشان التكييف

[wael_dosoky]

انا كنت جبتها من حوالى سنه ونص ودخلت فيها البطاريه القديمه (كان فيها ربع) ودفعت 400 جنيه , النوع ده (acdelco) من افضل انواع البطاريات الجافه , وهي ماركه أمريكي لكن تصنيع سعودي , وبتكون في علبه كارتون زرقاء

مميزاتها انها مش بتحتاج صيانه , انت بس كل فتره تكشف على شحنها وتشوف اخبارها ايه
وكمان فيها مؤشر للطاقه موجود على وش البطاريه , وليه 3 مستويات

ضوء اخضر = شحن جيد
ضوء اســـود = اشحن البطاريه
ضوء ابيــض = استبدل البطاريه , يعني بااااااظت خلاص


70 امبير , عشان التكييف

مشكور ليك كتيييير

[wael_dosoky]

على فكرة أنا لسة جايب بطارية سائلة من مصنع ليدر وكان فيها كوع بلاستيك طالع منه خرطوم رفيع وطويل موصله للأرض والفتحة التانية مقفولة بطبة ومفيش مشاكل عندي من البطارية السائلة خالص .

ماهو انا كان عندي في العربية القديمة نفس غلي بتقول عليه وكوع وخرطوم للأرض للفايظ
لكن تخيل في العربية الزيرو ما فيهاش الكلام ده
ربنا يسامحهم
وطمني علي اخبارك بالكويت
وياتري لسه الكوايتة بينطقوا الجيم ياء واللخبطة الغريبة دي