هو ده يبقي بطارية

[ahmedhilmy]

السلام عليكم جميعا
بداية احب اقول للبشمهندس سمير حمدالله علي السلامة نورت بيتك تاني و المؤمن الحق هو من يعفو عند المقدرة و ده اللي حضرتك عملته و يا جبل ما يهزك ريح انت مكانتك عندنا كبيرة مكنش ينفع تمشي كده بالساهل يا هندسة.
ثانيا رحت مشوار بسيط جدا جنب بيتي 10 دقايق كده اول ما دورت العربية دارت بس حسيت انها دارت غصب عنها بس دارت المهم خلصت المشوار اللي خد نص ساعة تقريبا و رجعتلها تاني انها تدور مفيش مجرد تكتكة بس مفيش مارش خالص بس النور و الكلاكس و الانذار و كله شغال بس كأنه ضعيف سبتها مطرح ما هي و اخدت تاكسي لاني كان معاية الولاد روحتهم و عايز انزلها دلوقتي ده ايه بقى حضرتكم بطارية و لافي احتمالات تانية و مشكورين جميعا.

[محمد الشامي]

الحكايه دي سببها حاجه من اتنين

- كابلات البطاريه مش متثبته كويس , بص على القواطيش
- البطاريه محتاجه شحنه , وبتودع او فيها ربع

ياريت يكون في حد بتاع بطاريات قريب من مكان العربيه دلوقتي , لانك غالبا هتحتاجله

[srm]

البطاريه اللى معاك جافه ولا سائله؟؟؟

وبقالها اد ايه؟؟؟؟

وامتى قيست الشحن اخر مره؟ وكان مظبوط ولا لأ؟؟؟

[ahmedhilmy]

الحكايه دي سببها حاجه من اتنين

- كابلات البطاريه مش متثبته كويس , بص على القواطيش
- البطاريه محتاجه شحنه , وبتودع او فيها ربع

ياريت يكون في حد بتاع بطاريات قريب من مكان العربيه دلوقتي , لانك غالبا هتحتاجله

بصيت علي القواطيش و اتاكدت من تثبيتهم و ادتها خبطتين حجر مفيش فايدة و البطارية جافة و مع شديد الاسف مفيش حد جنب المكان اللي انا فيه.

البطاريه اللى معاك جافه ولا سائله؟؟؟جافة

وبقالها اد ايه؟؟؟؟
دخلة في سنتين تقريبا يعني بتاع 20 شهر
وامتى قيست الشحن اخر مره؟ وكان مظبوط ولا لأ؟؟؟ عمري ما قسته

[محمد الشامي]

طيب حضرتك عندك مؤشر الطاقه على وش البطاريه , كانت الاشاره ايه ؟؟؟؟ خضراء ؟؟

[ahmedhilmy]

طيب حضرتك عندك مؤشر الطاقه على وش البطاريه , كانت الاشاره ايه ؟؟؟؟ خضراء ؟؟

الشارع اللي راكن فيه قدام جراند مول ضلمة كحل معرفتش اشوفها كويس بس غالبا مش خضرة لأ.
طيب هو في احتمال انه يكون حاجة غير بطارية ؟
و رنج اسعار ال 55 امبير كام دلوقتي؟

[محمد الشامي]

الشارع اللي راكن فيه قدام جراند مول ضلمة كحل معرفتش اشوفها كويس بس غالبا مش خضرة لأ.
طيب هو في احتمال انه يكون حاجة غير بطارية ؟
و رنج اسعار ال 55 امبير كام دلوقتي؟

لو مؤشر الطاقه مش اخضر ده معناه ان البطاريه محتاجه شحن , بس لو المؤشر لونه ابيض يبقا كده البطاريه خلاص مفهاش امل

عالعموم ممكن تقوم البطاريه ببطاريه تانيه , يعني لو حضرتك عايز تجيبها دلوقتي من مكانها ممكن تاخد صديق او جار وتاخد منه وصله وهتروحك بإذن الله

البطاريه الفارتا الـ 55 امبير (جافه) حاليا عامله حوالى 400 جنيه تقريبا

وغالبا اللي عندك ده 99% بطاريه , لا اظن يكون في سبب تاني

[srm]

لو مؤشر الطاقه مش اخضر ده معناه ان البطاريه محتاجه شحن , بس لو المؤشر لونه ابيض يبقا كده البطاريه خلاص مفهاش امل

عالعموم ممكن تقوم البطاريه ببطاريه تانيه , يعني لو حضرتك عايز تجيبها دلوقتي من مكانها ممكن تاخد صديق او جار وتاخد منه وصله وهتروحك بإذن الله

البطاريه الفارتا الـ 55 امبير (جافه) حاليا عامله حوالى 400 جنيه تقريبا

وغالبا اللي عندك ده 99% بطاريه , لا اظن يكون في سبب تاني

+111111111....بس على فكره المؤشر بتاع الطاقه

اعتقد انه ملوش لازمه لان انا كنت جايب بطاريه من حوالى 4 شهور

وبعدها بشهر تقريبا المؤشر بقى ابيض ولكن الحمد لله البطاريه شغاله كويس

وبكشف كل شهر على الشحن بتاعه والحمد لله بردو مظبوط

[ahmedhilmy]

طيب الحمد لله علي كده انا محرج اكلم حد لان الوقت اتاخر هسبها بايته هناك للصبح و بعد الصلاة ندورها و ناخدها علي بتاع البطاريات ان شاء الله و ربنا يستر و شكرا يا احسن شباب

[محمد الشامي]

+111111111....بس على فكره المؤشر بتاع الطاقه
اعتقد انه ملوش لازمه لان انا كنت جايب بطاريه من حوالى 4 شهور
وبعدها بشهر تقريبا المؤشر بقى ابيض ولكن الحمد لله البطاريه شغاله كويس
وبكشف كل شهر على الشحن بتاعه والحمد لله بردو مظبوط

ربنا يباركلك فيها :-)

بس انا شخصيا وعن تجربه
البطاريه اللي عندي كنت لسا جايبها مفيش كام شهر وحصل عندي مشكله جوا الكاسيت وكان بيهرب كهرباء والبطاريه فضيت فعلا وكان المؤشر بين الاخضر والابيض , يعني مكنش واضح نوع العلامه

ولما اديتها وصله من بطاريه تانيه وعملت بيها مشوار محترم , المؤشر رجع اخضر تاني ولما روحت كشفت عليها وعلى الشحن الحمد لله لقيتها تمام :-) يعني اظن انه فعلا بيدي اشاره سليمه

بطاريتي ACDelco

[محمد الشامي]

لا شكر على واجب يا استاذ احمد وبكره ان شاء الله طمنا وقولنا عملت ايه :-)

[ahmed_mido1889]

حضرتك في واحد بتاع بطاريات جنب سينما فونتانا اللي في المعادي اسمها الشركه المتحده-ابناء حسن شاهين-

[karimfahmy99]

اكيد بطارية لان العمر الافتراضى هو 18 شهر بالكتير بغض النظر عن نسبة الاستهلاك كدة فيها ربع بايظ لان التكتكة دى ضعف فى البطارية . بس الغريب فى الموضوع انك كنت لسة مدور و ماشى بيها يعنى حتى لو فيها ربع المفروض انك تقدر تدورها الا اذا كنت ماشى بالليل و كنت منور النور الشحن بيكون اضعف طبعا او ملحقش يشحن كويس او كنت سايب نور منور .. عموما الحل هو اما تعمل توصيلة زى الاخوة ما قالو او انك تشترى بطارية جديدة و تركبها مكان العربية ماهى واقفة و لازم لازم تكشف ع الشحن زمان كان فى جهاز صغير عندى معرفش موجود و لا اندثر كنت تركبة على الولاعة و يقيس الشحن اذا كانت اللمبات اخضر و اصفر منورين مع بعض ماشى الحال و اذا كان اخضر تمام اما اذا كان احمر يبقى مفيش او شحن ضعف جدا و ربنا معاك ف400 جنية

[ahmedhilmy]

حضرتك في واحد بتاع بطاريات جنب سينما فونتانا اللي في المعادي اسمها الشركه المتحده-ابناء حسن شاهين-

شكرا يا باشا ان شاء الله شوية و هنزل اجيب وحدة و اركبها مكانها و ارجع ابقى اخليه يقسلي الشحن .

اكيد بطارية لان العمر الافتراضى هو 18 شهر بالكتير بغض النظر عن نسبة الاستهلاك كدة فيها ربع بايظ لان التكتكة دى ضعف فى البطارية . بس الغريب فى الموضوع انك كنت لسة مدور و ماشى بيها يعنى حتى لو فيها ربع المفروض انك تقدر تدورها الا اذا كنت ماشى بالليل و كنت منور النور الشحن بيكون اضعف طبعا او ملحقش يشحن كويس او كنت سايب نور منور .. عموما الحل هو اما تعمل توصيلة زى الاخوة ما قالو او انك تشترى بطارية جديدة و تركبها مكان العربية ماهى واقفة و لازم لازم تكشف ع الشحن زمان كان فى جهاز صغير عندى معرفش موجود و لا اندثر كنت تركبة على الولاعة و يقيس الشحن اذا كانت اللمبات اخضر و اصفر منورين مع بعض ماشى الحال و اذا كان اخضر تمام اما اذا كان احمر يبقى مفيش او شحن ضعف جدا و ربنا معاك ف400 جنية

فعلا المشوار من عندي للجراند مول ميخدش 10 دقايق طبعا منور العربية و الكاسيت و التكييف حضرتك ده بلاضافة اني ابني الصغير قعد معايا بعد ما بطلنا ووقفنا يولع في النور و نور الصالون و يضرب الكلاكس لغاية مخلص عليها و ربنا يعيننا فعلا و الحمد لله.

[ahmed_mido1889]

شكرا يا باشا ان شاء الله شوية و هنزل اجيب وحدة و اركبها مكانها و ارجع ابقى اخليه يقسلي الشحن .

لا شكر علي واجب ده انا المفروض اجيبها لحد عندك
ده انا حتي فاضلي شهرين في ضمان البطاريه
اتمني ان اقابل حضرتك هناك
بس للاسف لسه كاشف عالبطاريه من اسبوووع