الأونو جابت بطارية :))))))) انا ناقص !

[semsem_uno]

زي ما شوفتو في العنوان كده بالظبط
الحكاية الخنيقة بقي اني بدور مفيش صوت خالص !! افتح النور اصفر ضعيييييييف و بطيييييييء
اتمخترت شوية بيها ونا ماسكها من ايدها قصدي قايمها و نطيت و اديت تاني و هوبااااااا كله تمام و النور رفع بس طبعا الدنيا ضعيفة و الكلكس و النور بيقللو صوت الموتور و نور التابلوه
شوية ونا واقف الدنيا بقت تمام تاني و طبعا علشان العربية بقت دلوقتي متحملة عالدينامو نيجي بقي نطفي و ندخل مكان و ارجع تاني نلاقيها نامت تاني زق يبني
المهم فتحت الكبوت ببص عالسير تمام مشدود كويس مش مرخي
طب الدينامو ؟؟ بيقوم العربية تمام و لسة كنت جايبلو بلي و كتاوت و شربون من شهر (بغير الحاجات ديه دايما)

مش كده بقي يبقي البطارية بردو ؟؟

و ايه بقي احسن نوع و الأسعار ياريت و اجيب امبير اعلي من ديه بحاجة بسيطة علشان لو تعبت ولا لأ ؟

[semsem_uno]

هو ال11 مشاهدة دول من حلاوة الموضوع ولا ايه !!؟؟ في اعضاء كتير مشتركة للمشاهدة فقط و عمرها ما ردت مع انهم مشتركين من سنة و سنتين !!

[i_Am_Legend]

حبيب قلبى_ههههع_عملتها معاك_كويس انها جت فى اواخر الصيف_بكرة يا كبير انا شغال يوم كامل_عدى عليا فى نص اليوم_فى البرييك_نروح لكهربائى_يعمل قفلة للبطارية_لو بقللت_وغليت يبقى فيها ربع وش كدة_لو تمام_يبقآ فى مشكلة فى القطاش_مملح مثلا ومش بيوصل الشحن_او مياه البطارية_حلت_وعايزة تتغير_فى كل الأحوال_هانغيرلها_مياه_ونحطها على التونجر ساعتين كدة.وامشى بيها مؤقتا_لحد دخلة الشتاء وهات واحدة_هى بطاريتها صغيرة ورخيصة_55 امبير.تقريبا.

[M.almaghraby]

هات فارتا نسر او جافة و ريح الجمجمة

[zenger]

البقاء لله يا سمسم فى بطاريتك
هات البطارية الجافة انا مركب واحدة و ماشية معايا تمام اوى
ac delco
ده اسمها ا س ديلكو
شوف انت عاوزها كام امبير و البطارية دى حلوة و بتعيش و معاها ضمان

[semsem_uno]

ربنا يخليكو يا احلي شباب يا رب
ان شاء الله يبقي ac delco 55 امبير

[M.almaghraby]

بلاش الديلكو يا سمسم

بلاش

[semsem_uno]

بلاش الديلكو يا سمسم

بلاش

يا ساتر
انا كنت هجيب ال55 امبير جافة

[yoko]

معلش يا سمسم تعيش وتاخد غيرها أنا عملت معايا كده بس كان فيه صوت ترزيع من المارش البطاريه عندي بقى خلرفت وقت تطلع فولت أقل من النص فكانت تمشي شويه كويس يومين ولا حاجة وتهبل تاني وكنت هموت نفسي قولت أتأكد إنها فاضيه ولا لأ قمت عامل شورت (قفله -عارف أعملها إزاي عشان متأذيش-) لقيت إيدي طارت من مكانها (كتفي كان هيتخلع فيها) وعملت شرارة ملهاش حل لو جت على البويه بتاعت العربيه كانت حرقتها

[ahmadmidop]

انا جبت ac delco ياسمسم للباليو والحمد لله شغالة تماااام ... فاكر لما كلمتك يا احمد انت وسمسم ده كان يوووووووووووم هههههه

[slim_shika]

معلش يا سمسم حظك كده, في ال132 مكنتش بجيب غير varta وكانت بتقعد فترة حلوة. في رأيي الشخصي بلاش جافة.

[semsem_uno]

الحمد لله يا شباب جبت النسر فارتا بمياه ال55 امبير لأن عربية بابا جابت بطارية هي كمان هههههههههههه بس عنده جافة و فعلا لما بتبوظ بتبوظ خالص

[M.almaghraby]

مبروك

انا النسر فارتا مااشاء الله قعدت معايا فالشاهين 5 سنين !!

[slim_shika]

الحمد لله يا شباب جبت النسر فارتا بمياه ال55 امبير لأن عربية بابا جابت بطارية هي كمان هههههههههههه بس عنده جافة و فعلا لما بتبوظ بتبوظ خالص

مبروك يا سمسم...

العبد لله مابيفتييش...ههههههه