سؤال بطارية الماروتى كام امبييييييييير؟

[ahmed_vip]

دلوقتى انا بشد العربية و هية عند البوهيجى فعايز اعرف مقاس البطارية علشان اشترى واحدة لانهم عمالين يغلو فعايز الحق انا سالت كهربائى قالى 40 امبير الرفيعة و واحد تانى قالى 44 امبير فاية مقاسها الصح و اكون شاكر

[nicegypt]

حضرتك وانت عند الكهربائى او محل البطاريات اسألة عن الـ 55 هل تركب ف قاعدة البطارية دى ولا لاء .

[nicegypt]

حضرتك تقصد امبير البطارية ؟
ام مقاس قاعدة البطارية الصاج ؟

بالنسبة للامبير ف 55 امبير جميلة جدا وزي الفل شفتها راكبة لدى سيارة صديق علما انها فبريكة
سواء 40 او 55 او حتى 70 امبير فالاختلاف مش كبير متقلقش
بالعكس بالنسبة لى احب تكون البطارية عالية لانى ممكن اركب او اضيف اي شيئ عليها مستقبلا
بالاضافة ان لو حصل لا قدر الله والدينمو عطل .. البطارية السبعين امبير مثلا تخليك تمشى بدون دينمو لفترة اطول من الخمسين
ودة الطبيعي .. فعموما 55 امبير حلوة وزى الفل ولو حبيت تقل عن الامبير دة او تعلي عادي متقلقش
المهم الماتور يكون مظبوط والميكانيكى يظبط كهربة الماتور كويس ميخلهوش مبرجل .. بالنسبة لقاعدة البطارية
فأعتقد ان 55 امبير هتركب عندك عادى مقاسها مش كبير قوي عن الاربعين امبير لدرجة انها متركبش

[aymanay32]

اشترى الاربعين امبير ارخص و اضمن و هيه الى راكبة فى العربية و لو هتركب اكبر هتحتاج تغيير فى قواشيط البطارية بتاعة الفابريقة بتاعة العربية الاصلية و تركب قواشيط كبيرة عن المقاس

الحاجة التانية ان فيه حديدة بتربط البطارية و دى مش هينفع تتربط لان مقاس البطارية مختلف
و الحوض بتاع البطارية جواه علبة بلاستيك علشان تحافظ على البطارية من السخونة اللى طالعة من مروحة الريداتير و لو غيرت ممكن تقلل من عمر البطارية الجديدة علشان السخونة دى هتؤثر على البطارية

و الامر ليك فى الاول و الاخر حسب رغبتك
اما موضوع الدينامو و انك تمشى على البطارية بس فدة مش منطقى لان مسير البطارية بعد مسافة هتقطع و تفقد الشحن بتاعها و توقف العربية و اصلا انته مش هتحس ان الدينامو وقف و انته ماشى على البطارية و هيحصل الامر فجاه ان البطارية تقطع معاك