لمبة البطارية في 128

[aliabutaleb]

السلام عليكم يا شباب
عربيتي نصر 128 موديل 1986
البطارية بتاعتي بطارية جافة وبقالها حوالي سنة ونص
بقالي كام يوم ملاحظ إني وانا راجع من الشغل بالليل لما باشغل النور الواطي اللمبة اللي على يمين عداد السرعة اللي هي المفروض بتاعة البطارية تبتدي تحمر
ومترجعش زي ماكانت إلا لما أطفي النور
هل ممكن يكون فيه حاجة في الدينامو؟؟؟ ولا ايه ممكن يكون تشخيص المشكلة؟

[sab3aawy]

راجع الدينامو (كتاوت، بوبينة، شاربونات، قاعدة سيليكونات)

[aliabutaleb]

شكراً يا باشمهندس سبعاوي

[hazem_khidr]

بعد كلام الباشمهندس سبعاوي مفيش كلام يتقال طبعا
بس و انت بتعمل صيانه للدينامو شوف سير الدينامو مرخي و لا مضبوط
و شوف المؤشر اللي في البطاريه الجافه لان بيبقي فيها مؤشر بيقول البطاريه دي كويسه و لا لاء.

[aliabutaleb]

حازم
شكراً على ردك
هابص على كله بقى عشان أطمئن بالمرة
وبالنسبة لمؤشر البطارية بيقول انها بتبقى كويسة طول ما لون المؤشر مايل للاخضرار
واللون لسة متغيرش