بطارية المازدا 3 عادية مش جافة !!! اكتشاف بالصدفة

[Donzi]

السلام عليكم و رحمة الله و بركاته

اخويا معاه مازدا 3 - 2009 و ماشي بيها بقاله سنتين و هوا فاكر ان بطاريتها جافة و عمره ما شيك عليها اطلاقا و اكتشف بالصدفة الاسبوع اللي فات ان البطارية عادية مش جافة و استغربنا جدا ان عربية حديثة و كمان ياباني تنزل ببطارية عادية !!!

بس طبعا اتبسطنا ان البطارية الحمد لله ماشية بقالها سنتين من غير ما تتزود او يتعمل عليها تشك ولا اي حاجة و الحمد لله ماتسببتش في اي مشاكل

بس ليه بقى العربية نازلة ببطارية عادية مش جافة مع ان الاتجاه دلوقتي في العربيات الحديثة كلها للبطارية الجافة فهل المازدا في سبب معين ان بطاريتها تكون سائلة مش جافة و هل لو احتاج يغير البطارية لازم تبقى سائلة برضو ؟؟

[MohssenRashed]

انا كنت مستلم التيريوس 2007 مش جافه. و التو 2007 جافه. عادي بتحصل هههههه

انا غيرت التيريوس جافه في التوكيل عادي

[himaz]

اغلب العربيات بتنزل جديدة ببطارية سائل وليست جافة
البطارية السائل مش وحشة ولا حاجة

طبعا كلنا بنفضل الجافة دلوقتى عشان نقلل المتابعة

انا على حسب معلوماتى مشوفتش عربية زيرو بتنزل ببطارية جافة ممكن يكون السبب ان البطارية الجافة مينفعشى تتركن مدة طويلة بدون استخدام . يعنى تترك فى التوكيل او المعرض لمدة طويلة بدون تشغيل
مش متاكد الصراحة ده مجرد تخمين

[mohamed456]

طيب المازدا 2010 البطارية بتاعتها ايه ؟؟؟؟؟؟؟؟؟؟؟؟

[levelpower]

انا كونت شاكيك فى الموضوع ده

[AmRElSiSi]

غريبه الصراحة

بس انا بقالى 3 سنين فاكرها جافه و عمرى ماكشفت عليها

[ahmedsql]

في الفلوانس بتنزل جافه , شامم ريحة غبور في موضوع البطارية العادية في المازدا :-s

[himaz]

في الفلوانس بتنزل جافه , شامم ريحة غبور في موضوع البطارية العادية في المازدا :-s

لا يا باشا العربيات 2009 مش من غبور دى خليجى كلها من دول عربية مختلفة
او اوروبى

[Donzi]

انا كونت شاكيك فى الموضوع ده

شاكك ان البطارية عادية ؟؟ طيب شيكت عليها و لا لأ و بقالك كام سنة ماشي بيها ؟

[Donzi]

طيب المازدا 2010 البطارية بتاعتها ايه ؟؟؟؟؟؟؟؟؟؟؟؟

عاوزيم نعرف المعلومة دي ال 2010 و ال 2011 بطاريتهم نازلة ايه ؟

[Donzi]

غريبه الصراحة

بس انا بقالى 3 سنين فاكرها جافه و عمرى ماكشفت عليها

طيب الحق شيك عليها بقى و طمننا

لا يا باشا العربيات 2009 مش من غبور دى خليجى كلها من دول عربية مختلفة
او اوروبى

فعلا العربية مش غبور ، هي خليجي

[yasserelsayad]

اغلب العربيات بتنزل جديدة ببطارية سائل وليست جافة
البطارية السائل مش وحشة ولا حاجة

طبعا كلنا بنفضل الجافة دلوقتى عشان نقلل المتابعة

انا على حسب معلوماتى مشوفتش عربية زيرو بتنزل ببطارية جافة ممكن يكون السبب ان البطارية الجافة مينفعشى تتركن مدة طويلة بدون استخدام . يعنى تترك فى التوكيل او المعرض لمدة طويلة بدون تشغيل
مش متاكد الصراحة ده مجرد تخمين

معظم الجديد بينزل ببطارية جافة
ان اخر تجربة ليا سيبت العربية شهر مركبتهاش عشان كنت مسافر والحمد لله دارت من اول دوسة

[Donzi]

معظم الجديد بينزل ببطارية جافة
ان اخر تجربة ليا سيبت العربية شهر مركبتهاش عشان كنت مسافر والحمد لله دارت من اول دوسة

ما احنا عشان كدا استغربنا جدا انا و اخويا ان مازدا كمان بالذات نازلة ببطارية عادية !!

[himaz]

عاوزيم نعرف المعلومة دي ال 2010 و ال 2011 بطاريتهم نازلة ايه ؟

عالبا سائل

رجاء اصحاب 2010 او 2011 تاكيد المعلومة

[Frozen_Pain]

انا قبل ما اغير البطارية كنت فاكر ان البطارية جافة لحد ما عملتها مرة معايا وفصلت

وفعلا قعدت معايا اكتر من سنتين من غير ما أعمل عليها فحص ولا اى حاجة،،، كانت ممكن طبعا تقعد اكتر من كده لو كنت باخد بالى منها

ياريت اخوكى يروح يبص عليها عند اى حد بتاع بطاريات