بطارية اليارس

[dode2002]

النهارده خرجت بالعربية يارس 2008 كامله مانيوال وكله تمام اتفرجت علي الماتش ومروح ادور العربيه مبتدرش وصوت غريب فتحت الكبوت كله تمام المهم توقعت انها البطاريه علشان يدوب هتكمل 3 سنوات الشهر القادم وكنت قريت قبل كده ان البطاريه الجافه عمرها الافتراضي 3 سنوات المهم صحابي زقوني ودورت العربيه دارت بطلت العربيه وجيت ادور تاني مفيش مش عاوزه المهم زق تاني ودورت دارت جيت مروح وركنت العربيه
السؤال كده البطاريه خلاص بح ولا ايه النظام ( البطاريه جافه )
لو خلاص لازم اغيرها اجبها نوعها ايه وقدرتها كام وياريت لو سعرها
وشكرا

[new]

د محمد
كدة فعلا البطارية بخ لان عمرها تقريبا 3 سنوات
انا حصل معايا قبل العيد نفس اللى انت بتقول علية و بالصوت الغريب اللى فى الكبوت (بكبكة)
و رحت جبت واحدة جديدة نفس مقاس اللى فيها كانت كورى جافة اسمها شيتا ب 330 جنية

[dode2002]

د محمد
كدة فعلا البطارية بخ لان عمرها تقريبا 3 سنوات
انا حصل معايا قبل العيد نفس اللى انت بتقول علية و بالصوت الغريب اللى فى الكبوت (بكبكة)
و رحت جبت واحدة جديدة نفس مقاس اللى فيها كانت كورى جافة اسمها شيتا ب 330 جنية

ايوه بالضبط تكتكه
شكرا لردك
طيب فيه انواع تانيه والي معاك ادئها ايه

[new]

ايوه بالضبط تكتكه
شكرا لردك
طيب فيه انواع تانيه والي معاك ايه

البطارية ادائها ممتاز حتى الان
كان فى نوع تانى او اثنين بس مش فاكر اساميهم

[Ahmod]

ايوه بالضبط تكتكه
شكرا لردك
طيب فيه انواع تانيه والي معاك ادئها ايه

نفس الموضوع حصل معايا برضوا بعد تلت سنين

وجبت فارتا الماني 55 امبير او 50 امبير مش متذكر

كانت عاملة 450 تقريبا

[asemx1]

عند سماع صوت تكتكه اثناء لف المفتاح على التشغيل

فاعلم جيدا ان البطاريه ماتت وقوم مغيرها فورا

صوت التكتكه دا بتاع المارش الاوتوماتيك ( حساس لو حس ان البطاريه ضعيفه مش بيشغل المارش علشان ما يحرقش المارش )

وياجماعه احنا عندنا حاجه جامده فى الياريس التدوير الاوتوماتيك مجرد لمسه على المارش تلاقى العربيه تكمل تدوير وتدور لواحدها حاجه جميله اوى :d :d :d

تحياتى لكم

م/ عاصم جاد

[دموع الثلج]

اكيد البطارية طارت

انا عملت معايا كده بعد سنتين ونص تقريبا بس الله يكرمها ادتنى انذار قبلها بشهر كده جيت ادور مش بتدور خدت واصله من بطاريه وقومت البطاريه وومشيت معاايا رجعت ركنتها وتانى يوم بدور مش بتدور
روحت غيرتها ب نوع ايطالى جاف 55 امبير واهم حاجه تكون نفس مقاس البطاريه القديمه

[dode2002]

والله انا احترت هنا الناس بتقول 55 امبير والراجل بتاع البطاريات اسمه عطوان في طنطا علي الطريق الزراعي مصر اسكندريه قالي 40 امبير وقالي عندي 55 امبير لو عاوز انت حر قلتله لا الصح قالي 40 امبير قمت شاريها
هي بطاريه كوري اسمها ارورا وسعرها 325 جنيه وخد البطاريه القديمه ودفعت 300 يعني اشتري القديمه ب 25 جنيه وعليها ضمان سنه والبطاريه شغاله من يومين زي الفل

[mohamedkandel]

حصلي نفس موقفك بس من سنه تقريبا وركبت 55 امبير actron سعودي جافة وكانت ب 425 ج وناس كتير شكروا فيها

[tamer273]

البطارية قعدت معايا 3 سنين بالتمام والكمال

[Ahmod]

والله انا احترت هنا الناس بتقول 55 امبير والراجل بتاع البطاريات اسمه عطوان في طنطا علي الطريق الزراعي مصر اسكندريه قالي 40 امبير وقالي عندي 55 امبير لو عاوز انت حر قلتله لا الصح قالي 40 امبير قمت شاريها
هي بطاريه كوري اسمها ارورا وسعرها 325 جنيه وخد البطاريه القديمه ودفعت 300 يعني اشتري القديمه ب 25 جنيه وعليها ضمان سنه والبطاريه شغاله من يومين زي الفل

البطارية اللى نازلة مع العربية 40 امبير

انما انت عادي لو زودت وجبت 55 مافيش مشكلة بحيث لو مثلا ركبت شاشة زودت حاجة في الكهرباء يبقى معاك زيادة (والله اعلم برضوا )

لكن اللى متاكد منه ان بطارية العربية الاصلية 40 امبير

[swimmer25]

فعلا البطارية الياباني الأصلية قعدت في العربية 3 سنوات...وكمان مماتتش علي طول
بدات الاول تبان عن طريق طول زمن الدوراة ومفصلتش مرة واحدة
وكانت معايا لما تفصل واخد وصلة واخدها مشوار تشحن شوية واقدر ادورها تاني من غير وصلة

بس علي فكرة البطارية مش جافة...كام امبير بقي بطارية الياريس؟