بطارية ٧٠ أمبير بدل ٥٥ أمبير

[mragh]

السلام عليكم ، النهارده كنت بغير بطارية العربيه ، اللي كانت في العربيه كانت ٥٥ أمبير بس الراجل نصحني اني اركب ٧٠ أمبير عشان العربيه بتاعتي ١٦٠٠، فشتريت ٧٠ أمبير AC Delco ، بس من ساعة ما ركبت و نور الصالون مش راضي ينور



فهل في مشكلة اني ركبت ٧٠ أمبير مكان ٥٥ أمبير ؟؟

[mohdfouda]

اكيد طبعا يا باشا كهربة العربيه متظبطه على ٥٥ امبير ازاى انت تديها ٧٠ واستنى اراء بقية الاعضاء

[medociv]

تقريبا عادي لان واحد صاحبي حصلو نفس الكلام والكهربائي قال عادي بس المهم الدينامو يكون كويس مش بايظ
واسال برضه الكهربائي

[prisoner]

بص هوة الموضوع ده فى العربيات القديمة عادى جدا ليه بقى علشان بتكون راكبة كتاوت وحاجات كتيرة بتاخد جهد عالى انما فى العربيات الحديثة زى حضرتك لا ينصح بتزويد الامبير حتى لو حاطط كتاوت للكلاكس او النور والعربيات الحديثة لا تحتاج للحاجات دى على الاطلاق الصح بقى انك ترجعله وتقوله كلمتين انو مايفتيش ومش عارف ايه بالظبط اللى حصل لنور الصالون ممكن تكون اللمبة اتحرقت وكده والا كده المشكلة مش كبيرة

[mohammedabdallh]

هو غلط والمفروض كنت ركبت 55 امبير
والدينموا لو تعبان شويه مش هيقدر يشحنها وسعات الدينموا بيبقى 55 امبير متظبط انه يشحن البطاريه فكدا ممكن انا بقول ممكن يشحن البطاريه برضه بس مش هيبقى بسرعه زى ما كان بيشحن البطاريه الى 55 امبير

[MMamdouh]

ولا ليها اى لزمة ال70 فى عربيتك

فرق ال55 من ال70 زى فرق تنك البنزين ال50 لتر و ال70 لتر... مش هتحس باى فرق فى اداء او اى حاجة غير فى المدجة اللى هتاخدها البطارية عشان شحنتها تفضى لو فضلت تدور الموتور و العربية مش عايزة تدور

ال55 حتفضى بعد 15 محاولة مثلا و ال70 بعد 18... كل الفرق انك دفعت اكتر للبياع اللى ادالك البطارية... و اساسا طول ما العربية دايرة الدينامو هو اللى بيغذى كل المكونات الكهربائية مش البطارية

MMamdouh

[l0new0lf]

ولا ليها اى لزمة ال70 فى عربيتك

فرق ال55 من ال70 زى فرق تنك البنزين ال50 لتر و ال70 لتر... مش هتحس باى فرق فى اداء او اى حاجة غير فى المدجة اللى هتاخدها البطارية عشان شحنتها تفضى لو فضلت تدور الموتور و العربية مش عايزة تدور

ال55 حتفضى بعد 15 محاولة مثلا و ال70 بعد 18... كل الفرق انك دفعت اكتر للبياع اللى ادالك البطارية... و اساسا طول ما العربية دايرة الدينامو هو اللى بيغذى كل المكونات الكهربائية مش البطارية

mmamdouh

هو الراجل اشترى خلاص عشان كده انا مرضيتش اتكلم
انما المفروض موضوع نور الصالون ملهوش علاقه بتغيير البطاريه

[MMamdouh]

بالضبط... امبير البطارية ملوش علاقة باللى حصل دة

MMamdouh

[mido51eg]

ولا ليها اى لزمة ال70 فى عربيتك

فرق ال55 من ال70 زى فرق تنك البنزين ال50 لتر و ال70 لتر... مش هتحس باى فرق فى اداء او اى حاجة غير فى المدجة اللى هتاخدها البطارية عشان شحنتها تفضى لو فضلت تدور الموتور و العربية مش عايزة تدور

ال55 حتفضى بعد 15 محاولة مثلا و ال70 بعد 18... كل الفرق انك دفعت اكتر للبياع اللى ادالك البطارية... و اساسا طول ما العربية دايرة الدينامو هو اللى بيغذى كل المكونات الكهربائية مش البطارية

mmamdouh

+111111111111
كلام سليم ... الطبيعي انك تشتري البطارية الموضحة في كتيب السيارة لا اكتر ولا اقل.

[kholio]

مفيش اي فرق بين ال 55 و ال 70 و الدينامو زي ما بيشحن ال 55 هيشحن ال 70

[ConDoR]

ولا ليها اى لزمة ال70 فى عربيتك

فرق ال55 من ال70 زى فرق تنك البنزين ال50 لتر و ال70 لتر... مش هتحس باى فرق فى اداء او اى حاجة غير فى المدجة اللى هتاخدها البطارية عشان شحنتها تفضى لو فضلت تدور الموتور و العربية مش عايزة تدور

ال55 حتفضى بعد 15 محاولة مثلا و ال70 بعد 18... كل الفرق انك دفعت اكتر للبياع اللى ادالك البطارية... و اساسا طول ما العربية دايرة الدينامو هو اللى بيغذى كل المكونات الكهربائية مش البطارية

mmamdouh

+1 مفيش كلام بعد كلام الباشمنهدس

[MMamdouh]

مفيش اي فرق بين ال 55 و ال 70

ازاى بقى؟؟؟ امال ليه فية بطارية 55 و بطارية 70؟؟؟؟

و الدينامو زي ما بيشحن ال 55 هيشحن ال 70

هو انت بتملا التنك ال55 لتر فى نفس مدة التنك ال70 لتر ولا بتاخد وقت اكبر (شغل اكتر من الطلمبة)؟؟

MMamdouh

[JapRuleZ]

هو الواحد لمل يجيب كاسيت و جى ام بيعللى الامبير ؟

[Ramy Reda]

نصحتى تركب 55 امبير لان الدينمو مصصم على شحن 55 امبير لما تركب اكبر من الموجود يحمل على الدينمو و بالتالى الدنمو يفقد قدرتة بعد فترة و فى بطارية اسمها exide صناعى ايطالى جميلة جدا و فيها خاصية جميلة اوى عند تشغيل العربية يعطيها قدرة 15% عند الدوارة فقط

[AHMADKAMAL1]

بكام البطارية الايطالي ونشتريها منين