ينفع اركب اتنين بطارية فى عربية لانسر

[amz2011]

ينفع الواحد منا يركب اتنين بطارية فى العربية علشان لو بطارية نامت التانية تقومها و انا متهيالى فى العربيات المرسيدس بيبقى فى بطارية رائيسية و التانية صغيرة تحت كرسى السواق.
تفتكروا الفكرة ديه كويسه و خصوصا فى العربيات الاتوماتيك

[Land_Cruiser]

ينفع الواحد منا يركب اتنين بطارية فى العربية علشان لو بطارية نامت التانية تقومها و انا متهيالى فى العربيات المرسيدس بيبقى فى بطارية رائيسية و التانية صغيرة تحت كرسى السواق.
تفتكروا الفكرة ديه كويسه و خصوصا فى العربيات الاتوماتيك

ابسط سؤال حضرتك حاتحطها فين البطاريه التانيه دى؟

[maka]

ينفع بس انت تضمن منين انا التانية هتقومها + حمل الشحن على الدينامو + لما تيجى تدور الشحنة هتتسحب من البطاريتان

انت عاوز حاجة زى ال ats يدخل البطارية التانية فى حالة الشحن او فى حالة الاولى نايمة و يفصل الاولى

[graffittiii]

هو لو في شاحن للبطاريه لو نامت هيحل مشاكل كتير......حاجه كده زي فكره الدينامو بس يكون بيشتغل بالكهربا أو بيتلف يدوي مش سير بيلف مع لفات المحرك.... ماتدققش ف كلامي أوي عشان ممكن يطلع فانتازيا.....

[ahmed_mido1889]

انا عندي تونجر بيدي توصيله

بيقوم ب220 فولت

وبيطلع 12

الهدف منه زي توصيله للعربيه

[yoko]

ينفع بس بشروط
وفي الأخر مش عمليه زي ما إنت متخيل

[rompo10]

اشتري بطاريه وخليها معاك في العربيه وماتشغلهاش لو بطاريه العربيه نامت ركب التانيه

[minicooper20]

اشتري بطاريه وخليها معاك في العربيه وماتشغلهاش لو بطاريه العربيه نامت ركب التانيه

طيب كاهو التانيه من الركنه هتنام برضك

[yoko]

طيب كاهو التانيه من الركنه هتنام برضك

+1

[semsem7222]

ياباشا ينفع ومش حتأثر على حاج ولا دينمو ولا اى حاجة حتتوصل على التوازى يعنى موجب مع موجب وسالب مع سالب وحتبقى 12 فولت بردة بس المشكلة فى مكان البطارية التانية

[yoko]

ياباشا ينفع ومش حتأثر على حاج ولا دينمو ولا اى حاجة حتتوصل على التوازى يعنى موجب مع موجب وسالب مع سالب وحتبقى 12 فولت بردة بس المشكلة فى مكان البطارية التانية

مع كامل إحترامي هتأثر وعلى حاجات كتير كمان
ده غير إن لازم شويه شروط عشان البطاريات متتحرقش وتبوظ

[islambana]

انا عندي تونجر بيدي توصيله

بيقوم ب220 فولت

وبيطلع 12

الهدف منه زي توصيله للعربيه

جايبه منين وبكام ياباشا

[ahmed_mido1889]

كان من وسط البلد من بتاع 5 سنين

ب70 جنيه

كان تصفيات شركه

[semsem7222]

مع كامل إحترامي هتأثر وعلى حاجات كتير كمان
ده غير إن لازم شويه شروط عشان البطاريات متتحرقش وتبوظ

مش حتاثر على اى حاجة لانك مغيرتش فولت البطارية دى التويوتا الميكروباص الجديدة نازلة ب 2 بطارية وكل حاجة شغالة 12 فولت فيها وفى الاول والاخر اسال كهربائى يكون فاهم

[yoko]

مش حتاثر على اى حاجة لانك مغيرتش فولت البطارية دى التويوتا الميكروباص الجديدة نازلة ب 2 بطارية وكل حاجة شغالة 12 فولت فيها وفى الاول والاخر اسال كهربائى يكون فاهم

ما أنا كهربائي (مهندس كهربى) لو البطاريتين من نوع مختلف ممكن تلاقي واحده بتدي كهربى للتانيه
لو حصل short circuit التيار ممكن يبقى عالي بغباء لدرجة تبوظ الضفيره قبل ما الفيوز يضرب أو ممكن والفيوز بيضرب يسيح وتعمل مشاكل