تغيير بطارية الصني بأخرى جافة

[Sehsss]

السلام عليكم ورحمة الله وبركاته
قمت اليوم بتغيير البطارية السائلة ماركة كلورايد (44 أمبير) ببطارية جافة ماركة ac delco البطارية القديمة عدت السنة في العربية وكنت مقلق منها إنها تقل بأصلها في أي مكان قلت آخدها من قصيرها وأغيرها وأريح دماغي، البطارية سعرها 340 جنيها (55 أمبير) + البطارية القديمة فقلت أقولكم على السعر علشان في لعب كتير اليومين دول في أسعار البطاريات.. تحياتي

[anasnora]

معلش ياباشا برجاء الرد هل فرقت فى حكايه النتشه بتاعه النقله من 44 امبير الى 55 امبير اصلى ناوى اغيرها ل55 امبير

[Sehsss]

معلش ياباشا برجاء الرد هل فرقت فى حكايه النتشه بتاعه النقله من 44 امبير الى 55 امبير اصلى ناوى اغيرها ل55 امبير

أنا مانيوال يا باشا

[atefadel]

طيب70 امبير جافة بكام

[Inteltech]

مبروك البطارية يا باشا وتفكير سليم
بس عندي سؤال هو في اثر ايجابي او سلبي في اي حال من الاحوال لما نزيد من قوة امبير البطارية من اقل لزيادة ؟؟؟ وده للعلم لاني مش عارف اجابة الموضوع ده وشكرا

[Sehsss]

طيب70 امبير جافة بكام

ما سألتش عليها، هاسأل وأرد عليك

[Sehsss]

مبروك البطارية يا باشا وتفكير سليم
بس عندي سؤال هو في اثر ايجابي او سلبي في اي حال من الاحوال لما نزيد من قوة امبير البطارية من اقل لزيادة ؟؟؟ وده للعلم لاني مش عارف اجابة الموضوع ده وشكرا

ربنا يبارك فيك، مانيوال العربية بيقول إنه مسموح لحد 65 أمبير، وأغلب العربيات الـ1500 أو الـ1600 سي سي البطارية المناسبة ليها 55 أمبير، إلا لو مركب زينون وأو شوية حاجات كهرباء بتخليها 70 أمبير

[Bishoy.Girgis]

الف الف مبروك يا محمد البطارية الجديدة .. بس سنة واحدة علي البطارية القديمة ده شوية خالص .. انا البطارية قعدت معايا سنتين

[Bishoy.Girgis]

معلش ياباشا برجاء الرد هل فرقت فى حكايه النتشه بتاعه النقله من 44 امبير الى 55 امبير اصلى ناوى اغيرها ل55 امبير

اتفضل يا باشا حل النتشة في الموضوع ده

http://www.nilemotors.net/Nile/284640-a.html

[Sehsss]

الف الف مبروك يا محمد البطارية الجديدة .. بس سنة واحدة علي البطارية القديمة ده شوية خالص .. انا البطارية قعدت معايا سنتين

الله يبارك فيك يا بيشو، أنا موسوس للأسف، وعلى فكرة الصوباعين الطوال اللي ربطين البطارية كانوا على وشك التآكل من مياه البطارية، (أنا عندي قناعة إن البطارية المياه اختراع فاشل وراح زمنه)

[S O P H O S]

الف مبروك يا باشا
ربنا يجعلها افضل واحسن
ان شاء الله
تحياتي ..

[Land_Cruiser]

الف مبروك يا باشا بس ما غيرتهاش ليه تبع الضمان؟ كانوا هيغيروهالك ببلاش لو فى السنه الاولى من الضمان او تدفع تلت تمنها لو فى السنه التانيه او التلتين لو فى السنه التالته من الضمان

[Land_Cruiser]

معلش ياباشا برجاء الرد هل فرقت فى حكايه النتشه بتاعه النقله من 44 امبير الى 55 امبير اصلى ناوى اغيرها ل55 امبير

بص حضرتك انا حكايه النتشه دى راحت من عندى الحمد لله مع اضافه زيت الفتيس بتاع ليكى مولى اللى اسمه. Atf 1400 و الراجل قاس الزيت بتاع الفتيس و لقاه كان ناقص بتاع حوالى نصف كيلو فزودهم و النتشه راحت و كمان الفتيس كان بيرجع على p كان زى ما يكون بيخبط لورا شويه لكن دلوقتى الموضوع ده كمان اختفى و الفتيس بقى طبيعى و ربنا يبارك لوليد باشا عادل. هو اللى نصحنى بيه فى احد المواضيع و فعلا طلع اختراع . انا لسه حاطه امبارح و لسه تحت التجربه بس امبارح النتيجه كانت ممتازه و اداء الفتيس اتحسن جامد

[Dr'AhmZZong]

مبروووووووووك يا sehsss عقباااااااالي ..

بس أنا إن شاء الله ناوي على energizer اللي في توكيل bridgestone ..

[night_whisper]

مبروك البطارية الجديدة
مش عارف لية الكل بيخاف و يغير البطارية رغم أن البطارية اللى نازلة مع العربية كويسة و مفيش مشاكل منها
بصراحة شايف أن حرام تتغير و البطارية سليمة
لما ينتهى عمرها غيروا ببطارية جافة