البطارية

[MohammedAladel]

السلام عليكم ورحمة الله وبركاته كل سنة وإنتم طيبين
عندى البطارية الطرفين بتوعها قطرهم ضيق شوية فلما بركب فيه الوصلتين الكهرباء السالب والموجب بتوع العربية وأقرص عليهم جامد فى الربط برضه مهويين والبطارية بتفصل كل شوية عايز حل ممكن أحط إيه أزنق بيه ؟ وتانى حاجة خلى عربية بطاريتها نايمة وعايز أديله وصلة من عندى أعمل إيه وهل دا يأثر على عربيتى أو ممكن يبقى خطر ياريت تردوا عليا بسرعة أخوانى الكرام

[SASA3]

هاتلها تخشينة رصاص لو لقيت من عند الى جبت منه البطاربة و متسبهاش مهوية كده
لا اما هات اى حاجه معدن و ازنقها بين القواطيش سلك نحاس عادى و شيل البلاستيك الى عليه اى حاجه يعنى


و الوصله بتاخد الموجب ن عندك و السالب من عندك توصلهم على عربيه النايمه و تزود من عندك و التانى يشغل المارش

و اول ما العربية تدور هو يزود و انت تشيل الكابلات من عنده و خلى بالك بس ميلمسوش فى بعض و تقوم شايلهم من عندك بس بسيطة يعنى

[benmatar]

سلك نحاس شعر من أي كهربائي تعمل بيه تخشينة، وعلى فكرة ممكن تغير الأتايش وتشتري مقاس أصغر وده أسلم الحلول والسوق فيه مقاسات فعلا وأقطار مختلفة، وبالنسبة لتوصيلة الكهرباء أولا تراعي إن الموجب عندك واصل بالموجب عنده وكذلك السالب هو هو، ولو خايف بطاريتك تنام وده مش بيحصل إلا نادرا، خليك مدور العربية ودايس سنة بنزين عشان الدينامو يساعد والعربيتة نايمة يدور وهتلاقيها دارت بإذن الله ببساطة، وخد بالك الأقطاب المختلفة متلمسش في بعض ولا في صاج العربية.