بطارية العربية 70 امبير

[شريف]

السلام عليكم
النهاردة جيت ادور العربية مدارتش
الظاهر ان البطارية نامت
المهم الواحد يجيب بطارية جديدة كلورايد 70 امبير ولا يخلية فى ال 55 امبير
عشان اوقات بجى ادور العربية و الكاسيت يفصل و بعدين يشتغل فيمكن مع ال 70 امبير ميحصلش الكلام دة
اية رايكم
و احسن مكان الواحد يجيب البطارية منين عشان العملية دى زى اليطيخ انت و حظك
مره بكاريه بعد سنة و اسبوع بالظبط ربع ضرب و كدة برة الضمان
والاخيرة دى عدت السنتين بكام شهر لغابة النهاردة
ارجو الافادة و شكرا مقدما

[Nader]

الافضل طبعاً ال70 امبير خاصاً لو مركب انزار ممكن تسيب العربية اسبوع من غير متشغلها وتدور عادي من غير متنام البطرية.

بالنسبة لحكاية ان الكاسيت بيقفل لما تيجي تدور، بالنسبة لي كل الكهربة بتاعت العربية "تقريباً" بتفصل لما باجي ادور كاسيت وانوار خارجية "النور العالي ". ممكن تكون عربيتك نفس الحكاية بس انا مش واثق.

[ايهاب]

ال70 ممتازة لو فية تكييف--انا مركب 70 جافة VARTA من سنتين هايلة في شاهين 1300 -----بس لمبة الدينامو (البطارية)بتنور في المور وغلبت في اصلاح هذة الظاهرة لحد ماعرفت انه بسبب تكبير البطارية وانة مش عيب ولكن يمكن التعايش مع هذة الظاهرة دون مشاكل علي البطارية او الدينامو (كلام الكهربائى)
DR/EHABABDELHAFEEZ
اسبيرانزاوي32

[NaderNabil]

Re: بطارية العربية 70 امبير

Get the 70 amper, a7san bekteer, and forget about it for 2-3 years

i think mawdoo3 el cassete da 3adi, i'll try it in my friends sahin w a2olak

[شريف]

انا شاكر جدا لكل اللى ردوا
بس قلقان من موضوع الفرق من 55 الى 70 امبير هل الدينامو هيشحنها كويس و لا لا عشان دى امبيرها اعلى
لو مش هيشحن البطارية تمام كدة عمرها هينقص طبعا
لو حد عندة فكرة عن النقطة دى يقول راية اية

[hanyfarrag]

أنا رأييى إنك تلتزم بأمبير البطارية اللى هو 55 أمبير
لأن ذى ما أنت قلت الدينامو مصمم أنه يشحن بطارية شدة تيارها 55 أمبير
واللى يفسر الكلام ده إنك ممكن تلاقى دينامو نفس الشكل الخارجى واحد
لكن واحد مكتوب عليه وبيطلع 55 أمبير والتانى اللى هو نفس الشكل بيطلع 65 أمبير او 90 على حسب
أما مشكلة الكاسيت دى عادية وما تقلقش منها

[شريف]

الف شكر ليك يا استاذ هانى
هو اللى انا فاكرة ان الدينامو هيفضل يشحن لغاية الكتاوت متوقفة مش متاكد من المعلومة دى
يعنى اعتقد هغير الكتاوت لحاجة اعلى
بس انا قلت ال 70 امبير (النوع الواطى) اشوف حد جربة و غير حاجة فى العربية و لا ساب العملية زى ماهية
و بالنسبة للكاسيت فدة مش قالقنى بس هو اكيد هيبقى شغال على طول لو البطارية بقت 70 امبير

[Ahmed Hassan]

البطاريه ال 70 هاتحمل على الدينامو... و بالتالي على الموتور. انا ملاحظ ان العربيات الجديده مصممه ببطاريات بأمبير صغير.. و دينامو اعلى منها.. و ده معناه ان الدينامو اقوى من البطاريه فبيشحنها بسرعه و من غير حمل على الدينامو او الموتور. نصيحتي خليك في الـ 55 بس هاتها جافه ماركه كويسه. و يا ريت لو حد عنده رأي علمي يفيدنا بيه.

[مهندس محمد صلاح]

موضوع تكبير البطارية او تصغيرها ده ما بيجيش كده بالبركه .. كل حاجة ولها اساس علمى .. معظم العربيات الملاكى تقع تحت بند العربيات من 55 الى 70 امبير وكمية الامبير دى معناها التيار المسحوب من البطارية قد ايه علشان يقوم العربية ويشغل الانوار والكاسيت وخلافه يعنى لو عندى عربية بطاريتها 55 وحطيت لها بطارية 70 فمفيش مانع وكانك سحبت الميه من ماسورة تلات ارباع بوصة بدلا من نص بوصة والمشكلة هنا تكون فى حجم البطارية لو المكان عندك يسمح لان 70 امبير اكبر من 55 امبير طولا وعرضا وارتفاعا .. لكن لو عندك بطارية 70 واستبدلتها ب 55 فهنا تقع المشكلة لان التيار المسحوب يكون اكبر مما تسمح به البطاريه .. وكلما كبرت المركبه كبرت البطارية فمثلا الجرار الزراعى تلاقى بطاريته 100 امبير والاتوبيس تلاقبه 125 امبير وهكذا .. وانصحك نصيحة .. ركب البطاريات الجافة .. حلوة قوى وما بتحتاجش الى انك تتابع الميه ولا الحامض ولا نسبة التركيز ولا الكلام ده كله .. هى فيها لمبة لما تبقى خضرا يعنى انها مشحونه كويس لما يبقى مش فاكر رمادى تبقى كذا وهكذا .. بسيطة وسهلة وتعيش اربع سنين وزيادة

[شريف]

الف شكر ليك يا استاذ احمد
بس هى الجافة بيتحط مية اول مرة بس و بعد كدة بتتركب على التونجر عشان تتشحن
ولا بتتركب على طول من غير اى حاجة
لانة مش عارف الجافة دى شغالة ازاى؟

[Ahmed Hassan]

الجافه انته بتاخدها تركبها على طول.. هيه اصلا مافيهاش فتحات

[مهندس محمد صلاح]

البطارية الجافة لا يضاف اليها اى شىء .. ولا ميه ولا حاجة .. بتحطها زى ما هى كده ولا تضيف اليها اى شىء وكل ما عليك هو متابعة علامات كفاءة البطارية من وقت لاخر

[شريف]

الف شكر ليك يا استاذ محمد صلاح
هو فعلا البطاريات الجافة اريح بس مشاكلها اية؟
يعنى لو اللمبة بقت رمادى و العربية بتدور يبقى مشكلنها اية؟

[شريف]

البطاريات الجافة ايه احسن نوع
و بتتباع عند مين (ميكونش حرامى و حاجته كلها درجة تانية)؟

[Nader]

البطاريات الجافة ايه احسن نوع

varta الماني