بطارية الياريس كام امبير ؟؟؟؟؟

[sleepyhammer]

يا جماعه انا الحمد لله اشتريت الياريس 2007 اوتو من اسبوعين كده

ودلوقتى البطارية شكلها مشيعه عملتها مرتين متدورش بعد يوم مثلا ركنه

المهم انا هريح دماغى واجيب بطارية جديدة فارتا مثلا

اجيبها كام امبير (الاصلى بتاع الياريس كام)
وممكن ازود عن الاصلى كام ؟؟

انا لسه مغير اربع فرد كاوتش جبت نفس المقاس الاصلى بتاعها بس ميشلان انجليزى هل ده كويس

[S O P H O S]

الكاوتش جميل الف مبروك وعن البطاية اعتقد
انها هتكون 60 واتأكد برضوا من الاخوة
والله اعلم ..

[sleepyhammer]

ايه يا جماعه اللحمة والعيد عاملين شغل جامد الظاهر
ومحدش بيدخل المنتدى غير sophos وانا ولا ايه :)

[Ahmod]

بطارية الياريس 40 امبير لكن يركبلها بطارية اكبر مافيش مشكلة

انا مركب عندي 50 امبير او 45 والله مانا فاكر لاني مغيرها من زمان

بس اللى انا فاكره اني مركب بطارية اقوى من بتاعة العربية في الامبير

[S O P H O S]

تمام انها 50 وهيكون افضل تركب 50 زي دكتور احمد
علشان التكيف وخلافه ويعني تقدر زود فالمعقول وبحدود
بس يا تري ليه فالخليج بيحطوا بطارية 60 ؟؟!!!

[dr.hazem]

علميا.. مفيش داعي لتزويد الامبير اعلى من اللي العربية بتنزل بيه حتى لو مركب ديسكو في العربية....
تحياتي

Sent from my LT18i using Forum Runner

[sleepyhammer]

طب ايه احسن نوع ؟
وهيه الياريس بتنزل بACdelco ولا بايه ؟؟

[Ahmod]

طب ايه احسن نوع ؟
وهيه الياريس بتنزل بacdelco ولا بايه ؟؟

الياريس بتنزل ببطارية سائلة بس انا مش متذكر النوع بالظبط بصراحة

لكن الجافة افضل طبعا

انا مركب فارتا الماني ممتازة وهي احسن نوع غالبا لكن اغلى من باقي البطارية

[S O P H O S]

انا مركب فارتا بردوا
وال ac كويسة بردوا ..

[أبو عبدالله]

انا أظن انها هتبقى 45 أمبير
وعلى فكره مش الأفضل انك تزود ولا حاجه
الكلام ده عمليا غلط في العربيات الجديده الكلام ده كان ايام العربيات القديمة
وافضل حاجه في السوق دلوقتي الفارتا الألماني او البوش برضه
موجودين في المحلات بتاعت البطاريات اللي قدام سنترال رمسيس

[dr.hazem]

الايسي ديلكو ضمانها احسن حسب كلام بشمهندس محمد ممدوح خبير الدايو..

تحياتي

[sleepyhammer]

انا الحمد لله جبت الفارتا الالماني 45 امبير
بس كنت حاسس ان العربية ال rpm بتاعها وطى شوية مش عارف ده عادى ولا ايه وكان في رجرجة كده فى الموتور وانا واقف بس ابتدت تخف لما مشييت مشوار طويل
وشكرا على مساعدتكم بجد

[kar!m]

و حضرتك حاسس بايه بعد ما جبت ياريس بعد الميجان؟ :-)

[sleepyhammer]

و حضرتك حاسس بايه بعد ما جبت ياريس بعد الميجان؟ :-)

والله حضرتك الميجان عربية جميلة بس اللى كانت معايا كانت متبهدلة شوية وانا صرفت عليها كتير وكمان كانت مانيوال (والمانيوال فيها جميل جدا خصوصا فى السفر والشد) بس داخل البلد والزحمة متنفعش وبتتعب بصراحة
وانا كنت بدور على ميجان تكون حالة نظيفة واوتو بس طبعا صعب انى كنت اللاقى حالة نظيفة وكل اللى شوفتهم كانو مشارح وكمان مصرف الرينو الميجان بذات عالى شوية ونسبة اعطالها بتكون اكتر من اليابانى لو صاحبها مش بيصين اول باول وكمان لو متبهدله هتتعب صاحبها

فقررت انى ادور على لانسر 1600 او تويوتا ياريس واتنازل عن الفخامة والراحة اللى فى الميجان والرينو مش عايز مصر بجد العربيات دى عاوزة شوارع نظيفة عاوزة اوروبا بلدها انما فى مصر العربية دى بتتهان بجد انما هيه عربية امان وثبات مفيش كلام

واللى عجبنى فى الياريس استجابتها فى الاوتو جيدة جدا والشد كمان جراية وتكييف ممتاز وفوق الممتاز انا على اول درجة بتلج بجد فالحمد لله عليها عريبة كويسة وملبيه كل او معظم احتياجاتى وربنا يبارك فيها يارب ويبعد عنى شر الطريق