بطارية 50 أمبير ولا 70 أمبير أفضل للادا ؟

[komodo]

عايز أشترى بطارية جافة جديدة لسيارتى للادا 2105 موديل 95
ما هو الأمبير الأفضل ليها أمبير 50 ولا 60 ولا 70 مع العلم أن العربية مفيهاش تكييف أو زجاج كهرباء ... يعنى مفيش تحميل كبير على البطارية ولو كانت العربية تشتغل بـ 50 أمبير مثلا فهل لو ركبت بطارية 70 أمبير ده هل ده حيدى ميزة للعربية فى السحب وخلافة...؟
وفى انتظار الردد من الاخوة الافاضل ولكم الشكر والتقدير

[Mohamedmaree91]

والله ياباشا انا شايف ان احمالك قليله جيب 55 امبير واستفيد بفارق السعر

[Mohamedmaree91]

الفارتا الجافه او الاسديلكو ممتازين عن تجربه

[ibnelfared]

الــ 70 أمبير أفضل لأنك ممكن تزود أى أضائة شبورات كدة وأفضل الأنواع عن تجربة الأكديليكوا وطبعا ممكن الزملاء يضيفوا نوع تانى من واقع تجربتهم والجافة أفضل من الحمضية وربنا رشدك للأفضل والأحسن

[komodo]

الــ 70 أمبير أفضل لأنك ممكن تزود أى أضائة شبورات كدة وأفضل الأنواع عن تجربة الأكديليكوا وطبعا ممكن الزملاء يضيفوا نوع تانى من واقع تجربتهم والجافة أفضل من الحمضية وربنا رشدك للأفضل والأحسن

أحد الأخوه الأفاضل قالى أن الـ 70 أمبير تاخد وقت اطول فى الشحنودة تحميل على الدينامو وبالتالى تحميل على الموتور نفسة ...
أيه رأيك فى الكلام ده...

,حضرتك مركب ايه فى الـ 2107 بتاعتك ...

[ibnelfared]

أحد الأخوه الأفاضل قالى أن الـ 70 أمبير تاخد وقت اطول فى الشحنودة تحميل على الدينامو وبالتالى تحميل على الموتور نفسة ...
أيه رأيك فى الكلام ده...

,حضرتك مركب ايه فى الـ 2107 بتاعتك ...

أنا مركب عندى أكديليكو 70 أمبير وبصراحة كوويسة ماشاء الله.
جزئية فترة الشحن والله أعلم مش هاتضرك لأن كدة كدة البطارية هاتتشحن أول مرة وثانيا أنت هاتكون ماشى بيها هاتتشحن بردة يعنى هيا مش هاتشحن من الصفر أقصد .
ولو حضرتك حسبتها كويس هتلاقى نفسك أنك عايز تطور فى عربيتك من أضائة الحاجات الخاص بكهربة السيارات وشوف بردة كدة أستخير ربنا وشوف رأى الجماعه هنا وربنا يهديك للخير والأحسن

[lad]

55amp

[ahmed_gamal777]

بص على حد علمى العربية لغاية 1300 او 1400 سى سى يبقى 55 امبير (50امبير)
العربية بعد كدة لحد 2400سى سى - عربيات ركوب مش ميكروباص -70امبير
شوفت عربيتك كام سى سى وكب الملائمة عليها

[komodo]

تمام يا استاذ أحمد ...
هى كدة تبقى 55 أمبير إن شاء الله.... عشان عربيتى 1200 cc بس من فضلك عرفنى اية رايك فى موضوع العازل الحرارى اللى بيتعمل للبطارية عشان متسخنش من حرارة الماتور اللى بيخلى عمرها الإفتراضى يقل

[komodo]

بص على حد علمى العربية لغاية 1300 او 1400 سى سى يبقى 55 امبير (50امبير)
العربية بعد كدة لحد 2400سى سى - عربيات ركوب مش ميكروباص -70امبير
شوفت عربيتك كام سى سى وكب الملائمة عليها

تمام يا استاذ أحمد ...
هى كدة تبقى 55 أمبير إن شاء الله.... عشان عربيتى 1200 cc بس من فضلك عرفنى اية رايك فى موضوع العازل الحرارى اللى بيتعمل للبطارية عشان متسخنش من حرارة الماتور اللى بيخلى عمرها الإفتراضى يقل

[ahmed_gamal777]

العزل الحرارى كنت شوفتة فى موضوع كان اخ فاضل عاملة
وبصراحة حاجة فخيمة
ولكن متوسط عمر البطارية من سنة الى 3 سنوات
حسب العربية وحسب الاستخدام وحسب الماركة
على حد علمى موضوع كيس البطارية بيزود عمرها الافتراضى او بينقص لس مبانش فى التجارب العملية
ولكن لاحظت فى بعض البطاريات الحمضية ( مياة نسر) لم تسخن العربية اوى البطارية تلقيها بتغلى جوة ودا مش كويس على عمليات التفاعل
عشان كدة لو لقيتة الكيس متوافر وعندك بطارية مياة اتعامل
لو جافة ومفيش كيس ممكن تشترى العازل وتحوط البطارية بية ( زى زمان جزء من فردة داخلى قديمة )
وربنا يوفق حضرتك

[besokate]

Acdelco 70 amber

[MEKAWY2000]

بص على حد علمى العربية لغاية 1300 او 1400 سى سى يبقى 55 امبير (50امبير)
العربية بعد كدة لحد 2400سى سى - عربيات ركوب مش ميكروباص -70امبير
شوفت عربيتك كام سى سى وكب الملائمة عليها

ياباشا نورت المنتدى وحشنىىىىىىىىىىى
الافضل بعد اذنك 70 والسعود ال اس دى اليكو وبعديها التركى ثم التيجر الكورى ال55 شغاله لاكن ممكن السياره تعصلج منه فى الدواره تاكل البطاريه لاكن 70حماله والاخ بيقول حمل على الموتور والدنمو كده كده الدنمو مالوش حما يزكر على الموتور يبقى لايصح الا الصحيح 70 امبير فرق السعر مش كتير لو جاب ال55 هيبقى هو الى خسران