برجاء المساعدة ضروري بخصوص البطارية

[walloo1978]

أولاً السلام عليكم


الموضوع يا وحوش بخصوص البطارية أنا كنت مسافر برة مصر 3 اسابيع و رجعت امبارح

أخويا جابلي العربية و جالي المطار و قالي أن العربية مكنتش عاوزة تدور
و دارت زق المهم خدنا المشوار للبيت حوالي 50 كم و بعدين دور العربيه مفيش .
تسمع صوت تكة واحدة و العدادات كلها تتصفر لكن العربية مش بتدور .
الغريب فتحت الكبوت لقيت مؤشر البطارية أخضر.
ياريت تفيدونا يا شباب في الموضوع ده
العربية أخر مرة دارت فيها من اسبوعين
و دلوقتي بتدور زق . و هية كدة برة الضمان علشان عدت سنتين
سؤال كمان هل البطاريات الجافة بتتشحن علشان أنا سمعت كلام
متضارب في الموضوع دة.


ياريت ردود بسرعة يا شباب علشان

رحت الشغل مواصلات و الموضوع صعب جداً ف عاوز أنجز القصة دي النهاردة
و لو الموضوع دة بطارية ترشحولي أجيب أيه
أنا من حلوان لو في أي أقتراح بخصوص مكان معين


و ألف شكر ليكم مقدماً


وائل الشيشيني

[Ahmed A Rahman]

ولا حاجه البطارية باظت
معرفش اذا كانت ممكن تتشحن تاني ولا لأ

لو لأ
هات بطارية 60 امبير
انا غيرت ب AC delco 70 بتدي 62 امبير كانت عامله 370 جنيه
الفارتا عند ممدوح غطاطي كانت عامله 550 تقريبا

[Abo Yasso]

الجافه بتتشحن يا باشا
روح لبتاع البطاريات وهيقيس البطاريه ويقولك تنفع تتشحن ولا لآ
وبقى طمنا عليك

[Abo Yasso]

يا سلام الدنيا ديقه يا جدعان وائل ومواليد 78 كمان
طب بقولك ايه متعرفشى حد بتاع سمكره ودوكوا فى حلوان بس يكون كويس

[walloo1978]

ولا حاجه البطارية باظت
معرفش اذا كانت ممكن تتشحن تاني ولا لأ

لو لأ
هات بطارية 60 امبير
انا غيرت ب ac delco 70 بتدي 62 امبير كانت عامله 370 جنيه
الفارتا عند ممدوح غطاطي كانت عامله 550 تقريبا

ألف شكر ليك يا دكتور

[walloo1978]

يا سلام الدنيا ديقه يا جدعان وائل ومواليد 78 كمان
طب بقولك ايه متعرفشى حد بتاع سمكره ودوكوا فى حلوان بس يكون كويس

ألف شكر ليك يا باشا
أنا اتشرف بيك
للأسف أنا معلوماتي و خبرتي مع الصنيعية ضايعة
حتى لما كان عندي شغل سمكرة إبن عمي هو اللي عملها عند
صنايعي معرفة في جسر السويس .

[walloo1978]

ألف شكر للجميع
حبيت بس أشاركم اللي وصلت لية
أنا روحت عند بتاع بطاريات و كشفت عليها
و قالي لازم تتغير
المهم كان إختياري حاجة من اتنين بناءً على كلام الأعضاء
في مواضيع كتير في المنتدي

يا إما AC Delco و دي كانت عاملة 410 زائد البطارية القديمة الراجل قالي انها غليت من 20 يوم تقريباً
أو VARTA و دي بعد فصال عملت 480 زائد البطارية القديمة إنتاج الإتحاد الأوروبي.
و طبعاً كل البطاريات عليها ضمان سنة.




وائل الشيشيني

[walloo1978]

نسيت اكتب أن أنا اشتريت ال VARTA

وائل الشيشيني

[DOCTOReng]

ما تنساش تروح له مرة كل شهر حتى لا يسقط الضمان

[gebreel]

نفس الفيلم اللي حصل معايا و البطارية قطعت النفس ولا كانت حتى عاوزة يترمي ليها و جبت بطارية جديدة و الدنيا ماشية الحمد لله زي الفل