عايز بطارية جديدة

[eng.m7md.ali]

للاسف البطارية عندي ماتت مش عارف من ايه

لو سمحتو عايز اعرف الاسعار واحسن الانواع؟

انا كان عندي السعودي الامريكي جافة 70 امبير بقالها سنتين وشهرين كنت جايبها ب 450 + البايظة

ياترى هلاقيها بالسعر ده بردو ؟

[bobbozo4b]

من اسبوعين كده
الفارتا 70 امبير 520 جنيه والقديمة بـ 50 جنيه يعنى 470 جنيه
الفارتا 55 امبير 450 جنيه

[Salamonti]

عند شركة الإيمان اللي في شارع التحرير بالدقي (جنب جاد)
لسه مركب acdelco سعودي 55 أمبير بـ330 بالقديمة
وسألت على الفارتا 70 أمبير كانت 460 بالقديمة
وسألت على acdelco سعودي 70 أمبير كانت بـ410 تقريبا بالقديمة

معلومة هامة جدا للجميع..
كلمة 70 أمبير ده مصطلح وليد السوق المصري..
البطاريات دي كلها في الحقيقة 62 أمبير سواء الفارتا أو الايسيديلكو لكن هما بيقولوا عليها 70
دور على البطارية نفسها هاتلاقي مكتوب 62Ah بس هما بيسموها 70
وده حال كل المحلات لأن مفيش حاجة في السوق أصلا اسمها 70
البطاريات حقيقتها 45 و 55 و 62 و 75 امبير فما فوق بقا

[eng.m7md.ali]

الف الف شكر ليكم يا رجالة

بس تنصحوني بأيه للعمر الطويل ومش مشكلة السعر ؟

[bobbozo4b]

توكل على الله واشترى اللى يريحك انت والاثنين حلوين يعنى انت مستريح لايه
بس اهم حاجة انك تتاكد من تاريخ الانتاج و من شحن الدينامو

[mem]

ac delco

[Sehsss]

ac delco فعلا وخلي بالك إن الفارتا الموجودة حاليا مش ألماني، (اتحاد أوروبي)

[mo7a_mo7a]

ريح دماغك وروح شركة النيل للمشروعات (بريدجستون وفيت اند فيكس)
عندهم بطاريات انرجيزر كويسة جدا واسعار ممتازة وخصم لاعضاء المنتدي حاملي الاستيكر وضمان حقيقي مش اي كلام

[tutankhamoun]

طيب و الكلواريد المصري الجافة أخبارها أيه ؟؟؟

و أبوس اديكم بلاش ألماني و أوروبي ....... لو مش عايزين مصري هاتوا السعودي و أسمع أنها كويسة ... أو أي حاجة آسيوي .

ألمانيا و أوروبا من أكبر داعمين الكيان الصهيوني و من أكبر مثبتين دعائمه ضد أخواتكم الفلسطينيين و على حدودنا الشرقية .

[power]

كان في اعلان في الجرايد من كام يوم ان شركه بوش منزله بطاريات ..... محدش يعرف اي تفاصيل؟

[Sehsss]

طيب و الكلواريد المصري الجافة أخبارها أيه ؟؟؟

و أبوس اديكم بلاش ألماني و أوروبي ....... لو مش عايزين مصري هاتوا السعودي و أسمع أنها كويسة ... أو أي حاجة آسيوي .

ألمانيا و أوروبا من أكبر داعمين الكيان الصهيوني و من أكبر مثبتين دعائمه ضد أخواتكم الفلسطينيين و على حدودنا الشرقية .

للأسف الشديد.. الكلورايد سيئة جدا، السعودي ممتااااااازة وعن تجربة لسنوااااااات طويلة

[mahmoud_elbeh]

AC Delco سعرها 450 جنيه .
سعرها بالقديمة 400 جنيه .

[D . a .\ AYMAN]

أنا لسة جايب الـ n40 من عند أبناء على سليمان اللى في شارع وادي النيل في المهندسين بـ 320 بالقديمة السعودي الجافة

[eng.m7md.ali]

خلاص يا جماعة ان شاء الله هنزل دلوقتي اجيب السعودي

الف الف شكر ليكم

[eng.m7md.ali]

النهاردة نزلت جبت بطارية maxpower صناعة تركي بس شكلها نضيف

السعر : 360 جنيه بالقديمة