بطارية وكاوتش أوكتافيا

[tamersalah]

أصدقائي الأوكتافاوية

مساء صباح الخيرات عليكم جميعا

أرجو تقديم النصح والمشورة لأني المفروض أغير البطارية (فارتا ألماني) والكاوتش (بريدجستون ياباني)

يا ترى إيه مقترحاتكم بالبطاريات الجافة الكويسة في السوق دلوقتي على نفس المستوى وهل أركب بريدجستون تاني (أنا ما اشتكتش منه غير من الخوابير للأسف) ولكن البعض نصحني بكونتيننتال أو ميشلان

مع جزيل الشكر

[Moratoz]

أبعد عن الكونتنتال بتمسح بسرعة وبيعمل بلالين بسرعة افضل كاوتش بريدجستون لو مش فارق معاك السعر

[erp]

ان واالله زيك ياباشاااااااااا

بس انا عايز اجيب فردتيين كاوتش ضروروى عندى العجل مليان خوابير

اشترى منيين وبكام الله يخليكم

[طارق _عبد السلام]

هات بطاريه فارتا بردوا
والكاوتش بيرديجستون
زى الموجود فى العربيه
كدا انت لم تحدث اى تغيير

[tamersalah]

جزاكم الله خير يا رجالة

أنا لقيت البريدجستون الياباني بـ 685 والتايلاندي بـ 590

أما البطارية الفارتا دي ألماني وألا إيه وبكام ومنين وهل متجربة؟

تسلموا على الردود

[tamersalah]

النهاردة سألت على الفارتا الألماني عند الغطاطي جنب كارفور المعادي لقيت 60 أمبير بـ 500 والـ 63 أمبير بـ 540 بعد ما يأخد القديمة بس فيه حد قلقني وقالي إن البضاعة بتاعته مخزنه يا رب حد يفيدني

[mo7a_mo7a]

هات البطارية (فارتا ألماني) والكاوتش (بريدجستون ياباني)

[mo7a_mo7a]

النهاردة سألت على الفارتا الألماني عند الغطاطي جنب كارفور المعادي لقيت 60 أمبير بـ 500 والـ 63 أمبير بـ 540 بعد ما يأخد القديمة بس فيه حد قلقني وقالي إن البضاعة بتاعته مخزنه يا رب حد يفيدني

شوف تاريخ الانتاج
وبردو الكاوتش لازم يكون انتاج جديد

تحياتي

[tamersalah]

ألف شكر على سرعة الرد وربنا يسهل

سؤال برضه هو ساعة تغييرها بتغير حاجة في البرمجة والا تتشال وتتحط الجديدة عادي؟

[Moratoz]

عادي متقلقش ما بيحصلش حاجة