بطاريتى إتسرقت :( الحمد لله

[wasta]

السلام عليكم
أنا لسه شارى عربيه 128 وجايب بطاريه جديده جافه مبقالهاش كام يوم وروحت سيتى ستار وركنت فى شارع كده عند عمارات الجيش الموف ديه وأنا دايما باركن هناك بس بعربيتى السويفت المهم دخلت ساعه واحده خرجت أدور العربيه لقيت مفيش كهرباء بصيت فى الكبوت ملاقيتش البطاريه يلا الحمد لله

أولا عاوز حد بيبيع بطاريات رخيصه ع شان موش طالبه فلوس تانى

ثانيا عاوز حد يقولى إزاى أعمل تقفيصه للبطاريه

تلاته عاوز أعمل كمين للحرامى فى نفس المكان بس بمساعدتكوا .... عاوز أركن العربيه وأمشى عادى بس أبقى متفق معاكوا يارجاله إن فى ناس تبقى مستخبيه فى المكان وأول ما ياجى الحرامى موش هكمل بقى ..... وجزاكم الله كل خير

[Hondawy_2008]

ربنا يعوض عليك يا باشا البلد كلها حرامية و البركة في الشرطة و الحكومة

معتقدش الحرامي هيظهر تاني في المنطقة غير بعد 6 شهور مثلا و لو اني معايا كرباج ايدي بتاكلني عايز اقطع جسمه بيه هههههههههههه

[Walid_M]

حقولك حاجه ظريفة .............
انا جاري من اسبوعين تقريباً اتسرقت بطارية عربيته لادا ......... وقت صلاة الفجر ... يعني قبل الصلاة مباشرة كانت موجودة خلصنا صلاة لقينا الكابوت مفتوح والبطارية مسروقة !!!

المشكلة موش انها اتسرقت ... لا ... ثاني يوم ساعة صلاة الفجر برده اتسرقت بطارية عربية لادا ثانية كانت راكنه قصاده الناحية الثانية !!!

لا وايه !!! صاحبها كان عامل ليها تقفيصه وقفل كمان ... كبوا عليها مياه نار وفوروا التقفيصه

ربنا يسترها علينا وعلى البلد في الايام السودا دي

تحياتي

[Nashaat Rady]

إنها النهضة يا عزيزي أيبك

[abdo7000]

قدر الله وما شاء فعل

[Elawany13]

قدر الله وماشاء فعل
لعله خير

بس خد بالك البطارية من اهم اجزاء العربية
لو جبت بطارية مستعملة أو قديمة هتقرفك فى الدوراة

[hesham ahmed]

علي فكره الحته اللي عند سيتي ستارز دي كترت اوي فيها السرقه .... ليه صاحبي كسروا ازاز العربيه و خدوا شنطه كانت في العربيه ... و كنت قريت بارضو كذا اخ هنا في المنتدي كان حصل معاه مواقف هناك ,,,
فياريت كله ياخد باله ...
موجود بعض الشوارع هناك فيها سايس من البلطجيه اللي بيقفوا دول و يقولك الركنه ب 5 جنيه زي اللي قدام مسجد القوات المسلحه
هل عند عمارات الضباط دي في سايس ؟؟؟؟؟اعتقد هيبقي في علاقه بين تكرار السرقه و وجود السايس الناحيه التانيه!!!

[mahmoud_anwar]

الله احمدربنا انها جت علي البطارية
انا ليه وحد صحبي معايه في الشغل من ثلاثة ايام امام الكلية الجوية طريق بلبيس زنقةعلي عربيتة لسه شريها مكملتش اسبوع نزلة اربع عيال ملثمين ومعاهم رشاشات نزله عليه في ثانيةملحقش يفكر المهم قعد يقولو انزل وهو مش عايز المهم العيال شافو في عربيات بدقت تيجيفي الطريق قاموضربين طلقة في الهواء وركبه العربية وجريه
المقصود من الموضوع ده ايه ان البلد بايظة ورائيسها غلبان وطيب والحكومة بصراحة زي الفل عاملين كماين جوة القسم فقط
والرائيس لسه محدش من الاخوان قالة طلع قانون استثنائي شعب مصر كله هيسقفلك لو خت القرار ده وهو
اعدم لكل بلطجي يسير الزعر ويهدد امن وامان المواطنين وكل من يحمل سلاح سواء طبنجة او ابيض بدون ترخيص
اعدم بدون محاكمة وعلني امام الرائي العام لكن تقول ايه

[Ahmed_Ramadan]

طيب ما تركن فى باركنج سيتى ستارز تبقى امن على عربيتك و شارى دماغك و بره هتدفع2-3 جنيه و جوه هتدفه 5 جنيه.... ديه أول حاجة

تانى حاجة الفيات القديم كله و اللادا الكبوت بيتفتح زى الحلاوة و أقل واجب تكون عامل تقفيصة بقفل على البطارية و يا ريت تعملها فى أأقرب فرصة حتى لو هتأخر الحرامى

[ELBEH]

كويس ان هيه جات على البطاريه بس .احنا متاخد من عندنا 14 عربية فى اسبوعين من التجمع التالث و الخامس انا ممبنمشى بالليل من كتر القلق و طول الليل اعد فى البلكونة ببص على العربيه يا عم الحاج انا جارى لسه يوم الاربعاء اللى فات اتاخدت عربيته الالنترا 2012 من تحت البيت عندنا و كان راكن ورايا عالطول.ده احنا عيشين ايام سوده و هباب لا و اضحك كمان روحنا عملنا محضر فى القسم لما عربية جارى اتسرقت اولا مقبالناش الظابط ثانيا الامين اللى بيكتب المحضر بيقولى احنا بقالنا 3 ايام مطوقين التجمع كله قلتله ازاى قال اه عملين كماين فى كل الدخلات بتاعت التجمع قولتله الدخلات بس قالى اه قولتله ينفع تعمل فى الدخلات بس و تسيب اللى خارج من التجمع ده المهم اللى خارج من التجمع تعمل كمين علشان و هوه خارج يتمسك و لا حياة لمن تنادى.حسبى الله و نعم الوكيل.

[sherifahmed]

كويس ان هيه جات على البطاريه بس .احنا متاخد من عندنا 14 عربية فى اسبوعين من التجمع التالث و الخامس انا ممبنمشى بالليل من كتر القلق و طول الليل اعد فى البلكونة ببص على العربيه يا عم الحاج انا جارى لسه يوم الاربعاء اللى فات اتاخدت عربيته الالنترا 2012 من تحت البيت عندنا و كان راكن ورايا عالطول.ده احنا عيشين ايام سوده و هباب لا و اضحك كمان روحنا عملنا محضر فى القسم لما عربية جارى اتسرقت اولا مقبالناش الظابط ثانيا الامين اللى بيكتب المحضر بيقولى احنا بقالنا 3 ايام مطوقين التجمع كله قلتله ازاى قال اه عملين كماين فى كل الدخلات بتاعت التجمع قولتله الدخلات بس قالى اه قولتله ينفع تعمل فى الدخلات بس و تسيب اللى خارج من التجمع ده المهم اللى خارج من التجمع تعمل كمين علشان و هوه خارج يتمسك و لا حياة لمن تنادى.حسبى الله و نعم الوكيل.

طب ما تأمن

[mahmoud_anwar]

كويس ان هيه جات على البطاريه بس .احنا متاخد من عندنا 14 عربية فى اسبوعين من التجمع التالث و الخامس انا ممبنمشى بالليل من كتر القلق و طول الليل اعد فى البلكونة ببص على العربيه يا عم الحاج انا جارى لسه يوم الاربعاء اللى فات اتاخدت عربيته الالنترا 2012 من تحت البيت عندنا و كان راكن ورايا عالطول.ده احنا عيشين ايام سوده و هباب لا و اضحك كمان روحنا عملنا محضر فى القسم لما عربية جارى اتسرقت اولا مقبالناش الظابط ثانيا الامين اللى بيكتب المحضر بيقولى احنا بقالنا 3 ايام مطوقين التجمع كله قلتله ازاى قال اه عملين كماين فى كل الدخلات بتاعت التجمع قولتله الدخلات بس قالى اه قولتله ينفع تعمل فى الدخلات بس و تسيب اللى خارج من التجمع ده المهم اللى خارج من التجمع تعمل كمين علشان و هوه خارج يتمسك و لا حياة لمن تنادى.حسبى الله و نعم الوكيل.

علي فكرة انا كنت رجع بليل الساعه 2 ولقيت كمين عند الصنيه بجد كنت مكيف اوووي كان فيها تفتيش زاتي بس معرفش هل الكمين ده شغال علي ول ولا دي كانت مرة كان يوم الخميس كانت الصنية بتاع اربيلا الي نحية مسجد السويدي كده بجد كان شغل رائع بس ملاحظ حاجة غريبة الكمين بقا الي اول ماتدخل من الدائري علي التجمع وانا راجع امبارح الساعة 7:30 كده مكنش واقف خالص ولا فية اي حد نهائي بجد احنا في ايام مايعلم بيها ربنا انا واحد صحبي معايه في الشغل بيجي من الزقازيق اتثبت امام الكلية الجوية بس ربنا سترها معاه
حاول تأمن عربيتك اليومين دول لي ان البلد بايظة والله

[ELBEH]

طب ما تأمن

تعرف اه نظام التامين على المستعمل و اامن فين

[ELBEH]

علي فكرة انا كنت رجع بليل الساعه 2 ولقيت كمين عند الصنيه بجد كنت مكيف اوووي كان فيها تفتيش زاتي بس معرفش هل الكمين ده شغال علي ول ولا دي كانت مرة كان يوم الخميس كانت الصنية بتاع اربيلا الي نحية مسجد السويدي كده بجد كان شغل رائع بس ملاحظ حاجة غريبة الكمين بقا الي اول ماتدخل من الدائري علي التجمع وانا راجع امبارح الساعة 7:30 كده مكنش واقف خالص ولا فية اي حد نهائي بجد احنا في ايام مايعلم بيها ربنا انا واحد صحبي معايه في الشغل بيجي من الزقازيق اتثبت امام الكلية الجوية بس ربنا سترها معاه
حاول تأمن عربيتك اليومين دول لي ان البلد بايظة والله

الكمين اللى عند صانيه ارابيلا مبيقفش عالطول كل فين و فين دى حاجه الحاجه التانيه المفروض يبقى فى كمين فى اللى خارج كمان من التجمع .بص من الاخر هما بيشدوا يومين تلاته بالكتير و بتلاقى العمليه ريحت تانى بجد بجد حاجه تأرف و من الاخر كمان هما مش عايزين يشتغلوا لان لو عايزين يشتغلوا مكانش اتسرق 14 عربيه فى اسبوعين.(و انا قررت ان كل واحد يحمى نفسه كويس جدا لان مفيش حد هيحميك و لا هيجبلك حقق).سيبى بقى انا مررتى خلاص على الاخر و قرب يجيلى الضعط و السكر من كتر الواحد مبيشوفه.

[A.Saad]

تعرف اه نظام التامين على المستعمل و اامن فين

موديل كام وعربية ايه