اول مرة اغير بطارية العربية !

[koko616]

انا معايا لانسر بوما 2007 .. 1300 سي سي ... كنت شاريها مستعمها من سنة و نص كده

المهم اليومين دول البطارية نامت حوالي 4 او 5 مرات و احتاجت وصلة و لما كشفت عليها قالي لازم تتغير ... هي بطارية سايلة

بس قالي لما تيجي تغير هات بطارية جافة


ايه رأيكم بقى ؟ افضل نوع بطارية اجيبها هي ايه و بكام ؟؟؟ حتى لو غالية عادي انا عايز افضل حاجة و اللي تعيش

[MohammedAladel]

هات فارتا أو ac delco بطارية جافة

[koko616]

طيب انا لما روحت سألت قالي فيه نوعين .. واحدة مصري ب 380 تقريبا و التانية سعودي ب 490

الانواع اللي حضرتك بتقولها دي صناعة ايه و هل متوفرة عادي و لا لازم اجي القاهرة ؟ و اسعارها كام ؟

[MohammedAladel]

مش هقدر أفيدك فى أماكن تواجدها بس النوعين دول منتشرين فى كل المحافظات تقريبا
ومعرفش أسعار برضه

فيه بطاريات نازلة جديد من بوش طبعا بوش يعنى الاعتمادية وسعرها مقارب لفارتا والاتنين ألمانى

ac delco مش عارف صنعها فين بالظبط بس تقريبا والله أعلم كورى

وفيه أنواع تانية كويسة أكيد بس الأنواع اللى قلت لك عليها مفيش اتنين يختلفوا عليها انها مش كويسة إن شاء الله
وأهم حا جة تجيب بطارية بنفس شدة التيار الموصى بها لعربيتك يعنى لو نازل فى عربيتك بطارية 55 أمبير تشترى 55 أمبير لا زيادة ولا أٌقل

[koko616]

الفارتا سعرها كام ؟؟؟

[MohammedAladel]

مش عارف والله ... انتظر آراء الأعضاء الكرام

[abokoko]

ال ac delco هتكون فى حدود ال350 وياخد القديمه
وبيتقال عليها سعودى

الفارتا هتعدى ال550
ده اللى اعرفه والله اعلم

[koko616]

في انتظار تأكيدات

[koko616]

للرفع و التذكير

[ahmedhilmy]

الفارتا و ac delco كويسين اوي انا استخدمت الديلكو كذا مره ممتازه و لسه كنت مغيرها في عربيتي في شهر8 اللي فات قبل ما بعها كانت ب 340 و الفارتا كانت ساعتها ب 480

[Eng.Geo]

فارتا واسمع ان AC delco كويسة برضه
الفارتا مجربها في عربيتين ليا
وواحد صاحبي عندهم عربيتين والأتنين فيهم فارتا وكل واحدة داخلة في السنتين
وواحد صاحبي غيره داخلة في السنتين ونص وشغالة زي الفل

[koko616]

طيب شدة التيار الموصى بيها في اللانسر 2007 1300 سي سي كام ؟

[Sehsss]

ac delco