اعادة شحن البطارية ؟؟؟

[Mahmoud.Fathy]

بسمع دايما من الناس بيقولو ... لو البطارية نامت عشان تتشحن تاني كويس امشي بيها مشوار

السؤال بقى ....هل الكلام دا صحيح ؟؟؟ ولو صح ما هى مواصفات المشوار اللازم لشحن البطارية ؟؟؟؟
يعني مسافة كام كيلو ؟؟؟ ومتوسط سرعة أد ايه ؟؟؟

[ahrambc]

يتوقف الأمر على مدى حداثة السياره

فالسيارات الحديثه عموما ( أقصد بها موديلات ما بعد الثمانينات ) و التى بها دينامو الكترونى و كذلك الكتاوت الكترونى , يمكنك شحنها حتى و هى تقف فى مكانها و المحرك يدور بسرعه معقوله و عموما فأن مسافة 10 كم أو السير لمدة 25 - 30 دقيقه كافيين تماما للشحن الكامل .

هذا طبعا لو كانت الأنظمة الكهربائيه تعمل بكفاءه و أن شحن البطارية قد فقد بسبب عدم تشغيل السياره لفترة طويله , و ليس لعيب فى شحن الدينامو أو تهريب الشحنه بسبب وجود ماس كهربائى أو خلافه .



.

[aw2100]

بالنسبة للبطاريات الجافة لو نامت تحتاج شحن بطئ لمدة ساعة او ساعتين على الأقل من دينامو العربية او تونجر عند الكهربائى بس لو فى العربية ممكن متتشحنش للfull علشان فى المشى الشحن بيزيد ويقل حسب سرعة العربية فمن الأفضل انك تشحنها على تونجر شحن بطئ لكن بالنسبة للبطاريات السايلة العادية ممكن 1/2 ساعة فى العربية تشغلها تانى واقراء الموضوع ده حيفيدك !!!

http://www.nilemotors.net/Nile/314896-a.html

[Karim_Mohy]

حصلت معايا وخدتها مشوار جامد ودارت لما بتبطل بس لما بتركنها يوم ولا حاجه بتريح تاني وغالبا جابت بطاريه وناس كتير بتقول الجافة مابتتشحنش ......او بمعني اصح هاتريح تاني ...ومش عارف الكلام ده صح ولا ايه

[abokoko]

هى بتتشحن فى حالة ترك العربيه اسبوع من غير دوارة
او نسيت انوار العربيه شغاله لحد ما البطاريه فضيت
وفى الحاله دى بتبقي البطاريه نامت مؤقتا واعاده شحنها بوصله بطاريه والمشي بها مسافة
20/30 كليو ترجع زى الاول
لكن لو بتفضى منها لنفسها فده مؤشر انها بدات تبوظ وحتاجه تتغير

[swimmer25]

إنت جيت لتجربتي الشخصية من اسبوعين بالظبط
عندي ac delco جافة
اللبمة بقت أسود والعربية مش بتنطق أي حاجة
جربت أعملها وصلة من عربية تانية مفيش الهوا...كلكس يشتغل مع الوصلة بس مش قادرة تدور
فكيتها ودتها لكهربائي مش عارف شحنها بطئ ولا سريع بس سيبتها عنده لمدة كبيرة..بتاع 7 ساعات
قلت خلاص ركبتها بردو مفيش أي حاجة مع الكونتاكت خالص
بدأت أزق العربية وأرمي دارت بعد 4 رميات ولفيت بيها شوية بتاع 2 كيلو لأن الوقت كان ليل أوي وركنتها وقمت الصبح دارت الحمد لله

سؤالك بقي...قعدت قد ايه البطارية تتشحن في العربية لحد ما لمبتها بقت خضراء
أكثر من 350 كم لمدة 3 ايام بلف بالعربية متواصل الصبح بس بدون انوار وبدون تشغيل كاسيت ولا تكييف وعلي سرعات عالية علي الدائري (100 كم/ٍس)
متواصل يعني 100 كم في اليوم بمعدل إطفاء وتدوير مثلا 4 مرات في اليوم بالكتير أوي

بعد ال 3 أيام رجعت اللمبة خضراء تماما والبطارية بقت تمام وركنتها تاني وهي ونصيبها

ملحوظة:
- البطارية من 2010 تقريبا ولكن إستخدامها قليل لأن العربية مرفوعة والبطارية 70 أمبير
- ناحية من قواشيط البطارية كان راكب كويس بس القشاط كان بيتحرك بسيط جدا وأعتقد ده اللي خلي البطارية تفضي لأنها مكنتش بتشحن بس عملتله تخشينة بسلك تخين اللي لقيته قدامي قبل ما اعمل ال 350 كم

[EngAhmedSayed]

على فكره الموتور اول مايدور البطاريه بتتشحن على طول من الدينمو مش شرط العربيه تيبقى ماشيه
او الموتور على السلانسيه
لانى امبير شحن الدينمو واحد و له بيرتفع و له بينخفض لانه فى سيلكونات بتثبت الجهد الكهربى فا متفرقش عدد لفات الدينمو ارتفاعة او على السلانسيه

[D . a .\ AYMAN]

على فكره الموتور اول مايدور البطاريه بتتشحن على طول من الدينمو مش شرط العربيه تيبقى ماشيه
او الموتور على السلانسيه
لانى امبير شحن الدينمو واحد و له بيرتفع و له بينخفض لانه فى سيلكونات بتثبت الجهد الكهربى فا متفرقش عدد لفات الدينمو ارتفاعة او على السلانسيه

+1

سرعة العربية أو سرعة الموتور غير مؤثرة في عملية الشحن من الدينامو ... في جميع الأحوال قوة الشحن ثابتة

المفروض عدد الساعات اللى البطارية بتحتاجها عشان تتشحن لو كانت فاضية تماما حولي 12 ساعة بس بتختلف من عربية لعربية ومن بطارية لبطارية حسب حجم الأمبير الداخل وحجم البطارية

الكهربائي بيحطها على الشحن خمس ساعات عشان يادوب تقدر تقوم العربية وبعد كدة تكمل شحنها والعربية ماشية

[aw2100]

على فكره الموتور اول مايدور البطاريه بتتشحن على طول من الدينمو مش شرط العربيه تيبقى ماشيه
او الموتور على السلانسيه
لانى امبير شحن الدينمو واحد و له بيرتفع و له بينخفض لانه فى سيلكونات بتثبت الجهد الكهربى فا متفرقش عدد لفات الدينمو ارتفاعة او على السلانسيه

انا باختلف معاك طبعا الفولت والأمبير بيتغيروا هما بيقلوا بس مابيزيدوش عن 14 فولت والأمبير اللى مصمم علية الدينامو اللى بيتراوح من 35 امبير الى 80 امبير حسب نوع العربية وده بالنسبة للعربيات الملاكى لكن الفولت بيقل فى السلانسية او فى السرعات البطيئه ولو البطارية فاضية طبعا بتحمل جامد على الدينامو فبتقلل الفولت برضة وده مش كلام انا بنقل لحضرتك خبرة عمليه وممكن ببساطه تقيس الفولت والامبير علشان تتاكد من كلامى ؟؟؟

[Karim_Mohy]

على فكره الموتور اول مايدور البطاريه بتتشحن على طول من الدينمو مش شرط العربيه تيبقى ماشيه
او الموتور على السلانسيه
لانى امبير شحن الدينمو واحد و له بيرتفع و له بينخفض لانه فى سيلكونات بتثبت الجهد الكهربى فا متفرقش عدد لفات الدينمو ارتفاعة او على السلانسيه

+1

سرعة العربية أو سرعة الموتور غير مؤثرة في عملية الشحن من الدينامو ... في جميع الأحوال قوة الشحن ثابتة

المفروض عدد الساعات اللى البطارية بتحتاجها عشان تتشحن لو كانت فاضية تماما حولي 12 ساعة بس بتختلف من عربية لعربية ومن بطارية لبطارية حسب حجم الأمبير الداخل وحجم البطارية

الكهربائي بيحطها على الشحن خمس ساعات عشان يادوب تقدر تقوم العربية وبعد كدة تكمل شحنها والعربية ماشية

انا باختلف معاك طبعا الفولت والأمبير بيتغيروا هما بيقلوا بس مابيزيدوش عن 14 فولت والأمبير اللى مصمم علية الدينامو اللى بيتراوح من 35 امبير الى 80 امبير حسب نوع العربية وده بالنسبة للعربيات الملاكى لكن الفولت بيقل فى السلانسية او فى السرعات البطيئه ولو البطارية فاضية طبعا بتحمل جامد على الدينامو فبتقلل الفولت برضة وده مش كلام انا بنقل لحضرتك خبرة عمليه وممكن ببساطه تقيس الفولت والامبير علشان تتاكد من كلامى ؟؟؟

كان فيه مواضيع قبل كده انها لازم تاخد مشوار مش ع السلانسيه
واللي حصل معايا انها نامت قامت بتوصيله ولما رعت اعدت يوم او اتنين لمده كبيره ع السلانسيه بس بتنام تاني اما المشوار هايخليها تشحن احسن بس لو البطاريه باايظه مش هاينفع الكلام ده
بس كده انهي الصح المشوار ولا وهيا واقفه....ياريت توضيح

[dr.hazem]

الصلانسيه بيشحن ولكنه ضعيف جدا....
أفضل شئ هو الشحن بالمشي لمسافه من 15ل25كيلو على ار بي ام متوسط...
الار بي ام القليل وحش والعالي وحش...

كنت مسافر وسايب العربية لاخويا بيشغلها يوم ويوم صلانسيه بس و البطارية نامت بعد شهر!!
خد وصله ولف بيها وجه خدني من المطار اخضرت ولحد دلوقتي شغاله والكلام ده من سنه....


تحياتي.

Sent from my SE Arc S using Forum Runner