البطارية ما بتكملش ال٤ ساعات

[SYD]

بسم الله الرحمن الرحيم

السلام عليكم ورحمة الله وبركاته

عندي بطارية العربية وصلت لحالة يرثي لها
البطارية لو بطلت العربية اكتر من ٤ ساعات - متدورش غير زق
مش عارف الحل ايه؟
هل اجرب اغير مايتها وأحطها علي الشحن
ولا كدة هي انتهت ولازم اجيب واحدة؟
طب الجديدة في حدود كام؟ ٥٥ إمبير سائلة

ولكم مني جزيل الشكر ووافر التحية

والله المستعان
،
،

[amz2011]

كده البطارية باظيت

[ehab_mansour]

لابد من تغييرها يا هندسه .... لا مفر
الوظيفة الأساسية للبطارية هي مخرن للطاقة لاستخدامها عند الحاجه ... لو المخزن ده لم يعد قادرا علي الاحتفاظ بالطاقة يبقي بالسلامة

[elbaz45]

طب ليه عاوز سائلة
متجيب واحدة جافة
وعلى العموم ان هسأل معرض جنبى وهرد عليك ان شاء الله

[aldesha989]

ال55 امبير تقريبآ 230 بالقديمه بس هاتها جافه احسن واريح من موضوع المايه ده انا مستنى اللى معايا تنتهى علشان هجيب جافه بأمر الله

[egman]

يا باشا ربنا يعوض عليك خير ان شاء الله ، ونصيحة هاتها جافه انا كنت جايبها من اقل من سنة نوعها :

اى سي ديلكو سعودى كانت عاملة 450 او 500 مش فاكر بالضبط .

تحياتى لحضرتك ،،

[mahmoud ghanem]

ربنا يعوض عليك
وخليك فى الجافة افضل

[SYD]

والله يا جماعة انا شاكر ليكم جداً علي الردود
بس انا الجافة دي غير مقتنع بيها تماما كعمر افتراضي
انا جربت اكتر من واحدة وكلهم بينتهوا بعد سنتين بالتمام والكمال
لكن المياة لو مراعيها في الشحن والمياة بتاعتها ممكن تعيش اكتر من 3 سنين
الميزة في الجافة - انك ممكن تركن العربية اسبوع وبعدها تدورها تدور بدون ادني مشكلة كأنك مبطلها من نص ساعة
علي عكس السائلة اللي بتحتاج منك مراعاة دائمة وفترات تشغيل متقاربة

هسأل عليها النهاردة والله المستعان

تحياتي

[ابو لؤى]

باشا والله كانت بتعمل معايا كده واقل من 4 ساعات غير المياه واشحنها وجرب لان الراجل قالى المياه كانت تركيزها خفيف اوى وغيرها بمياه تانيه ومن ساعتها الحمد لله بسيبها يومين ووبتدور عادى

[SYD]

باشا والله كانت بتعمل معايا كده واقل من 4 ساعات غير المياه واشحنها وجرب لان الراجل قالى المياه كانت تركيزها خفيف اوى وغيرها بمياه تانيه ومن ساعتها الحمد لله بسيبها يومين ووبتدور عادى

انا شاكك في كدة بردو
لانها ماعملتش معايا كدة غير لما كنت سايب الأنوار لمدة نص ساعة والعربية مبطلة
متشكر اوي با باشا علي اهتمامك

تحياتي للجميع

[mahmoudayman]

السلام عليكم و رحمة الله و بركاته
باشا انا معايا البطاريه الجافه اشتريت العربيه بيها و من يوم ما اشتريت العربيه و الحمد لله بقالها معايا سنه البطاريه مشوفتش منها اي حاجه و عمرها ما اشتكت مع اني مبهدلها بسيب الموبيل يشحن في العربيه و اقفلها و انزل البطاريه نوعها ac delco و انا مشفتش نوع بطاريه احسن منه نصيحتي ليك اتاكد من سلامه الدينامو و غير اشتري واحده جافه بتتكلف حوالي ٥٠٠ جنيه
تقبل مروري

[SYD]

والله انا هجرب الاول موضوع الشحن وتغيير المياة
وربنا المستعان.

[abaza2107]

صباح الفل يا ريس
روح عند كهربائى كويس وخليه يغير المياه واهم حاجه قبل ما يحط مياه يتأكد الأول من سلامه الألواح بتاعه البطاريه عشان لو فيها ربع بايظ او حاجه هيا ممكن تشتغل بس شويه برضه شهر شهريين ولا حاجه وهتموت تاني قخليه يبص كويس على الألواح ديه ونصحتي ليك لو لا قدر الله وطلعت ميته فهات زي باقي الاعضاء ما قالوا واحده جافه لانها معمره و0 صيانه هوا مجرد تتطمن على شحنها كل 3 شهور ولا حاجه وخلاص وفعلا الـ اه سي دلكوا فعلا بطاريه محترمه ومعمره وربنا يوفقك للي فيه الخير والصواب

[SYD]

صباح الفل يا ريس
روح عند كهربائى كويس وخليه يغير المياه واهم حاجه قبل ما يحط مياه يتأكد الأول من سلامه الألواح بتاعه البطاريه عشان لو فيها ربع بايظ او حاجه هيا ممكن تشتغل بس شويه برضه شهر شهريين ولا حاجه وهتموت تاني قخليه يبص كويس على الألواح ديه ونصحتي ليك لو لا قدر الله وطلعت ميته فهات زي باقي الاعضاء ما قالوا واحده جافه لانها معمره و0 صيانه هوا مجرد تتطمن على شحنها كل 3 شهور ولا حاجه وخلاص وفعلا الـ اه سي دلكوا فعلا بطاريه محترمه ومعمره وربنا يوفقك للي فيه الخير والصواب

الله يخليك يابوحميد
هجرب كدة ان شاء الله

[hossamalsadik]

1- أكشف على شحن الدينمو
2-أختبار أن مافيش ماس الأختبار ده عرفه الكهربائى ( لمبه بسلكين سلك يوصل بالأرضى والتانى لسالب البطاريه ) مع غلق جميع انوار العربيه لو نورت يبقى فى حاجه بتسحب من البطاريه
2- غير المايه وأختبر ألواح البطاريه ( الأرباع ) من خلال توصيل الموجب بالسالب لو فى ربع فار يبقى باظ ماكنش غير مياه بطاريه 30 ميه وأشحنها وجرب
أنا زمان كان بطاريتى 70امبير كان فيها ربع واحد وعاشت بعديه سنتين وعاشت 4 سنين من يوم ما أشتاريتها ونا الى غيرتلها المايه ومن غير محطها على تنجر وحطتها بالعربيه شحنها الدينمو كانت على ما ذكر كولورايد
3- فشلت المحاوله اشترى جديد وفعلا بيتشكر فى سى ديلكو ac delco السعودى

تحياتى