افيدوني في شراء بطارية للفيرنا .. وكام امبير.. العربيه مبتتحركش

[msds_eg]

السلام عليكم
انا معايا فيرنا 2012 جبتها اواخر 2011 . المهم كده البطاريه معايا بالظبط سنه و10 شهور النهارده وبدون سابق انذار بدور العربيه مشتغلتش ومفيش نور تماما قاطعه مع اني كنت مبطلها من قبلها بساعه المهم الناس زقتني ودورتها بالزق وروجت عند بتاع بطاريات قالي دي ميته قلتله طب وصلي توصيله لجد م اروح وبكره اجي اشتري جي يوصل راحت فرقعت منه وضربت واتكسرت . السؤال هنا
هل هو كده وصل الموجب بالسالب راحت ضربت ولا ايه مع العلم اني مكنتش واقف جنبه عشان اشوفها ؟
المهم وقفت اشوف حصل له حاجه واتطمنت انه سليم ومفيهوش حاجه
قالي البطاريه مخزنه كهربا وفي ربع بايظ عشان كده ضربت . هل كلامه مظبوط وسليم؟؟

المهم ان شاء الله بكره نازل اشتري ياريت تفيدوني في الشراء الفيرنا مناسب ليها كام امبير واشتري نوع ايه ومنين وفي حدود كام تقريبا ؟؟وسايله ولا جافه؟ مع العلم اني ميال لل ac delco

__________________

[Deshahcoka]

غريب موضوع الضربة ده :(

هوا اسي ديلكوا نضيفة هات ال 55 امبير كافية للعربية لو القاعدة تكفي ال 70 اكتر من اوفر :)

[msds_eg]

غريب موضوع الضربة ده :(

هوا اسي ديلكوا نضيفة هات ال 55 امبير كافية للعربية لو القاعدة تكفي ال 70 اكتر من اوفر :)

واله ياباشا انا اللي مستغرب من الضربه دي

انا مش فاهم قصدك يعني ايه لو القاعدة تكفي ال 70 اكتر من اوفر

[Deshahcoka]

لا القعدة قصدي حجم المكان عشان ال 70 امبير بتبقى اكبر حجما عشان ككدة ممكن متكفيش في العربية فاهمني :)

لكن سعة البطارية 55 70 ديه سعة مش فارقة يعني تفرق انوا مدة البطارية قبل ما تفصل بتزيد من غير ما تشحنها كدة يعني :]

[msds_eg]

لا القعدة قصدي حجم المكان عشان ال 70 امبير بتبقى اكبر حجما عشان ككدة ممكن متكفيش في العربية فاهمني :)

لكن سعة البطارية 55 70 ديه سعة مش فارقة يعني تفرق انوا مدة البطارية قبل ما تفصل بتزيد من غير ما تشحنها كدة يعني :]

هي اللي كانت راكبه فيها كلورايد سايله 70

[msds_eg]

لا القعدة قصدي حجم المكان عشان ال 70 امبير بتبقى اكبر حجما عشان ككدة ممكن متكفيش في العربية فاهمني :)

لكن سعة البطارية 55 70 ديه سعة مش فارقة يعني تفرق انوا مدة البطارية قبل ما تفصل بتزيد من غير ما تشحنها كدة يعني :]

يعني حضرتك تقصد انها في الكفاءه مبتفرقش ال 55 عن 70
وقصدك ان ده مده زمنيه لتفريغها بدون دواره العربيه؟؟

[Deshahcoka]

يعني حضرتك تقصد انها في الكفاءه مبتفرقش ال 55 عن 70
وقصدك ان ده مده زمنيه لتفريغها بدون دواره العربيه؟؟

عليك نور هوا مش بتفرق في القوة بس بتفق في مدة التفريغ يعني و انتا مشغل الراديوا النور و كدة و انتا مش مدور العربية :)

هيا ال 70 اريح للعربية يعني و فرق السعر مش كبير بينها و بين ال 55

هات الجافة طبعا سيبك من السايلة ديه

تامر و كل سنة و انتا طيب يا باشا

[Amr.Fathy]

ممكن عشان البطارية بايظة السالب (الارضى) كان بايظ و هو اللى خلاها ضربت

[Eng.Mina]

انا مركب في الفيرنا عندي ac delco اكتر من ممتازة وكنت جايبها 70 امبير بقالها معايا حوالي سنة وزي الفل الحمد لله

[aymanshebl]

غريبة اوى موضوع البطارية ده منين الربع بايظ و منين البطارية مخزنة شحنة و مهو شى طبيعى ان البطارية تخزن كهربا دى وظيفتها ههههه هو اكيد غلط و عمل حاجة من اتنين يا اما ادها شحنة اعلى بكتير من مقدار الشحن اللى ممكن تتحمله او عكس اقطاب البطارية مع الشاحن علشان كده فرقعت و قالك الكلام اللى قاله ده علشان ميبقاش غلطان و يبقى هو المسئول

[م.محمد علاء]

كلامه صح على فكره...
البطاريه لو مخزنه شحنه كبيره معرضه للفرقعه ساعة متسحب منها أمبير..
انا حصلي موقف شخصي بطاريه كان راكبلها شاحن في مولد..أول مجيت ادور،البطاريه إنفجرت بالمعني الحرفي..و المولد كان في سفاره و الأمن إتلم في ثواني لأن الصوت كان يوحي بقنبله :)

[aymanshebl]

مش عارف الصراحة بس ازاى البطارية مخزنة شحنة و مش قادرة تقوم العربية و بعدين هى فرقعت ساعت لما ابتدا يشحنها و نفس الموضوع حصل معاك ممكن تكون البطارية باظت و بتفرقع لما تتشحن و الله اعلم طبعا

[م.محمد علاء]

الشحنه المخزنه مقصود بيها إن البطاريه فولتها عالي..
يعني البطاريه لو قيستها بالأفو هتلاقي الفولت بتاعها 12 فولت و شويه..
يعني زي مالكتاب بيقول..
بس اللي بيحصل لإن الأمبير اللي المفروض البطاريه عندها القدره إنه يتسحب منها و هو مثلا 70 أو 55 أو 120 حتى..ده اللي معندهاش قدره تخرجه..
ساعة الشحن بقى..أو الدواره المفاجئه..
البطاريه المفترض إنها بتاخد في جهد كهربي على طول لأنها فاضيه و مش فاضيه(زي موضحنا فوق)
بيصاحب الكلام ده تكون فقاعات غاز هيدروجين بس بتكون مكتومه جوه..
تيجي تدور ..تسحب في أمبير..تسحب في أمبير..وهي مفيهاش.تسخن يولع الغاز تفرقع..
ده لو بطاريه راكبلها شاحن.
الحاله التانيه اللي حصلت..أول مبتدي الوصله..معرض إن يحصل شرز كهربي يعمل سخونه في أحد الأقطاب و يحصل بردو إشتعال للغاز..
بس ..دي كل الحكايه

[msobhy]

فى اعتقادى الشحصى
البطاريه ديه كانت سليمه
البطاريه ديه كانت مشحونه جدااااااااااااااااااااااااااا
البطاريه ديه الصوباع بتاعها سواء السالب أو الموجب كان مكسور أو مقطوم داخليا
وده اللى كان بيخليها تفصل نهائيا
ولما الكهربائى ضغط على الصوابع بتاعت البطاريه لمست تانى - ولما شحنها اكتر من طاقتها - حصل اللى حصل
حصلت معايا فى بطاريه صغيره - الغريبه هو صوت الانفجار العجيب اللى حصل - لكنه حصل بعد 10 دقائق من الشحن
هذا والله اعلم

[lidosasa]

بطارية ac delco كويسة جداً وخليك فى الجافة أحسن وانضف هى غالية شوية صحيح بس حتريح بالك ومش حتفكر فيها غير لما تيجى تغيرها