الفرق بين البطارية 70 امبير و 55 امبير

[Abo-Yousef]

السلام عليكم ورحمة الله وبركاته

كنت عاوز استفسر عن حاجة ... أولاً انا عربيتى فيات 128 وراكب فيها بطارية جافة 55 امبير بس للأسف الله يرحمها .. توفت من كام يوم ... وكنت عاوز اشترى بطارية جديدة ... بس كنت عاوز اعرف هل اجيب واحدة برضه 55 امبير ولا اجيب 70 امبير ... فى ناس بتقولى ال 70 بتعييش عمر اطول ... استفسارى هل ال 70 لو ركبت تأثر على حاجة فى العربية فى الكهرباء .. يعنى متديش كهرباء اعلى تحرق حاجة فى العربية ولا تمام ... وكنت عاوز اعرف احسن نوع بطاريات اقدر اجيبه ... وشكراً

[ashraf_sms]

اولا الله يرحمها المرحومة انا لسة برضه عندي متوفية وجبت واحدة 70 امبير
الفكرة في ال 70 امبير هي انها بتقدر تشغل حجات كتير ومتفضاش بسرعة لاكن الفولت هو اللي بيفرق يعني لو جبت بطارية 24 فولت هتحرق طبعا لاكن احنا طبعا بنجيب 12 فولت ف الفولت دلوقتي ثابت 12 ماشي يعني مفيش حاجة هتبوظ هنقول مثلا المارش بيحتاج 50 امبير عشان يقوم لو مثلا البطارية 55 امبير وفضلت تدور مارش مثلا ومبتدورش ممكن البطارية تنام بسرعة لاكن لو 70 بتقعد وقت اطول ومثلا وانت ماشي ومشغل الكاسيت والنور ومدلع الدنيا مبتفضيش البطارية بسرعة اوك بس ف الاخر الاتنين بيشتغلوا كويس بس هات 70 افضل

[rotanamasoud]

زى ما قال ashraf_sms
الفرق فى الوقت اكبر للتفريغ ولاكن بيقابله وقت اكتر فى الشحن وراحه للبطاريه من الاحمال اللى اكبر منها تدى عمر اطول
والافضليه للبطاريه الاكبر

[aw2100]

السلام عليكم ورحمة الله وبركاته

كنت عاوز استفسر عن حاجة ... أولاً انا عربيتى فيات 128 وراكب فيها بطارية جافة 55 امبير بس للأسف الله يرحمها .. توفت من كام يوم ... وكنت عاوز اشترى بطارية جديدة ... بس كنت عاوز اعرف هل اجيب واحدة برضه 55 امبير ولا اجيب 70 امبير ... فى ناس بتقولى ال 70 بتعييش عمر اطول ... استفسارى هل ال 70 لو ركبت تأثر على حاجة فى العربية فى الكهرباء .. يعنى متديش كهرباء اعلى تحرق حاجة فى العربية ولا تمام ... وكنت عاوز اعرف احسن نوع بطاريات اقدر اجيبه ... وشكراً

طبعا ال70 امبير افضل ولو فيه مكان تركب 80 او 90 امبير بتبقى افضل من ال 70 امبير بالنسبة للانواع الجافة طبعا فية البوش الألمانى بس غالية قوى والهانكوك الكورى ده ممتازة وفضلت فى ال 128 3 سنين وبعتها بيها ومبروك على البطارية الجديده !

http://www.nilemotors.net/Nile/354517-bosch.html

ودى صورة الهانكوك

https://encrypted-tbn2.gstatic.com/images?q=tbn:ANd9GcT1XUuma_c9R7UJZdiNOpjIQlORMYYGN0T8TXNRWxWsUaunMFcWrA

[Abo-Yousef]

تسلمولى يا رجالة بس غالية اوى بطارية بوش دى وبعدين بوش خد بالجزمة على دماغة هجيب بطاريته
انا سألت فى السوق لقيت الانواع دى :
كلوريدا ال 55 امبير 350 جنيه ال 70 امبير 380
AC DELCO ايسيدلكو ( صناعة سعودى ) ال 55 امبير عاملة 370 جنيه وال 70 امبير عاملة 420
نوع تركى ال 55 ب 380 جنيه وال 70 ب 420 جنيه
نوع ايطالى ال 55 ب 420 جنيه وال 70 ب 460 جنيه
نوع المانى ال 55 ب 450 جنيه وال 70 ب 500 جنيه

الاسعار دى كلها من محل واحد فى حلوان عندنا ماعدا ال ايسيدلكو دى من محل تانى فى الدقى وناس كتير شكرتلى فيها وبالنسبة للنوع الايطالى برضو الراجل قالى انها نفس كفاءة السعودى وكمان ليها ميزة غير الضمان انها لو حصل فيها حاجة ليها مرتجع بياخدها ويدينى واحدة جديدة من غير مادفع حاجة ( والله اعلم الكلام غير الفعل ولا ايييه مش عارف ) .
عاماً شوفو الموضوع ده كده عشان من ساعت ما شوفته وانا متردد وقلقان ومش عارف اجيب اييه

[url=http://www.qatarspeed.com/forum/t143308.html]

[Abo-Yousef]

" أفضل انواع بطاريات السيارات "

عاوز نوع بطاريه جافه كويس


المواضيع دى شتتنى مش عارف اجيب نوع ايه ... انا كنت رسيت عالايسيديلكو وبعدين ناس قالت مكملتش سنة ونص وناس قالت قعدت سنتين ونص وناس قالت حلوة وناس قالت وحشة مش عارف رأى مين اللى يمشى

[ashraf_sms]

" أفضل انواع بطاريات السيارات "

عاوز نوع بطاريه جافه كويس


المواضيع دى شتتنى مش عارف اجيب نوع ايه ... انا كنت رسيت عالايسيديلكو وبعدين ناس قالت مكملتش سنة ونص وناس قالت قعدت سنتين ونص وناس قالت حلوة وناس قالت وحشة مش عارف رأى مين اللى يمشى

انا بصراحة جبتها ايام الشاهين ومكملتش فعلا السنة ونص وجبت واحدة تانية بس اتسرقت وجبت واحدة جديدة والعربية اتباعت يعني مجربتهاش غير مرة واحدة بس بس علي ما اعتقد ان الكلورايد احسن منها انا جبت كلورايد بس سايلة 70 امبير حمايا جبهالي بس بصراحة مش عارف جابها بكام

[dr.hazem]

حجم البطاريه لو زاد عن 15% من حجمها الاصلي بيشكل عبء كبير عالدينمو....
البطاريه الاكبر بتاخد وقت اطول في التفريغ لما تكون العربيه مطفيه انما وهيا دايرة مش هيفرق اي شيء لان اللي مشغل العربيه والاجهزة الكهربائيه فيها هو الدينامو وليس البطارية.....
ال55ممتازه والاسي ديلكو كويسه والهانكوك الكوري ممتازة...
تحياتي

Sent from my Xperia Arc S using Forum Runner

[Abo-Yousef]

شكراً لكل حد رد عليا ... بس برضو محدش ادانى جواب نهائى خالص
مش عارف برضه اجيب 55 امبير ولا 70 امبير واجيب نوع ايه بالظبط
لحد دلوقتى فى اراء قالت عالكورى ( هانكوك ) وفى اراء على ( ايسيديلكو )
محتار اختار مين فييييهم ... مش عااااااااااااااااااارف

[aw2100]

شكراً لكل حد رد عليا ... بس برضو محدش ادانى جواب نهائى خالص
مش عارف برضه اجيب 55 امبير ولا 70 امبير واجيب نوع ايه بالظبط
لحد دلوقتى فى اراء قالت عالكورى ( هانكوك ) وفى اراء على ( ايسيديلكو )
محتار اختار مين فييييهم ..:l_bhuhhh[1]:. مش عااااااااااااااااااارف :b4_592:

مش حتندم توكل على الله وهات بطارية 70 امبير هانكوك الكورى بدون تفكير انا فضلت 3 سنين فى ال128 وبعت العربية بيها وعموما اللى بيبوظ البطاريات الجافة الشحن الزايد اوعدم انتظام الشحن للدينامو
ومبروك على البطارية الجديدة !

[elmkaneeki]

تحميل عالدينمو وخلاص...

[Abo-Yousef]

تحميل عالدينمو وخلاص...

؟؟؟؟ ازاى ياباشا يعنى ... انت تقصد ال 70 امبير تحميل عالدينامو ؟؟

[Abo-Yousef]

مش حتندم توكل على الله وهات بطارية 70 امبير هانكوك الكورى بدون تفكير انا فضلت 3 سنين فى ال128 وبعت العربية بيها وعموما اللى بيبوظ البطاريات الجافة الشحن الزايد اوعدم انتظام الشحن للدينامو
ومبروك على البطارية الجديدة !

لو بتقعد 3 سنين و اكتر يبقى خييييييييير اوى وهيه دى بس لو اقل يبقى بلاش منها وربنا يستر ... انا سألت الكهربائى امبارح قالى هات ايسيدلكو 70 حلوة هيه غاليه بس هتعيش معاك قولتله هتعيش قد ايه تقريباً قالى سنة ونص مثلا قولتله مفيش حاجة تقعد 3 او 4 سنين قالى مش عارف ... بس اللى يخلينى ادفع 420 جنيه فى بطارية تقعد سنة ونص طب ما ادفع 170 جنيه واجيب نسر المانى سايلة وهتقعد برضو نفس المدة ؟؟؟ انا خلاص دماغى اتاكلت
اخر ما زهقت سألت امبارح برضو وانا مروح سواق ميكروباص ترامكو قولت دول بيستهلكو بطاريات على طوول تخيل قالى اييه قالى هات النسر وانت مغمض ( على فكرة والدى كان جايبها شهر 9 اللى فات وسابلى العربية وسافر ... ركنتها 3 اسابيع جابت ربع ولسه فى الضمان وعشان اخد واحده مكانهاادفع 170 جنيه واخد واحدة تانية يعنى ملوش اى لازمة الضمااان ) لحد دلوقتى متردد ومش عارف هل الهانكوك ولا الايطالى ولا التركى ولا الايسيدلكو ولا الكلوريدا ولا السايلة ؟؟؟ ومفروض اجيبها الناهردة عشان زهقت

[aw2100]

البطارية الجافة لاتتحمل الشحن المستمر والغير منتظم يعنى بالنسبة للتاكسى والميكروباص ماتنفعش لية؟
علشان البطارية دى بيبقى فيها كمية مية نار محدودة ومع الشحن طول النهار بتنشف فى 6 شهور وطبعا ماتقدرش تزودها مية مقطرة فبتبوظ لكن السايلة بتزودها براحتك وبالنسبة لعربيتك لو بتستعملها كتير اكتر من 4 ساعات يوميا او الدينامو عندك شحنة تعبان مانصحكش بالبطاريات الجافة نهائى وفعلا فى ال128 الزستافا الهانكوك قعدت معايا 3 سنين وبعت العربية بيها علشان انا استعمالى خفيف حوالى 1000 ك شهريا والدينامو عندى 10/10 وحاليا انا فى الفليشيا مركب بطارية سعودى علشان مالاقيتش الهانكوك وبقالها سنة ونص والحمد لله 10/10 وبراحتك؟

[Abo-Yousef]

البطارية الجافة لاتتحمل الشحن المستمر والغير منتظم يعنى بالنسبة للتاكسى والميكروباص ماتنفعش لية؟
علشان البطارية دى بيبقى فيها كمية مية نار محدودة ومع الشحن طول النهار بتنشف فى 6 شهور وطبعا ماتقدرش تزودها مية مقطرة فبتبوظ لكن السايلة بتزودها براحتك وبالنسبة لعربيتك لو بتستعملها كتير اكتر من 4 ساعات يوميا او الدينامو عندك شحنة تعبان مانصحكش بالبطاريات الجافة نهائى وفعلا فى ال128 الزستافا الهانكوك قعدت معايا 3 سنين وبعت العربية بيها علشان انا استعمالى خفيف حوالى 1000 ك شهريا والدينامو عندى 10/10 وحاليا انا فى الفليشيا مركب بطارية سعودى علشان مالاقيتش الهانكوك وبقالها سنة ونص والحمد لله 10/10 وبراحتك؟

بالعكس ياباشا انا حركتى بالعربية قليلة جداً ... انا بتحرك بيها مرة كل اسبوع وبمشى بيها مفيش اقصى حاجة 10 كيلو ومش بكمل 50 كيلو فى الشهر وده لانى مش بسافر بيها وكمان مش بروح بيها الشغل ولا بخرج بيها الا قليل وده لظروف البلد الامنية زى مانت شايف الاحوال الايام دى لدرجة انى بفول التنك بيقعد معايا الشهر كامل عشان كدة خايف اجيب بطارية سايلة عشان بتبوظ من الركنة وقلة الحركة وفكرت فى الجافة وبالنسبة للدينامو فى كهربائى بص عليه وقالى الدينامو عندك الكترونى قولته يعنى كويس قالى ااه تمااام ده بس برضه عاوز لما اركب البطارية الجديدة اقيس شحن الدينامو عشان اعرف بيخرج كهرباء زيادة ولا ناقصة لان البطارية مباظتش غير بعد ما خلصت من تصليح الماتور وركبت كل حاجة تانى ولقتها باظت فجاة ومبتقومش المارش خالص وحتى لمض العداد ضعيفة جداً