بطارية السيارة المرفوعة

[mohsen]

السلام عليكم

اشتريت بطارية جافة جديدة لسيارتى اللانوس موديل 1997واستخدمتها لمدة شهر عادى جدا ورفعت السيارة وسافرت وتركت المفتاح لصاحبى بحيث يدورها مرة او مرتين كل اسبوع للحفاظ على البطارية وطلمبة البنزين و.........

دارت معاه اول مرتين وفى التالتة مرضيتش عملها توصيلة من عربيته دارت طب المشكلة دلوقتى من ايه هل الخمس دقايق اللى العربية بتدور فيهم مرة او مرتين فى الاسبوع الدينامو مبيلحقش يشحن البطارية ولا بقى فى مشكلة فى الدينامو يعنى البطارية بتسرب الشحنة اللى فيها كلها خلال يومين تلاتة ومبتقدرش تدور السيارة ولا سيما انها مانيوال.... ياترى المشكلة فين ؟

ولكم جزيل الشكر

[eng.salama93]

الفتره بين كل تدوريه و التانيه كانت قد ايه ؟
ال 5 دقايق فعلا ميعملوش حاجة لازم العربية تقعدلها ربع ساعه ولا تلت ساعه ساند رجلك ع البنزين عشان تشحن

[swimmer25]

متلحقش فعلا والبطارية تفضي
ايه بقي اضرار عدم التشغيل ؟

[saddam]

صديقي المواطن
قولا واحدا أي شحن للعربية من قعدة فترات طويلة دون تحرك السيارة وتقلب المواد بداخلها ليس له أي معنى لازم تاخد لفتين حوالين البيت وأنا شايف إنك لا تدي مفتاح ولا هم يحزنون عندك حل أرخص تجيب تونجر ب 250 جنيه وتشغله كل يوم ربع ساعة فقط وممكن تعمل تايمر وتسيبه في شقتك وتسافر سنتين ولا إنك تسيب المفتاح لصاحبك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[a_mohamedsamir]

لو مسافر مده طويله
بيع البطاريه ولما تنزل اشترى واحده جديده
لو فترة سفرك مش طويله
خلى صاحبك يعمل مشوار كل يومين ثلاثة بالعربيه

[ayam7]

استاذنا الفاضل لو فصلت أطراف البطارية هتحتفظ بالشحنة وفى اى وقت هتيجى تدور العربية هتدور لكن دوارة 5 دقائق بتسحب أمبير البطارية وسرعة السلانسية اثناء 5 دقائق لاتكفى للشحن عشان كدة دوارة والتانية البطارية بتنام

[swimmer25]

استاذنا الفاضل لو فصلت أطراف البطارية هتحتفظ بالشحنة وفى اى وقت هتيجى تدور العربية هتدور لكن دوارة 5 دقائق بتسحب أمبير البطارية وسرعة السلانسية اثناء 5 دقائق لاتكفى للشحن عشان كدة دوارة والتانية البطارية بتنام

أنا عملت كدا فعلا في البطارية عندي ولسه تحت التجربة لما أنزل مصر هشوفها
الكلام ده بعد مرتين أخلي الوالد يدورهالي وأجي نازل ألاقيها فضيت وكان بيدورها اكتر من 5 دقايق ووصلت لنفس إستنتاج حضرتك