بطاريتى اتسرقت امبارح بليل :(

[new_man]

اهلا بيكم
انهارده رايح الشغل نزلت لقيت الكبوت مفتوح والبطاريه مش موجوده..انا عربيتى فيات 127
كان معمولها تقفيله بس بدون قفل والبطاريه جديده من شهرين

ايه طريقه تأمين البطاريه والكابوت عشان انا قرفت وتعبت بجد من العربيه دى وحالتى النفسيه زى الزفت لان مش وقتها خالص فلوس دلوقتى

لو حد جرب طرق تأمين للكبوت المنيل ده يفيدنا
ارجو الحل :(

[ahmedalaahosny]

كهرب الكبوت بقي وريح دماغك أنا عندي حل سخيف شوية لما تركن العربية فك البطارية وخدها معاك البيت وريح دماغك وممكن تركب جهاز انذار وتعلي حساسيته وتركبله زراير علي الكبوت والشنطه وسارينة عالية واول ماباب الكبوت يتفتح هتصحي الشارع كله

[Elawany13]

فقط فى مصر لحماية البطارية من السرقة

[Elawany13]

[img3]http://img843.imageshack.us/img843/6544/fgzl.jpg[/img3]

[new_man]

انا فعلا هعمل كده..هفك البطاريه وانا طالع وانا نازل..هعمل ايه بس..هتعب شويه بس هريح دماغى
دانا عايز اجيب كاسيت وسماعات وخايف ليتسرقوا هما كمان :(
ياربى
وبعدين فعدم الامان ده :(
لحد امتى هنفضل فى الهم والتعب ده

[ahmedalaahosny]

المشكلة ان الكبوت بيتفتح بسهوله ف الفيات القديم واللادا وعلي فكره بعد الفيلم ده البطارية هتجيبله 50 جنية شوف انت هتدفع كام تلفيات عشان 50 جنية علي راي احد الاعضاء هنا انت لو طلبتهم مني كنت اتديتهملك بدل المصاريف اللي هصرفها دي كلها

[new_man]

طب ايه الحل بس :(
انا هجيب واحده وهفضل افكها وانزل واطلع بيها..هعمل ايه بس

[ahmedalaahosny]

ياتركب انذار وتشتري دماغك ياتحاول تنقل البطارية من الكبوت وتوديها تحت الكنبه زي المرسيدس القديم كده

[akmm]

لاحول الله ..................... مشكله فعلا ...............

[new_man]

انا عملت تقفيصه انهارده حديد تخين ومقفله من كل حته يعنى البطاريه مينفعش تطلع من مكانها الا لو رحت لسمكرى وقطعها بصاروخ لانها ملحومه من كل مكان واتكلف الموضوع 30 جنيه
والراجل كمان قاللى ممكن يعمللى 2 كالون جداد يمين وشمال الكبوت زى فكره لاستاذ علوانى كانت سابقه
وهيعملى دراع ال 2 كالون دول فحته مستخبيه وقاللى هتتكلف 150 جنيه

[J A G U A R]

انا عملت تقفيصه انهارده حديد تخين ومقفله من كل حته يعنى البطاريه مينفعش تطلع من مكانها الا لو رحت لسمكرى وقطعها بصاروخ لانها ملحومه من كل مكان واتكلف الموضوع 30 جنيه
والراجل كمان قاللى ممكن يعمللى 2 كالون جداد يمين وشمال الكبوت زى فكره لاستاذ علوانى كانت سابقه
وهيعملى دراع ال 2 كالون دول فحته مستخبيه وقاللى هتتكلف 150 جنيه

حل تمام

[شاهين - بنز]

انا عملت تقفيصه انهارده حديد تخين ومقفله من كل حته يعنى البطاريه مينفعش تطلع من مكانها الا لو رحت لسمكرى وقطعها بصاروخ لانها ملحومه من كل مكان واتكلف الموضوع 30 جنيه
والراجل كمان قاللى ممكن يعمللى 2 كالون جداد يمين وشمال الكبوت زى فكره لاستاذ علوانى كانت سابقه
وهيعملى دراع ال 2 كالون دول فحته مستخبيه وقاللى هتتكلف 150 جنيه

تمام بس أهم حاجة تقفل التقفيصة بقفل نحاس محترم عشان يبقى صعب تتفيشه
عشان أنا البطارية إتسرقت مني ٥ مرات قبل كده وآخر مرتين كنت مجنزرها وطفشوا القفل وخدوها لأ وإيه خد كمان إسبراتير العربية إبن الحرام

[shady Mohamed]

اهلا بيكم
انهارده رايح الشغل نزلت لقيت الكبوت مفتوح والبطاريه مش موجوده..انا عربيتى فيات 127
كان معمولها تقفيله بس بدون قفل والبطاريه جديده من شهرين

ايه طريقه تأمين البطاريه والكابوت عشان انا قرفت وتعبت بجد من العربيه دى وحالتى النفسيه زى الزفت لان مش وقتها خالص فلوس دلوقتى

لو حد جرب طرق تأمين للكبوت المنيل ده يفيدنا
ارجو الحل :(

ربنا يعوض عليك ... انا حصل معايا الموضوع ده مرتين في الــ 127 . وكانت تحت البيت بس المرة اللى كنت انسى اغطي العربية كانت تتسرق البطارية بس الحمد لله مكنش بياخد باله من الاستبن ... فالحل بعد ما تعمل قفل للبطارية حاول تغطي العربية وانسى موضوع الانذار لاني كنت عمله بس بيعلق مع الكبوت

[new_man]

تمام بس أهم حاجة تقفل التقفيصة بقفل نحاس محترم عشان يبقى صعب تتفيشه
عشان أنا البطارية إتسرقت مني ٥ مرات قبل كده وآخر مرتين كنت مجنزرها وطفشوا القفل وخدوها لأ وإيه خد كمان إسبراتير العربية إبن الحرام

لا انا لحمت التقفيصه من جميع الجوانب ماعادا جمبين..جنب داخلى بمسمار بصامولتين عمره ماهيعرف يوصله ولو وصله مش هيعرف يفك الجنب التانى لانى مربطه بصامولتين وسيحت طرف المسمار على الصواميل اللى فيه..يعنى هو محتاج لمبة نار عشان يسيح الحديد وياخد البطاريه ومينفعش معاها اى حل وانا نفسى لو حبيت اغير البطاريه لازم اروح لسمكرى يسيح المسمار ده عشان البطاريه تطلع ..لانى عارف موضوع التقفيصه اللى باالقفل ده ملوش اى لزمه

[new_man]

هى دى الفكره اللى هنفذها بتاعت استاذ ashraf_sms