البطاريه السايله نشفت أعمل ايه؟؟

[madelonline]

بطارية عربيتي نسر سايله 55
النهارده بكشف عليها بالصدفه لقيت الاربع كلها ع الأرض (فاضيه تماما) والالواح باينه وبرغم كده مكنتش حاسس بمشكله ف البطاريه

أعمل ايه؟

[amrelsaqqa]

كدة غالبا عندك مشكلة في الشحن ( بمعنى ان الدينامو بيشحن باستمرار ومش بيفصل ابدا )
ربنا ستر انك لحقتها لانها كان ممكن تنفجر
الحل تزود مية مقطرة وبعدين تروح للكهربائي تظبط قصة الشحن دى وبعدين تروح لبتاع البطاريات يظبطها ويقيسها بالهيدروميتر و يشحنها

[madelonline]

كدة غالبا عندك مشكلة في الشحن ( بمعنى ان الدينامو بيشحن باستمرار ومش بيفصل ابدا )
ربنا ستر انك لحقتها لانها كان ممكن تنفجر
الحل تزود مية مقطرة وبعدين تروح للكهربائي تظبط قصة الشحن دى وبعدين تروح لبتاع البطاريات يظبطها ويقيسها بالهيدروميتر و يشحنها

فيه واحد قاللي زودها بميه 30 % الموضوع دا صح؟؟؟

[carrier]

اول حاجة زود ميا حامية

تانى حاجة حطها ساعتين عالشحن السريع

تالت حاجة العيب من الكتاوت اضبط الكتاوت او غيرها بحيت عالسلانيه تقرأ بالعداد الديجيتال 13 او اعلى قليلا

وعالتزويد مع النور العالى من 13.8 لغاية 14.1 حد اقصى

[madelonline]

اول حاجة زود ميا حامية

تانى حاجة حطها ساعتين عالشحن السريع

تالت حاجة العيب من الكتاوت اضبط الكتاوت او غيرها بحيت عالسلانيه تقرأ بالعداد الديجيتال 13 او اعلى قليلا

وعالتزويد مع النور العالى من 13.8 لغاية 14.1 حد اقصى

شكرا يا كبير

ميه حاميه اللي هيا ميه 30% ؟