بخصوص شحن بطارية 12

[oscar2011]

السلام عليكم ورحمة الله وبركاته
عندى موتور دى سى 12 فولت مكتوب عليه 450 وات
وبطارية 12 فولت مكتوب عليها 12/36
شغلت الموتور بالبطارية دى

السؤال :
دينامو 12 فولت
لو وصلت السير الخاص به على الموتور لتدويره
ووصلته يشحن البطارية
هل فى امكانية استمرار تشغيله دون ان يفصل؟

ارجو الاهتمام

[besso]

يعنى انت معاك دينامو غير اللى فى العربيات عايز تشحن بيه البطاريه اللى عندك؟؟؟؟؟

[oscar2011]

معنديش عربية اساسا
دة ينامو 12 فولت بيتباع كدة بيركب فالعجل

لو خليت البطارية تشغل الموتور والموتور يلف الدينامو والدينامو يشحن البطارية
هل دة يخلى الموتور يلف باستمرار ميقفش ؟

[besso]

والله مش عارف اسأل فيها مهندس كهرباء

بس تقريبا الكلامد ده يتوقف علي قدره الدينامو

[oscar2011]

منا مستنى حد كهربائى ادينى :d

[rotanamasoud]

لا يا باشا الطاقه الفرى دى متحصلش لانها بتخالف قانون بقاء الطاقه
وعمليا فى فقد حيحصل باستمرار اثناء التشغيل يعنى التفريغ اعلى من الشحن فحيجى وقت وتفضى البطاريه

[oscar2011]

حلو خليك معايا
لو عملت فرق جهد ميكانيكيا (نفس فكرة الغيارات بتاعت دراجات السبق).
هتعوض الفقد؟ وتستمر الحركة؟

بحيث ان وقت الشحن يبقا اقل 10 مرات من قت التفريغ .. هل النظرية دى صح؟

[rotanamasoud]

شوف ناس كتير حاولت وفشلت اخرهم فكره المحرك المغناطيسى
اللى هو الفكره المطوره لفكره المولد والموتور والبطاريه

عموما يكفيك شرف التجربه عايز تجرب جرب

[oscar2011]

طب بص بردو عشان انا فى ازمة بسبب الموضوع دة

لو الموتور دة بيحرك عربة او جسم معين وبشحن البطارية كل ساعة بتفضى كل ساعة
الحوار دة ميطولش مدة التفريغ ليومين مثلا او اكتر؟

وسؤال كمان معلش هو الدينامو هيكون بيلف بشكل مستمر فى اى حاجة تخليه ميشحنش الا لما البطارية توصل لـ 25% ولا لا؟

على حسب معلوماتى الضئيلة ان دة دور الكتاوت صح ولا انا بهجص؟

[atala]

معنديش عربية اساسا
دة ينامو 12 فولت بيتباع كدة بيركب فالعجل

لو خليت البطارية تشغل الموتور والموتور يلف الدينامو والدينامو يشحن البطارية
هل دة يخلى الموتور يلف باستمرار ميقفش ؟

بعيد عن الموضوع انا قرأت التعليق اللي قبل ده والتعليق ده ومت علي روحي من الضحك اصل ده بصراحة منتدي سيارات وانت بتكلم علي دينامو عجلة نرجع للموضوع افضل حل لحضرتك تجيب UPS بيبقي جواه بطارية بتشحن من الكهرباء 220 وعند انقطاع التيار بيولد 220 فولت لتشغيل لمبات ومراوح وفي انواع ممكن تشغل التكييف

[oscar2011]

عليا الطلاق انا مختار قسم البطاريات عشان ارغى براحتى لانى عارف ان دة منتدى سيارات :d

ثم انى مشترطش دينامو عجلة لو دينامو سيارة حجمه صغير شوية مفيش مانع المهم دينامو 13 فولت امبير مناسب لشحن بطارية 12/36 و حجمه مناسب :d

وعلفكرة المرغوب من الفكرة مش تشغيل اجهزة منزلية
المقصد تحريك الموتور نفسه مش اى شئ تانى معاه هو بس 450 وات وعلفكرة دة موتور كرسى معاقين.

الهدف من الفكرة انه صاحب الكرسى موظف وعنده شغل تانى بالليل الكرسى بيفصل منه فالشارع سفاح بطاريات بيغير بطارية كل شهرين لمجرد انها مدة التفريغ بتقل واتخن بطارية بتمشيه ساعة بس.

الفكرة : هلحم طمبورة على طارة العجلة الخلفية من جوا او خارجى واعمل فيها الدينامو بحيث يلف معاها ويغذى البطاريات فمتفصلش منه مهما مشى بيها او يشحنها مرة كل يومين تلاتة عالاقل لانه ظروف شغله بتخليه يلف كتير.

ليه بقا عاوز الدينامو صغير !؟

لان المساحة جمب البطاريات صغيرة وهسيب مسافة بين البطاريات عشان السخونة ضيف على ذلك الكرسى فيه 2 موتور و 2 بطارية :d .

فهركب 2 دينامو كل واحد على عجلة خلفية.

بالنسبة لشرف التجربة .. التكلفة هتبقا عالية :( فعاوز على الاقل حد يكون خبير يدينى نسبة نجاح للفكرة لو النسبة عالية شوية هجرب.

واللى عنده مقترحات ياريت ميبخلش

[rotanamasoud]

لا لن تتحمل تجارب ومحاولات للاسف الموضوع فاشل عمليا
لاكن ممكن نفكر فى افكار اخرى
1-انك تخليه يشحن وهو قاعد فى الشغل
2- انك توصل بطاريتين توازى حتضاعف المده لساعتين
وممكن نفكر مع بعض فى افكار تانيه

[oscar2011]

فاشل :(

طب ايه اسباب فشله؟
هو مش نظريا الدينامو طلاما هيلف يبقا هيشحن؟ ياريت تقولى الاسباب يمكن الاقيلها حل

[rotanamasoud]

حبسطهالك محرك الكرسى يستهلك مثلا 100 واط لتحريك الكرسى بوزن صاحبه
اصبح يستهلك 150 واط بعد توصيل الدينمو واصبح الدينمو ينتج بعد خصم ال100 واط للتحرك و10 واط فقد قدره =40 واط
البطاريه بتستهلك 150 واط وتشحن ب40 واط نسبه الشحن للتفريغ ستوئدى الى افراغ البطاريه فى النهايه واصبحت البطاريه التى كانت تستمر ساعه بسحب 100 واط مدتها اصبحت نصف ساعه بحمل 150 ومع اضافه ال40 لن تصل لمده ساعه للفقد فى الطاقه وسيقصر عمر البطاريه مع الزمن لالستهلاك الكبر من الحمل المناسب اللى صممت عليه 100 واط
كل ده كمثال نظرى

[oscar2011]

مش عارف اقول ايه

بس عندى سؤال ايه اللى هيزود الوات بعد توصيل الدينامو؟ هو مش كدة كدة الكرسى بيتحرك ؟