تسعير بطارية ACDelco

[abdelshafy85]

استفسار يا جماعة بعد إذنكم,

كنت بعمل صيانة لعربيتى الميجان وسبتها فترة عند الميكانيكى لظروف السفر, وانا بستلم العربية لقيت البطارية مختلفة, لما كلمته قالى البطارية اتغيرت بالخطأ مع بطارية عربية تانية وهيجيبها.
وبعد محاولات وبحث واستقصاء لم يتم العثور على البطارية.
الميكانيكى قالى هجيبلك واحدة مستعملة خارجة من عربيات حوادث تكون حالتها كويسة, وبعد عدة أيام قالى انه ملقاش حاجة حالتها كويسة فنجيب واحدة جديدة وهو يدفع جزء وأنا أدفع جزء.
أنا بطاريتى ACDelco 55 Amp كنت شاريها بتاريخ 19/5/2013 من منصور اللى فى رابعة العدوية وكانت عاملة 570جنيه ومشيت بالعربية عليها حوالى 10000كم.

السؤال دلوقتى المفروض هوا يدفع كام وأنا أدفع كام؟؟؟؟؟

أرجو الإفادة وجزاكم الله خيراً

[Dr_Moustafa]

انا لسه امبارح مشترى بطاريه Ac Delco 55Amp بـــ 470 جنيه بدون البطاريه القديمه

[mohamed_e36]

انا لسه مشتري واحده Ac Delco 55Ampمن حوالي 3 اسابيع ب 380 واخد القديمه بس اكيد بعد ارتفاع سعر البنزين الوضع اختلف
بس زي ما Dr_Moustafa قال ب 470 يبقا البطاريه المستعمله هتكون في حدود ال 250 يبقا دفعو 200 وكمل انته الباقي ومعلش هي جت كد ومتسبش عربيتك عند صنايعيه تاني

[zee]

لسه سال اليوم عندى 70 امبير وهياخد القديمه ب 420 جنيه ومش غارف السعر كويس ولا ايه لانه الوحيد اللى كان فاتح اليوم لان اليوم الاحد
يا ريت الافاده

[abdelshafy85]

جزاكم الله خيراً

[eng_ahmedsalah]

متابع

[exact]

حق الله... المفروض يجيب لك واحدة جديدة على حسابه اعتذارا منه على قلة ذوقه... انت ايش ضمنك انه مفكش حاجة تانية من العربية

[S O P H O S]

بصراحة المفروض يجيب واحدة جديدة مقابل الاهمال ده
يعني ايه يجيب بطارية مستعملة

[carrier]

السؤال دلوقتى المفروض هوا يدفع كام وأنا أدفع كام؟؟؟؟؟

انت راجل طيب ... انت اتبرع ب 200ج وربنا يعوض عليك

[kantofanto]

ماتتعملش معه تانى لان مش الامانة انك تلاقى حاجتك متاخدة منك ، و ربنا يعوض عليك

[twister_flasher]

انا لسه اول امبارح جايب 70 امبير ب 460 بالقديمة

[Sherif Mandoor]

المفروض يشيل الليله
ده استهبال واستهتار

[asmy_77]

بص يا باشا انت تاخده يتبرع لصندوق تحيا مصر ب 500 جنيه واشترى انت واحده جديده وكده هيحرم ياخد حاجه تانى

[ضى القمر]

ده راجل مهمل