محتاج اشتري بطارية سيارة ل inverter

[Amr gaffar]

السلام عليكم ورحمة الله وبركاتة

نظرا لازمة الكهربا اللى مش باينها حل قررت اشتري
Dc to AC inverter

وكنت عاوز اشتريلة بطارية سيارة يشتغل بيها
والانتفتير فة نوعين واحد بيشتغل على بطارية 12 و على 24 فولت

فممكن اعرف انواع البطاريات اللى فى السوق واسعارها وقدرتها
وشكرا

[S O P H O S]

حضرتك عاوزها كام امبير

[hossamaa]

هات بطاريه يكون امبير عال علشان تقعد معاك فترة طويله
على سبيل المثال البطاريه 40 امبير مثلا تقعد 1 ساعه
يبقى 90 امبير تقعد ساعتين
هات 90 امبير جافه بحوالى 550 جنيه

[h.Continental]

طيب هاتشحن البطارية ازاى ؟

[moumen_hs]

البطارية علشان تدى أطول مدة متقلش على 70 امبير فى حدود 450-500 جافة من أى حد و كمان تجيب شاحن 10 أمبير ب 200 جم لشحن البطارية من باب اللوق او احسن تجيب تنجر 20 أمبير . بس هو قد الشاحن 4 مرات فى الحجم ب 250 جم من شارع الجمهورية ودة أنا جبتة وشغال على قطع الكهرباء وربنا يعديها الايام القادمة

[abanobsamy]

نصيحه للانفرتر واليو بى اس هات بطاريه سائله تكون 100 امبير
هتعيش معك عن تجربه عكس الجفه
وهتلقى سعر السائله والجافه متقربين من بعض

[Land_Cruiser]

هي البطاريه ال deep cycle افضل من السائلة و الجافه و عمرها أطول و مناسبه للاستخدام المنزلي اكتر بس مشكلتها انها غاليه مقارنه بالأنواع التانيه يعني ال ٤٠ أمبير منها سعرها ٦٠٠ جنيه ودي هتبقي صغيره كمان و اعتقد ان حضرتك عامه هتبقي محتاج علي الأقل ٧٠ أمبير علشان تقعد فتره شغاله او ٩٠ أمبير و دي كانت من فتره ب ١٦٠٠ جنيه
بعد ال deep cycle ممكن تفكر في الجافه و دي هتبقي أرخص و حل وسط و الماركات فيها كتير ممكن ACDELCO او VARTA

[akmm]

مشكله الانقطاع المتككر والمتوالى للكهرباء خلت الواحد عاوز يشترى مولد كهرباء بس الحيره في المولد الانفيرتر ومشتقاته ولا المولد البنزين ............... مش عارف ؟

[أسامه الحسيني]

هي البطاريه ال deep cycle افضل من السائلة و الجافه و عمرها أطول و مناسبه للاستخدام المنزلي اكتر بس مشكلتها انها غاليه مقارنه بالأنواع التانيه يعني ال ٤٠ أمبير منها سعرها ٦٠٠ جنيه ودي هتبقي صغيره كمان و اعتقد ان حضرتك عامه هتبقي محتاج علي الأقل ٧٠ أمبير علشان تقعد فتره شغاله او ٩٠ أمبير و دي كانت من فتره ب ١٦٠٠ جنيه
بعد ال deep cycle ممكن تفكر في الجافه و دي هتبقي أرخص و حل وسط و الماركات فيها كتير ممكن ACDELCO او VARTA

deep cycle هي الحل الامثل

[eng_amg]

لا تشتري بطارية سيارة عادية..
بطارية السيارة العادية غير مصممة للتحميل مدد طويلة. بمعنى..

لو البطارية تم تحميلها بنسبة 30 % ممكن متشتغلش تاني.
البطاريات العادية مصممة علشان تدي دفعة قوية جدا عند البدأ وبعد ذلك يتم شحنها عن طريق الدينامو...

للإنفيرتر لابد من بطاريات (ديب سايكل) أو (Deep Charge) حيث إنها ذات عدد خلايا أكثر ويتم شحنها شحن عميق وذلك يجعلها تتحمل طاقة تحميل حتى 99 % وتقبل الشحن من جديد.

هذه الأنواع غالية وبطارية 100 أمبير تبدأ من 1500 ج تقريبا (كلورايد)

[abdoumahros]

حضرتك هاتشغل عليه ايه

السلام عليكم ورحمة الله وبركاتة

نظرا لازمة الكهربا اللى مش باينها حل قررت اشتري
Dc to AC inverter

وكنت عاوز اشتريلة بطارية سيارة يشتغل بيها
والانتفتير فة نوعين واحد بيشتغل على بطارية 12 و على 24 فولت

فممكن اعرف انواع البطاريات اللى فى السوق واسعارها وقدرتها
وشكرا