سؤال بسيط عن البطارية؟

[ashraf yahya]

انا لسه جايب عربية بقالى شهرين وكانت مفيهاش اى حاجه المهم رحت غيرت الكاسيت بتاعها وركبت كاسيت تانى ومن يومها وانا حاسس ان فى حاجه مش طبيعية حاسس ان شحن البطاريه بيقل يوم بعد يوم وفى يوم جيت اشغل العربية مرضيتش تشتغل خالص وزقتها واشتغلت مع انى اما بركنها مببقاش ناسى اى حاجه شغاله ممكن اعرف الكاسيت له علاقه بالموضوع ولا لاء يعنى ممكن يكون فى سلك ملمس ولا حاجه ؟ مع العلم البطارية جافة ومنورة اخضر
ارجو الرد وشكرا

[ashraf yahya]

ارجو الرد والافادة يا جماعة

[eng_amg]

ممكن يكون في وصلة غلط في الكاسيت وممكن تكون البطارية خلاص قربت تنتهي. بس طالما جافة ومتورة اخضر يبقى احتمال ضعيف شوية.
انت ممكن تتاكد من موضوع الوصلات غلط او صح عن طريق انك اول متركن العربية شيل كابل البطارية الموجب.
والصبح ركبه ودور العربية.
لو دارت كويس يبقى الوصلات غلط وفي حاجة شغالة باستمرار او تلميس.
لو مداراش يبقى البطاريى ضعيفة او الدينامو مش شغال كويس.

[ashraf yahya]

انا جربت اطفى كل حاجه فى العربية وافصل الكابل السالب والمسه تانى ﻻقيته بيشرز هل ده معناه ان فى وصله غلط وﻻ حاجه ملمسه وﻻ ايه وكمان ﻻ حظت وانا بلمس الكابل ان الكاسيت بينور ويطفى تانى مع انه مبيشتغلش الا والكونتاك مفتوح وانا اصﻻ وانا بلمس الكابل بيبقى المفتاح متشال اصﻻ هل ممكن يكون ده السبب فى تهريب شحن البطارية وﻻ ايه

[ahmed_eng2001]

كدة فيه حاجة واخدة من البطارية مباشرة .... و ده ممكن يكون السنتر لوك ... او نور الصالون مثلا ... و فى الغالب .. الكاسيت فيه حاجة مش مظبوطة ... و بيساهلك كهرباء على طول ...

زى ما قال العضو الفاضل eng_amg افصل كابل البطارية باليل .... و ارجع وصله تانى بالنهار قبل ما تدور و لاحظ بنفسك اخبار البطارية ايه

[eng_amg]

ياريت نعرف العربية ايه وموديلها

[ashraf yahya]

العربية جيلى باندينو 2014

[carrier]

انا لسه جايب عربية بقالى شهرين وكانت مفيهاش اى حاجه المهم رحت غيرت الكاسيت بتاعها وركبت كاسيت تانى ومن يومها وانا حاسس ان فى حاجه مش طبيعية حاسس ان شحن البطاريه بيقل يوم بعد يوم وفى يوم جيت اشغل العربية مرضيتش تشتغل خالص وزقتها واشتغلت مع انى اما بركنها مببقاش ناسى اى حاجه شغاله ممكن اعرف الكاسيت له علاقه بالموضوع ولا لاء يعنى ممكن يكون فى سلك ملمس ولا حاجه ؟ مع العلم البطارية جافة ومنورة اخضر
ارجو الرد وشكرا

بص حضرتك
انا ارجح ان بطاريتك اصلا بايظة واللى كشفها البرد اليومين دول بالليل
طب تتاكد ازاى

روح لاى بتاع بطاريات
قوله
حمل لى عالبطارية
لو القراية عالتحميل انهارت عن 8.5 اول مرة ونهارت عن 8 او 7.5 تانى مرة خلال فرق 15 ثاتية

يبقى كده بايظة