انا هتجنن !! ...ازاى 75 ومفيش 75 وبيركب 70 ؟؟؟؟!!!!

[طارق المحلاوى]

الحكاية ان بطاريه الوزة (اسبيرانزا 516 موديل 2008 ) نامت وحلفت ماتقوم تانى.. والحقيقة كتر خيرها قوى قوى قوى ..دى بقالها معايا 6 سنين زى الفل والحمد لله كفايه عليها كده ..المهم زى عادتى جبت كتالوج العربية ولقيت ان البطاريه اللى المفروض نحطها لازم تكون 75 أمبير ..قلت وماله ..لفيت البلاد شرق وغرب ..وكل الباعة بتقول مافيش 75 واللى موجود بس هوه 70 أمبير وهيه دى اللى بنركبها للوزة ..معقوله الكلام ده؟!!!!
ارجو من حضراتكم :-
اولا:- تفسير الكلام ده.. ازاى يبقى المطلوب 75 واللى بيركب 70 ؟؟
ثانيا :- لأصحاب التجارب ...ياترى ركبتم بطاريه كام أمبير للوزة ؟ ونوعها ايه وعامله ايه معاكم ؟؟؟
وشكرا مقدما ..مع اعتبار الموضوع دة هام جدا جدا

[mahmoud_fathy]

لا تستسلم

بص يا ريس انا الحمد لله برده حصلى الموضوع ده من سنه وسالت زيك المحلات اللى جنبى وكلهم قالولى كده
بس مردتش اسكت ولئيت محلين فالاخر بيبيعو فعلا ال75 امبير وده مهم جدا لانى ذى محضرتك قولت البطاريه عاشت 6 سنين وده حاجه نادره وكمان العربيه بتحتاج كهربا عاليه
ثم ان حجم البطاريه بيختلف عن ال70 امبير وبالتالى مش هتعرف تثبت معاها الكفر الاصلى
وجبت نفس النوع acdelco 75 امبير وكان 540 جنيه واخد البطاريه القديمه
المحل كان فى مدينة نصر فى الشارع اللى فيه المصريه واسواق شارع عبد العزيز وفرحات يعتبر ضهر النادى الاهلى
ولو روحت شارع احمد سعيد فالعباسيه مليان محلات بطاريات هتلائيها برده وكمان فالحى السادس مدينة نصر مليان برده محلات كاوتش وبطاريات
بس متستسلمش وهات ال75 امبير

[carrier]

اقرا الموضوع دا كويس
http://www.nilemotors.net/Nile/391093-a-3.html

[طارق المحلاوى]

بص يا ريس انا الحمد لله برده حصلى الموضوع ده من سنه وسالت زيك المحلات اللى جنبى وكلهم قالولى كده
بس مردتش اسكت ولئيت محلين فالاخر بيبيعو فعلا ال75 امبير وده مهم جدا لانى ذى محضرتك قولت البطاريه عاشت 6 سنين وده حاجه نادره وكمان العربيه بتحتاج كهربا عاليه
ثم ان حجم البطاريه بيختلف عن ال70 امبير وبالتالى مش هتعرف تثبت معاها الكفر الاصلى
وجبت نفس النوع acdelco 75 امبير وكان 540 جنيه واخد البطاريه القديمه
المحل كان فى مدينة نصر فى الشارع اللى فيه المصريه واسواق شارع عبد العزيز وفرحات يعتبر ضهر النادى الاهلى
ولو روحت شارع احمد سعيد فالعباسيه مليان محلات بطاريات هتلائيها برده وكمان فالحى السادس مدينة نصر مليان برده محلات كاوتش وبطاريات
بس متستسلمش وهات ال75 امبير

الأخ العزيز /محمد فتحى
اشكرك على الرد السريع المفيد ..وان شاء الله مش هستسلم ..المشكله انى من المحله الكبرى لكن ان شاء الله هاروح العنوان اللى انت قولته فى أقرب وقت ..بس ياترى ماهو نوع عربيتك ؟ وشكرا مرة اخرى

[أسامه الحسيني]

البطاريه 70 امبير هتشتغل معاك بس هيكون حجمها اصغر شويه

[طارق المحلاوى]

انا لسه بدور وبلف على البطاريه 75 أمبير ..وربنا يسهل ..لحد دلوقتى مش لاقيها عند أكتر من 4 بائعين فى طنطا