هى بطاريه السياره الجافه ممكن تتزود مياه؟؟؟؟؟!!!!!!!

[eisaa100]

تحياتى لاحلى منتدى اتعلمت منه كل حاجه عن السيارات
وعندى سؤال محيرنى
طالما ان البطاريه الجافه بتاعة العربيه هى بطاريه سائله ومعزوله فلماذا نرميها لما تعطى اللون الابيض وشفت فديو لواحد بيفكها ويزودها ماء مقطر ويشحنها واضاف ملح الطعام كذلك
دا صح ولاغلط؟
لكم جميعا تحياتى

[Fo1Fo]

لأن البطاريات السائله ليها أماكن تزويد للمياه وليها طبه بتقفلها . والجافه مالهاش يعنى ها تعملها خرم وترجع تقفله أزاى ؟ دى ممكن تبهدل الدنيا ده غيرتحملها للضغوط الناشئه عن الغازات والبخر اثناء الشحن والتفريغ

[eisaa100]

طيب شوف الفيديو ده

http://www.youtube.com/watch?v=rxLVkpTHHUQ

[hugan]

متابع

[Ahmed abdkarim]

متابع

[Fo1Fo]

هى البطاريات السائله ايه نوع الصيانه اللى بتعملهولها ؟ هو انك تحطلها ماء مقطر او تعيد ظبط وقياس كثافه الحامض صح كده ؟ ماشى طب ايه اللى يغير كثافه الحامض او يخلى ماء البطاريه يتقص ؟ هو عدم أحكام غلق فتحاتها ووجود فتحه فايظ فى بعض الأنواع . بالتالى لما عملوا بطاريات وسموها جافه هما أعتمدوا على أحكام غلق وبرشمه جسم البطاريه وبالتالى لن يحدث بخر او تغيير لكثافه الحامض يعنى البطاريه الجافه مفروض ان كثافه الحامض ما تتأثرش كتير خلال فتره عمرها الأفتراضى . طب وبعدين لو البطاريه ( السائله) من خبرتى لو قعدت معاك سنه انت ملكش حاجه عند الوكيل ولو قعدت معاك سنتين تبقى انت اخذت حقك منها ولو قعدت معاك 3 سنين تبقى انت محظوظ وماحصلش انها قعدت معايا أكتر من كده بالنسبه للسائله اما الجافه فهى قعدت معايا فوق ال3 سنين ولسه شغاله ومع ناس تانيه وصلت ل5سنين . طب وأحنا عاوزين ايه اكتر من كده ؟ بعد العمر ده بتبدأ البطاريه تجيب ربع ( تبدأ أحد الأرباع تفور ) فى الحاله دى بتترمى او تتباع وتجاب واحده جديده .يعنى مشكله الجافه بعد اربع اوخمس سنين أستخدام ما بتبقاش مشكله ماء بطاريه بتبقى مشكله ارباع بدأت تضرب وتفور . كان فى زمان بطاريات نسر لون الظرف بتاعها بلاستك أسود مضلع موجوده حاليا فى العربيات النقل دى اللى بيقدروا يبدلو الأرباع البايظه مع السليمه من بطاريه أخرى ومن ساعه ما طلع الكلورايد فى الظرف البلاستك الأبيض ما حدش بيعرف يعمل الحكايه دى .أختصار لما سبق ان البطاريه الجافه بعد اربع خمس سنين أستخدام بتبقى مشكلتها مش فى نقص الماء بتبقى اكيد جابت ربع . اما الفيديو فأكيد دى مشكله خاصه نادره الحدوث بالبطاريه الجافه خلت ميتها تنقص .وبعدين لو الموضوع ده جايز فى جميع الحالات كان الناس فى مصر عملوا أبوها

[eisaa100]

انا قولت كده أكيد كانوا عملوا أبوها
شكرى وتقديرى لسيادتكم

[S O P H O S]

هى البطاريات السائله ايه نوع الصيانه اللى بتعملهولها ؟ هو انك تحطلها ماء مقطر او تعيد ظبط وقياس كثافه الحامض صح كده ؟ ماشى طب ايه اللى يغير كثافه الحامض او يخلى ماء البطاريه يتقص ؟ هو عدم أحكام غلق فتحاتها ووجود فتحه فايظ فى بعض الأنواع . بالتالى لما عملوا بطاريات وسموها جافه هما أعتمدوا على أحكام غلق وبرشمه جسم البطاريه وبالتالى لن يحدث بخر او تغيير لكثافه الحامض يعنى البطاريه الجافه مفروض ان كثافه الحامض ما تتأثرش كتير خلال فتره عمرها الأفتراضى . طب وبعدين لو البطاريه ( السائله) من خبرتى لو قعدت معاك سنه انت ملكش حاجه عند الوكيل ولو قعدت معاك سنتين تبقى انت اخذت حقك منها ولو قعدت معاك 3 سنين تبقى انت محظوظ وماحصلش انها قعدت معايا أكتر من كده بالنسبه للسائله اما الجافه فهى قعدت معايا فوق ال3 سنين ولسه شغاله ومع ناس تانيه وصلت ل5سنين . طب وأحنا عاوزين ايه اكتر من كده ؟ بعد العمر ده بتبدأ البطاريه تجيب ربع ( تبدأ أحد الأرباع تفور ) فى الحاله دى بتترمى او تتباع وتجاب واحده جديده .يعنى مشكله الجافه بعد اربع اوخمس سنين أستخدام ما بتبقاش مشكله ماء بطاريه بتبقى مشكله ارباع بدأت تضرب وتفور . كان فى زمان بطاريات نسر لون الظرف بتاعها بلاستك أسود مضلع موجوده حاليا فى العربيات النقل دى اللى بيقدروا يبدلو الأرباع البايظه مع السليمه من بطاريه أخرى ومن ساعه ما طلع الكلورايد فى الظرف البلاستك الأبيض ما حدش بيعرف يعمل الحكايه دى .أختصار لما سبق ان البطاريه الجافه بعد اربع خمس سنين أستخدام بتبقى مشكلتها مش فى نقص الماء بتبقى اكيد جابت ربع . اما الفيديو فأكيد دى مشكله خاصه نادره الحدوث بالبطاريه الجافه خلت ميتها تنقص .وبعدين لو الموضوع ده جايز فى جميع الحالات كان الناس فى مصر عملوا أبوها

كلام رائع
طيب ايه السر ان زمان البطارية كانت بتعدي 3 سنين واكتر
وحاليا لو سنة ونص للسائلة يبقي ممتاز

[carrier]

كلام رائع
طيب ايه السر ان زمان البطارية كانت بتعدي 3 سنين واكتر
وحاليا لو سنة ونص للسائلة يبقي ممتاز

السر فى ضمير الصانع فقط
الخاااامااات

انا بقالى يجى 9 سنيين مبجبش بطارية جديدة ابدا من مصر

الخليجى فقط اللى بتيجى من الكويت او السعودية للخلييج خصيصا معمرة بشكل غريب