بطارية ac-delco

[ziours]

شكرا ياجماعة على ردودكم السريعة و المفيدة ومن كلامكم الكويس عن البطارية انا ناوي ان شاء الله اشتريها انا سالت عليها لقيتها عاملة 400 ج بس لية سؤال هي البطارية القديمة تتباع بكام دلوقتي احسن بتاع البطاريات قالي هشتريها منك 25ج مش عارف السعر ده كويس و لا في حين انا كنت سامع انها ب 75 ج
شكرا لتعاونكم معي.

[KoDaK_Gti]

ايوة بتتباع ب 25 واقصاها 30 جنيه

[eldeplomasy]

الراجل اللى جنبي بيخدها ب30 جنيه والجديده ب320 ال55 امبير وال70 ب350 لو حد عايز يقلي

[mr_kenawy]

تجربتى الشخصية مع الac delco , قعدت سنة الضمان زى الفل و عمرى ما اشتكيت منها لكن بعد سنة و اسبوع بالظبط من شرائى لها كانت شغالة زى الفل و ركنت على جنب و نزلت اشترى علبة مناديل و لما رجعت لقيت العربية ما بتدورش خالص , جبت الكهربائى قاللى البطارية انتهت , ما صدقتوش روحت بيها عند اثنين كهربائية تانى قالولى نفس الكلام , رحت المكان اللى اشتريتها منه قالولى الضمان خلص من اسبوع و مالناش دعوة , حاليا معايا فارتا المانى و طبعا ضفرها برقبة الدلكو.

[nero_007]

i have ac-delco 70 on my regata and didn't work very good for me ..i bought it at 8/2008 and it slept about 3 or 4 times untill now it did sleep the first time when i didn't use the car for 4 days but i c people don't complain from a sleeping battery after 5 days!...
any way it sleeps when the wither is a so cold a lot and when u use the stereo directly from it while u turned the engine off..that's all..salam

[أبــوحبيبه ونور]

الراجل اللى جنبي بيخدها ب30 جنيه والجديده ب320 ال55 امبير وال70 ب350 لو حد عايز يقلي

انا ناوى اجيب ان شاء الله وشايف الاغلبيه متفقين علىAC Delco بس عاوز اعرف ايه الافضل ال 70او55 بصرف النظر عن السعر ويا ريت تقلنا يا جميل الراجل اللى جنبك فين فى الهرم انا هرماوى قديم

[ziours]

روحت النهارده ياجماعة عشان اجيب ac delco 70 امبير لاقيتها ب 350 ج فالراجل قالي خد كوري انضف بصراحة انا ماصدقت ان في كوري فجبتها والراجل شكرلي في البطارية الكوري وقالي دي احسن من ac-delco البطارية اسمها رويال كوري ب 380 ج بس في حاجة قرأتها على البطارية (12v-60 ah) لاقت الامبير 60 فسألت الراجل قالي ان الكوري نازل 60 امبير و دي اعلى حاجة وتمشي مع عربيتك
بس في سؤال هل ال 60 امبير مناسبة للفيات 132 و لاالراجل بيشتغلني؟
شكرا واسف على الاطالة.

[hesham_shousha]

أحب ألفت نظرك أن البياع شكرلك فى الكورى عشان هى دى البضاعه اللى عنده - ولو كان عنده بطاريه من غير ماركه خالص كنت هتلاقيه طايرلك بيها فى السماء -
نصيحه : ماتاخدشى برأى بياع فى بضاعه عنده أبدا

بالنسبه لموضوع الامبير : كل مازاد الأمبير كل ماكان أحسن لكن ماتقللشى عن المطلوب فى كتالوج السيارة

أنا عربيتى بيجو 305 كتالوجها بيقول 55 أمبير وباحط بطاريه 70 أمبير وأعتقد ال 132 هتكون نفس الموضوع

[أبــوحبيبه ونور]

أحب ألفت نظرك أن البياع شكرلك فى الكورى عشان هى دى البضاعه اللى عنده - ولو كان عنده بطاريه من غير ماركه خالص كنت هتلاقيه طايرلك بيها فى السماء -
نصيحه : ماتاخدشى برأى بياع فى بضاعه عنده أبدا

بالنسبه لموضوع الامبير : كل مازاد الأمبير كل ماكان أحسن لكن ماتقللشى عن المطلوب فى كتالوج السيارة

أنا عربيتى بيجو 305 كتالوجها بيقول 55 أمبير وباحط بطاريه 70 أمبير وأعتقد ال 132 هتكون نفس الموضوع

انا كنت رايح امبارح اجيب AC Deleco بس انا فى الاساس رايح على سمعت صاحب المحل قالى عندى حاجة كورى اسمها Solite وانظف من ال ACعشان ال ACسعودى وال Solite كورى قالى عندى الاتنين بس انا نصح بالكورى ختها هى كانت ب385 توكلت على الله وجبتها ومش كل اصحاب المحلات المهم عندهم البيع فى ناس كتير المهم عندهم الزبون اللى ممكن بعد كدة يجيب50زبون تانى
ملحوظة انا مش بشكر فى صاحب المحل ولا فى نوع البطارية اللى جبتها بس دا راى حبت اقوله

[eldeplomasy]

حضرتك لو تعرف اول فيصل بعد كوبري فيصل على طول في مطعم طازه على ناصيه شارع اسمه احمد ماهر عمودي على شارع فيصل امشي فيه لاخره لحد ما تلاقي تقاطع شارع عمومي ادخل يمين وامشي بتاع 200 متر هتلاقي محل اسمه المنياوي على ايدك اليمين هو ده

ركز كويس في وصفي للعنوان ولو في حاجه خد رقمي من البروفيل وكلمني في اي وقت انا تحت امرك

[original]

البطارية 100 100 ولو باظت يبأا عيب الدينامو وسوء استخدام

[ziours]

يعني ياجماعة 60 امبير كويس ومناسب للعربية؟
شكرا

[hossam_elwani]

شغاله عندى من سنه ونص تمااااااام

[limo]

بطاريه ممتازه جدا جدا جدا ركبتها فى مايو 2007 وباظت فى فبراير 2013 يعنى اعدت بالضبط 5 سنوات وثمن شهور وعملت كليوهات حوالى 50 الف كم فى المده ده كلها

[meero_boy2000]

انا جربتها فعلا ماشاء الله عليها جميله