احسن نوع بطارية جافة اية؟

[dr_walid]

[QUOTE=samirayad;944412]أعتقد كده حيبقى العيب من البطاريه ( سنتين وكسور معاك + زيهم مع البائع بتاع العربيه ) يعنى دخلنا فى أكثر من 4 سنوات ..........وبالنسبه للدينامو بيتقاس عادى وهو راكب على المكنه وهى شغاله والطريقه معروفه للكهربائيه الشطار ( الفولت بينقاس بالأفوميتر ...........والأمبير بينقاس ببنسة أمبير ) .......وهات ال ac delco بطاريه كويسه وتمنها معقول ................فى حدود 250 ج[/QUOشكرا جدا يابشمهندس
بس ليل استفسار
اخد بالى ازاى من ان الكهربائى بيقيس صح اصل انا معرفش حد و هاروح لاى واحد
و البطارية هو الى يركبها
اجيبها من اي واحد و اخد بالى من اية بالضبط
اصل لقيت
ان الامبير بيختلف من بطارية لاخرى اعرف لية المناسب بالضبط للسيارة
و سنة الانتاج اخد بالى منها ولا لأ
وشكرا جدا

[samirayad]

ان الامبير بيختلف من بطارية لاخرى اعرف لية المناسب بالضبط للسيارة
و سنة الانتاج اخد بالى منها ولا لأ

حاول تشترى بطاريه أنتاجها جديد بقدر الأمكان وكده كده حتاخد ضمان عليها لمدة سنه من يوم الشراء..... .....ودور على كهربائى شاطر ( أسأل أى حد معرفه ) وسيبها على الله ..............وأن شاء الله خيرا

[dr_walid]

ان الامبير بيختلف من بطارية لاخرى اعرف لية المناسب بالضبط للسيارة

[samirayad]

حتلاقى الأمبير مكتوب عندك على البطاريه .......وأعتقد 55 أمبير حتكون كويسه لأنها اللى شغاله عندى

[maged_tours]

البطارية الجافة مصطلح يطلق علي البطاريات التي لا تحتاج الي صيانة يعني مش بنزودها ميه وبيكون فيها عين سحرية الطبيعي تكون خضراء لما البطارية تكون مشحونة ولونها يكون اسود لما البطارية تكون محتاجة شحن وافضل الانواع الموجودة في مصر فارتا و a c delco تصنيع سعودي ولكن يجب ملاحظة قيمة الامبير الموجود علي البطارية الأصلية يعني متغيرش بطاريتك المكتوب عليها 70 امبير وتحط مكانها بطارية 50 مثلا ممكن يكون الامبير اعلي يكون افضل وفيه طريقة بسيطة لاختبار اذا كان العيب من الدينامو او البطارية انك تفك قطاش البطارية والعربية دايرة وتبعده عن البطارية والعربية في السلانسيه لو العربية بطلت يبقي عيب دينمو لو مبطلتش يبقي عيب بطارية مع ملاحظة سرعة اعادة الكابل لمكانه حتي لا يتأثر الدينمو

[hkyfgvyiyu]

طالما الكل قال لحضرتك ان الدلكو حلوه فتوكل على الله علفكرا انا لسا جايب بطاريه جافه كورى بيقوله ممتازه بس لسه محدش جربها وتقريبا الامبير بيبقا على حسب قاعده البطاريه

[ahmed_su]

كنت من اشد المعجبين بالفارتا واستخدمتها لمدة تزيد عن السنتين

بدون ادنى مشكلة الى ان ماتت بالسكتة مرة واحدة بدون اى انذار

ولما ذهبت لشراء اخرى من نفس النوع بتاع اليطاريات اقنعنى بالايه سى ديلكو (امركية مصنعة فى السعودية)

وان ضمنها 12 شهر حقيقى يعنى لو تلفت فى خلا ال12 شهر تستبدل بواحدة جديدة (الوكيل منصور-ومسمينها بطارية الوزير)

بخلاف الفارتا لوتلفت فى الشهر العاشر من الضمان مثلا يقسم تمنها على 12 شهر

ويخصم شهور الاستهلاك ويديك المتبقى تكمل عليه تمن بطارية جديدة

طولت عليك -اشتغلت بالايه سى ديلكو و لمدة سنتين وهى ممتازة فعلا

وعلى فكرة جبتها من الراجل اللى انت اشتريت منه فى المنيل (على صبرة)

[MoMohsen]

انا اشتريت بطاريه كورى نوع اسمه جلوبال ...البايع قعد يشكر فيها و هى جافه زى ايه سى ديلكو و ليها عدسة مؤشر و تمنها 300 جنيه وهى 55 امبير.
حد عندة فكرة عن النوع دة اة جربه قبل كدة؟

[dr_walid]

شكرا جدا للاخوة فى المنتدي
انا فعلا جبت ac-delco
ثمنها 270 و خصم 40 ثمن البطارية القديمة
بقت ب 230
و ان شاء اللة
تكون ممتازة
بس ليا استفسار انا من فترة قبل موضوع البطارية كنت ملاحظ ان فية حاجات فى العربية مبقتش مظبوطة
زي مثلا الانذار كان مش مظبوط
الرشاشات مساحة الزجاج الامامى مش شغالة
و انا افتكرت ان فيهم مشكلة و محتاجين صيانة

بس لما ركبت البطارية الجديدة كل حاجة رجعت كويسة زى الاول الحمد للة
فهل البطارية الضعيفة هى السبب
واحد قالى ان السيارة فيها كمبيوتر حس ان البطارية ضعيفة فراح فصل الحاجات دى
دة صح ولا لأ
وشكرا مرة اخرة

[samirayad]

بس ليا استفسار انا من فترة قبل موضوع البطارية كنت ملاحظ ان فية حاجات فى العربية مبقتش مظبوطة
زي مثلا الانذار كان مش مظبوط

لمبة الأنذار بتعمل أساسا هى وجهاز الأنذار وقت الجراج أعتمادا على البطاريه

الرشاشات مساحة الزجاج الامامى مش شغالة
و انا افتكرت ان فيهم مشكلة و محتاجين صيانة

دى أنا مش متأكد منها أوى ......بس أحتمال برضه أن طلمبة ضخ الميه على الزجاج الأماى مصممه عندك .....وقد تكون فى عربيات كتير أنها تضخ المياه والعربيه مش دايره ولكن مع فتح الكونتاكت .....قبل سنة المارش .....وده منطقى فعلا ......لغسيل الزجاج قبل التحرك بالسياره وهى مش دايره ..........

و انا افتكرت ان فيهم مشكلة و محتاجين صيانة

.أذا أنعم الله عليك بخيرا .....فقل الحمد لله ......ولأن شكرتم لأزيدنكم ....صدق الله العظيم ......

فهل البطارية الضعيفة هى السبب

نعم ............وبالمنطق كده يادكتور ......أيه الجديد اللى حصل ( تغيير البطاريه ) ..........يبقى هى السبب

واحد قالى ان السيارة فيها كمبيوتر حس ان البطارية ضعيفة فراح فصل الحاجات دى
دة صح ولا لأ

الكمبيوتر فعلا عندى ليه علاقه بالأنذار (بتاع بلاده طبعا ).......أنما ملوش علاقه بطلمبة مية الغسيل للزجاج الأمامى ......فلو الأنذار عندك من العادى .......يبقى الكلام اللى أتقالك مش دقيق

[waleed_home]

انا كان عندى ac deleco قعدت سنة ونصف وبعد كدة باظت وجبت بعدها hankook كورى ولسة تحت التجربة

[ahmedaliaeg]

شكرا جدا للاخوة فى المنتدي
انا فعلا جبت ac-delco
ثمنها 270 و خصم 40 ثمن البطارية القديمة
بقت ب 230
و ان شاء اللة
تكون ممتازة
بس ليا استفسار انا من فترة قبل موضوع البطارية كنت ملاحظ ان فية حاجات فى العربية مبقتش مظبوطة
زي مثلا الانذار كان مش مظبوط
الرشاشات مساحة الزجاج الامامى مش شغالة
و انا افتكرت ان فيهم مشكلة و محتاجين صيانة

بس لما ركبت البطارية الجديدة كل حاجة رجعت كويسة زى الاول الحمد للة
فهل البطارية الضعيفة هى السبب
واحد قالى ان السيارة فيها كمبيوتر حس ان البطارية ضعيفة فراح فصل الحاجات دى
دة صح ولا لأ
وشكرا مرة اخرة

جبتهامنين يا باشا وياريت العنوان والتليفون

[Mohamed.Fawzy]

بستخدم ال ac delco السعودي
وحتى الآن زي الفل

+1

[dr_walid]

[QUOTE=ahmedaliaeg;956039]جبتهامنين يا باشا وياريت العنوان والتليفون


[/QUOTE
جايبه من محل فى شارع وادى النيل المهندسين
اسمة ابناء على سليمان
و الشارع دة امام مسجد مصطفى محمود فى شارع جامعة الدول العربية
و ممكن بالدليل تجيب رقم التليفون
معلش اصاى مش فاكرة

[ahmed2801]

بعد اذن حضرتك عايز اعرف عنوان ac delecoتوكيله فين او الاقي البطاريات دي فين في القاهرة؟؟؟
عشان عايز اشتري بطاريه للعربيه ارجو الافاده