اسعار البطاريات بقت نار

[ihab]

شفتوا اسعار البطاريات ولعت ازاى
امبارح نزلنا جبنا بطارية جافة فارتا 74 امبير لعربية اوبل فيكترا بـ 550 جنيه و كان سعر البطارية التى بالحامض فى حدود 380 جنيه
و سمعت ان السبب فى غلو الاسعار ان البلد المصنعة لمادة الرصاص و المستخدم فى صناعة البطاريات قد توقفت عن انتاجه لما له من اثار على البيئة مما ادى الى ارتفاع اسعار البطاريات بهذه الصورة المبالغ فيها جدا جدا

[Nader]

:shock: :shock: :shock: :shock:

[hazem_khidr]

لسه شاري الفارتا العاديه ب 220 جنيه من شهر و نص بالضبط .و كانت 70 امبير برضه.
معرفش وصلت كام بس سمعت انها غليت فعلا.
طب يا تري دلوقتي لما الدوله اللي بطلت تصنع الواح الرصاص للبطاريات يبقي حتصنع فين ولا ايه البديل؟؟؟؟؟؟
انا عن نفسي حشتري العاديه و خصوصا انها بتقعد معايا فوق ال 3 سنين
و مره بطاريه فضلت معايا اكتر من 4 سنين كمان علشان دايما كل شهر بكشف عليها و علي شحن الدينامو

[ahmedfd]

ده حقيقي أنا لسة شاري كلورايد عادية قبل العيد بيومين 70 أمبير ب 350 جنيه و الراجل قاللي النسر فارتا ب 345 جنيه.

[PAYOO]

فعلا أسعار البطاريات غليت جدا أنا أشتريت بطاريه جافه 70 أمبير قبل العيد من الروماني إللي في شارع جسر السويس ماركتها ACdelco بـ480 جنيه بس المحل أخد مني البطاريه القديمه بـ 100 جنيه (جافه 45 أمبير) وعند الدفع وبعد الفصال والذي منه دفعت 360 جنيه والضمان سنه

[IAbdou]

أستاذ بايو هو حضرتك غيرت بطريت الماتريكس ال45 بواحدة 70 ؟؟!

[Islam_galal]

انا لسة مغير لفارتا 45 امبير جافة بـ 325 ج

[M_ashraf]

الجافة اريح بكتير وتستاهل الفرق

[ayman_elkholy]

هوا فيه ايه مش مبالغ فى سعره ممكن حد يقولى

[Abdallah]

يا ترى ايه هو السر المريب الى تسبب فى رفع اسعار البطاريات للدرجة دى, اخر مرة اشتريت كانت كلورايد سايلة 70 امبير وكانت بـ 160 جنيه.

[Salah_sr]

بايو أنت فين أنا حاسس إنك غايب بقالك فترة طويلة عموما حمد الله علي السلامة

[ahmedfawzy14]

لسه جايبها امبارح
كلورايد 70 امبير
وعملت 370 جنيه

مع العلم انى جايبها من سنيتن تقريبا ب 150 جنيه

[د.أحمد سمير]

لسه جايب واحدة النهاردة فارتا جافة 45 أمبير ب 425 جنيه غير القديمة

[iBiZa]

الموضوع مش عندنا احنا بس http://www.srqa3h.com/vb/t6148.html

و سبب الغلو فى الاسعار اهو http://www.zawya.com/Story.cfm/sidZA...ok050400080609

[saiedsm]

الناس هواة صيد السمك يعرفو ليه سعر البطاريات اصبح غالي جدا

اللي عنده هواية صيد السمك يعرف ان الرصاص ده مكون اساسي من مكونات عدة الصيد و الرصاص برده ده غلي جدا علشان للأسف
السبب ان
التجار بيجمعوا الرصاص الخرده و يصدروه لبره و بالتالي الماده الخام قلت كتير و ده هو اللي غلا سعر الرصاص
وفي حدود معلوماتي ان البطاريا ده بتتصنع في مصر و مش مستورده و الغلو اللي حاصل علشان السبب اللي ذكرته
1 كيلوجرام الرصاص ب 20 جنيه للصيد و كان الأول من سنه ونص ب 4 جنيه
؟؟؟؟؟؟؟؟؟؟؟؟؟؟؟؟؟؟؟ظ